<p><strong>OYO IPO:</strong> సాఫ్ట్&zwnj; బ్యాంక్ పెట్టుబడులు ఉన్న ఆతిథ్య రంగ కంపెనీ ఓయో (OYO), తన ఇనీషియల్&zwnj; పబ్లిక్&zwnj; ఆఫర్&zwnj; &zwj;&zwnj;(IPO) కోసం మళ్లీ సెబీ (SEBI) తలుపు తట్టబోతోంది. IPO కోసం డ్రాఫ్ట్ రెడ్ హెరింగ్ ప్రాస్పెక్టస్&zwnj;ను (DRHP) స్టాక్ మార్కెట్ రెగ్యులేటర్&zwnj;కు ఈ ఏడాది ఫిబ్రవరి మధ్యకాలం నాటికి రీఫైల్ చేయనున్నట్లు ప్రకటించింది.</p>
<p>ఓయో హోటల్స్&zwnj; బ్రాండ్&zwnj;తో ట్రావెల్ &amp; హోటల్ రంగంలో వ్యాపారం చేస్తున్న ఓయో మాతృ సంస్థ ఒరావేల్&zwnj; స్టేస్&zwnj; (Oravel Stays).</p>
<p>ఒరావేల్&zwnj; స్టేస్&zwnj; పబ్లిక్ లిస్టింగ్ అప్లికేషన్&zwnj;ను 2023 జనవరి ప్రారంభంలో సెక్యూరిటీస్ అండ్ ఎక్స్ఛేంజ్ బోర్డ్ ఆఫ్ ఇండియా (సెబీ) తిప్పి పంపింది. బిజినెస్&zwnj; అప్&zwnj;డేట్స్&zwnj;, రివిజన్స్&zwnj;తో రీఫైల్ చేయమని ముందుగా కోరింది. రిస్క్ ఫాక్టర్లు, కొనసాగుతున్న కోర్ట్&zwnj; కేసు, ఆఫర్&zwnj;కు ప్రాతిపదిక ఏంటి అనే అంశాలను కూడా కొత్త అప్లికేషన్&zwnj;లో పేర్కొనాలను సూచించింది. రీఫైలింగ్&zwnj;కు మరో 2-3 నెలల సమయం పట్టవచ్చని ఓయో కంపెనీ అప్పట్లో తెలిపింది.</p>
<p><span style="color: #e67e23;"><strong>ఏప్రిల్&zwnj;లోగా సెబీ నుంచి ఆమోదం?</strong></span><br />కొత్త డీఆర్&zwnj;హెచ్&zwnj;పీ దాఖలు చేసిన తర్వాత, ఏప్రిల్&zwnj;లోగా సెబీ నుంచి ఆమోదం పొందవచ్చని ఈ కంపెనీ భావిస్తోంది.</p>
<p>గురుగావ్&zwnj; కేంద్రంగా పనిచేస్తున్న ఈ యునికార్న్ కంపెనీని IPOకు తీసుకురావడానికి, 2021 సెప్టెంబర్&zwnj;లోనే SEBIకి డ్రాఫ్ట్ పేపర్లను Oravel Stays దాఖలు చేసింది. IPO ద్వారా రూ. 8,430 కోట్లు ($1.2 బిలియన్) సమీకరించాలని ఆ కంపెనీ భావించింది. ఇందులో, తాజా ఇష్యూ ద్వారా రూ. 7,000 కోట్లు, ఆఫర్ ఫర్ సేల్ &zwj;&zwnj;(OFS) ద్వారా మిగిలిన రూ.1,430 కోట్లు సేకరించాలని లక్ష్యంగా పెట్టుకుంది. మొత్తంగా, $11-12 బిలియన్ల మార్కెట్&zwnj; విలువ కోసం ఈ కంపెనీ ప్రయత్నిస్తోంది.</p>
<p><span style="color: #e67e23;"><strong>ఓయో లాభనష్టాలు</strong></span><br />2022-23 ఆర్థిక సంవత్సరం తొలి ఆరు నెలలకు (ఏప్రిల్&zwnj;-సెప్టెంబర్&zwnj;) సంబంధించిన ఆర్థిక ఫలితాలను DRHP రూపంలో సెబీకి ఓయో సమర్పించింది. FY23 తొలి అర్ధభాగంలో రూ. 63 కోట్ల లాభం వచ్చినట్లు ఆ పేపర్లలో ఓయో హోటల్స్&zwnj; పేర్కొంది. క్రితం ఏడాది ఇదే సమయంలో రూ. 280 కోట్ల నష్టం వచ్చిందని నివేదించింది. FY23 ఏప్రిల్&zwnj;-సెప్టెంబర్&zwnj; కాలంలో కంపెనీ ఆదాయం 24% పెరిగి రూ. 2,905 కోట్లుగా నమోదైందని ప్రకటించింది. FY23 మొదటి 6 నెలల్లో హోటల్స్&zwnj; నెలవారీ బుకింగ్ విలువ (GBV per month) 69 శాతం పెరిగింది. కంపెనీ వద్ద రూ. 2,785 కోట్ల నగదు నిల్వలు కూడా ఉన్నాయి. ఇప్పుడు ఈ సమాచారాన్ని కూడా అప్&zwnj;డేట్ చేయమని మార్కెట్&zwnj; రెగ్యులేటర్&zwnj; ఓయోను కోరింది.</p>
<p><span style="color: #e67e23;"><strong>కొత్త సంవత్సరంలో రికార్డ్&zwnj; బుకింగ్స్&zwnj;</strong></span><br />కొత్త సంవత్సరంలో (2023) కంపెనీ వ్యాపారం అద్భుతంగా ప్రారంభమైంది. ఓయో వ్యవస్థాపకుడు &amp; గ్రూప్ CEO రితేష్ అగర్వాల్ షేర్&zwnj; చేసిన సమాచారం ప్రకారం… కొత్త సంవత్సరం సందర్భంగా, ఓయో యాప్&zwnj; ద్వారా 4.5 లక్షలకు పైగా రూమ్&zwnj; బుకింగ్స్&zwnj; జరిగాయి. ఇది కంపెనీ చరిత్రలోనే రికార్డ్&zwnj;. గత సంవత్సరం కంటే 35 శాతం ఎక్కువ. వీటిలో, గరిష్ట బుకింగ్స్&zwnj; వారణాసి నుంచి వచ్చాయి.&nbsp;</p>



Source link

Leave a Reply

Your email address will not be published. Required fields are marked *