PRAKSHALANA

Best Informative Web Channel

PRAKSHALANA

ఇన్‌ఫ్లుయెంజా ఫ్లూ లక్షణాలు ఎలా ఉంటాయో తెలుసా..?


Influenza virus: కొవిడ్‌ మహమ్మారి విధ్వంశంతో ఇప్పుడిప్పుడే కోలుకుంటున్న సమయంలో.. దేశంలో ఇన్‌ఫ్లుయెంజా వైరస్‌ కేసులు విజృంభిస్తున్నాయి. గత రెండు, మూడు నెలలుగా ఫ్లూ కేసులు ఎక్కువగా నమోదవుతుండగా.. తాజాగా రెండు మరణాలు నమోదు కావడం ఆందోళన కలిగిస్తుంది. ఇన్‌ఫ్లుయెంజా ఏ సబ్‌ వేరియంట్.. ‘హెచ్‌3ఎన్‌2 (H3N2)’ కారణంగా ఇద్దరు వ్యక్తులు మరణించినట్లు కేంద్ర ఆరోగ్య మంత్రిత్వశాఖ స్పష్టం చేసింది. హరియాణా, కర్ణాటకలో ఒక్కొక్కరు చొప్పున ఈ వైరస్‌కు బలయ్యారు. ఈ వైరస్‌ ప్రధానంగా ఊపిరితిత్తులను ప్రభావితం చేస్తుంది. ఆకస్మిక వాతావారణ మార్పుల కారణంగా ఈ వైరస్‌ విజృంభిస్తుందని నిపుణులు చెబుతున్నారు. ఇన్‌ఫ్లుయెంజా కారణంగా అనేక మంది శ్వాస సంబంధిత సమస్యలతో బాధపడుతున్నారని, భారత వైద్య పరిశోధన మండలి, ఇండియన్‌ మెడికల్‌ అసోసియేషన్‌ స్పష్టం చేసింది. ఇన్‌ఫ్లుయెంజా ఏ H3N2 పిల్లల్లో ఎక్కువగా కనిపిస్తుందని ఫోర్టిస్ హాస్పిటల్ కన్సల్టెంట్-పీడియాట్రిక్స్ డాక్టర్ యోగేష్ కుమార్ గుప్తా అన్నారు. ఈ వైరస్‌ ఎలా సోకుతుంది, దీని లక్షణాల గురించి మనకు వివరించారు. (Dr Yogesh Kumar Gupta, consultant-paediatrics, Fortis Hospital, Bannerghatta Road)

వైరస్‌‌ వ్యాప్తి ఎలా ఉంటుంది..

ఈ మధ్యకాలంలో అతిసారం, వాంతులు, తీవ్రమైన శ్వాసకోస సమస్యల కేసులు పెరిగాయని డాక్టర్ యోగేష్ కుమార్ గుప్తా అన్నార. ఈ లక్షణాలు అడెనోవైరస్ల కారణంగా ఉంటాయని స్పష్టం చేశారు అడెనోవైరస్లు DNA వైరస్‌లు. ఇది దగ్గడం, తుమ్మలు, తుంపర్లు పడటం, కలుషితమైన ఉపరితలాలతో (ఫోమైట్స్) ద్వారా వ్యాప్తి చెందుతాయని డాక్టర్‌ అన్నారు. కొన్ని సందర్భాల్లో, అవి సోకిన వ్యక్తుల మలం ద్వారా కూడా వ్యాప్తి జరుగుతుందని పేర్కొన్నారు. అడెనోవైరస్‌‌లు అన్ని వయసుల వారినీ ఎఫెక్ట్‌ చేస్తాయి, కానీ చిన్నపిల్లల్లో ఈ లక్షణాలు ఎక్కువగా కనిపిస్తాయి. బహుశా వారిలో రోగనిరోధక వ్యవస్థ తక్కువగా ఉండటం వల్ల కావచ్చు.

ఈ లక్షణాలు కనిపిస్తాయి..

ఈ లక్షణాలు కనిపిస్తాయి..

ఈ వైరస్ కారణంగా గొంతు బొంగురుపోవడం, గొంతు నొప్పి, ముక్కు దిబ్బడ, జలుబు, తలనొప్పి, జ్వరం వంటి అనేక లక్షణాలను కనిపిస్తాయి. చిన్న పిల్లలకు కూడా వాంతులు, విరేచనాలు అవుతాయి. సైనస్‌, కళ్లు, చెవి ఇన్ఫెక్షన్లు, కఫం, పొడి దగ్గు కూడా ఉంటాయి. ఇన్‌ఫ్లుయెంజా ఏ H3N2 వైరస్‌ కారణంగా దగ్గు ఎక్కువ కాలం ఉంటుంది. ఈ ఫ్లూ జ్వరం వల్ల వచ్చే అలసట.. ఒక నెల వరకు ఉంటుంది. ఈ వైరస్‌ కారణంగా వచ్చిన జ్వరం 5-7 రోజుల్లో పూర్తిగా తగ్గిపోతున్నప్పటికీ.. దగ్గు మాత్రం సుమారు మూడు వారాల వరకు ఉంటోంది.

Also Read: ​మందులు వాడకుండా.. ఇంట్లోనే ఫ్లూ లక్షణాలు తగ్గించుకోండిలా..!

ఎలా గుర్తించాలి..

ఎలా గుర్తించాలి..

అడెనోవైరస్‌ని నిర్ధారించడానికి యాంటిజెన్ డిటెక్షన్, PCR వంటి ప్రత్యేక పరీక్షలు ఉన్నాయి. ఉబ్బసం, అలెర్జీలు, రియాక్టివ్‌ ఎయిర్‌ వే వ్యాధితో బాధపడే పిల్లలకు తీవ్రమైన లక్షణాలు కనిపిస్తాయని, వారికి ICU పర్యవేక్షణ అవసరం అని డాక్టర్ యోగేష్ కుమార్ అన్నారు.

అనవసరంగా మెడిసిన్స్‌ వాడొద్దు..

అనవసరంగా మెడిసిన్స్‌ వాడొద్దు..

ఫ్లూ నుంచి ఉపశమనం పొందడానికి యాంటీబయోటిక్స్‌ ఎక్కువగా తీసుకోవద్దని నిపుణలు చెబుతున్నారు. ఫ్లూ జ్వరం వస్తే.. తగ్గే వరకు విశ్రాంతి తీసుకోవడం మంచిది. ఇది పూర్తిగా నయం కాకుండా పనిలో పడితే.. మళ్లీ తిరగబెట్టే అవకాశం ఉందని, అంతే కాకుండా వేరేవారికీ వ్యాప్తి చెందుతుందని నిపుణులు అంటున్నారు.

ఈ ఆహారం తీసుకోండి..

ఈ ఆహారం తీసుకోండి..

ఫ్లూ లక్షణాల నుంచి బయటపడాలంటే.. పౌష్టికాహారం తీసుకోవాలని నిపుణులు అంటున్నారు. ప్రొటీన్‌ అధికంగా ఉండే ఆహారం తీసుకోవాలని అంటున్నారు. విటమిన్‌ డి ఇమ్యూనిటీని మెరుగుపడటానికి సహాయపడుతుంది. మీరు విటమిన్‌ డి పొందడానికి, రోజూ ఉదయం పూట కొంత సేపు ఎండలో ఉండండి. నీళ్లు ఎక్కువగా తాగండి, సూప్‌లు తాగండి.

ఆవిరిపట్టండి..

ఆవిరిపట్టండి..

ఇన్‌ఫ్లుయెంజా ఏ H3N2 వైరస్‌ వల్ల శ్వాసనాళాలు, ఊపిరితిత్తుల్లో.. కఫం పేరుకుపోతుంది. దీని కారణంగా, సైనస్‌, ఛాతీ వద్ద ఇబ్బంది, శ్వాస సరిగ్గా ఆడకపోవడం వంటి సమస్యలు ఎదురవుతాయి. వేడి నీళ్లలో ఉప్పు, పసుపు వేసి ఆవిరి పడితే.. కఫం త్వరగా కరుగుతుంది. ఉప్పు వేసిన నీళ్లు పుక్కిలించినా మంచిదే.

ఈ జాగ్రత్తలు తీసుకోండి..

ఈ జాగ్రత్తలు తీసుకోండి..

వైరస్‌ వ్యాప్తిని అరికట్టడానికి మాస్క్ ధరించండి, పరిశుభ్రత పాటించండి, బయటకు వెళ్లిన తర్వాత చేతులు కడుక్కుంటే మంచిది
గమనిక: ఆరోగ్య నిపుణులు, అధ్యయనాల ప్రకారం ఈ వివరాలను అందించాం. ఈ కథనం కేవలం మీ అవగాహన కోసమే. ఆరోగ్యానికి సంబంధించిన ఏ చిన్న సమస్య ఉన్నా వైద్యులను సంప్రదించడమే ఉత్తమ మార్గం. గమనించగలరు.



Source link

LEAVE A RESPONSE

Your email address will not be published. Required fields are marked *