కొత్త టీవీఎస్ స్టార్ సిటీ ప్లస్ డిస్క్ బ్రేక్ వేరియంట్ విడుదల – ధర, ఫీచర్లు

మార్కెట్లో కొత్త 2021 ఎడిషన్ టీవీఎస్ స్టార్ సిటీ ప్లస్ మోటార్‌సైకిల్‌ ధర రూ.68,465 (ఎక్స్‌షోరూమ్, ఢిల్లీ)గా ఉంది. ఈ కొత్త మోడల్ ఇప్పుడు కొత్త ఫీచర్లు మరియు పరికరాలతో అందుబాటులోకి వచ్చింది.

కొత్త స్టార్ సిటీ ప్లస్ మోటార్‌సైకిల్ ఇప్పుడు రెడ్-బ్లాక్ డ్యూయల్-టోన్ పెయింట్ ఆప్షన్‌తో లభిస్తుంది. అంతేకాకుండా, ఈ మోటార్‌సైకిల్‌లోని ఇంజన్‌ను కూడా ఎకో-థ్రస్ట్ ఫ్యూయల్ ఇంజెక్షన్ టెక్నాలజీతో అప్‌గ్రేడ్ చేశారు. ఈ టెక్నాలజీ వలన ఇది మునుపటి కంటే ఎక్కువ మైలేజీని అందిస్తుందని కంపెనీ పేర్కొంది.

టీవీఎస్ అందిస్తున్న తమ పాపులర్ అపాచీ సిరీస్ మోటార్‌సైకిళ్లలో కూడా ఎకో థ్రస్ట్ ఫ్యూయల్ ఇంజెక్షన్ టెక్నాలజీని ఉపయోగిస్తున్నారు. మునుపటి స్టార్ సిటీ ప్లస్ మోడల్‌తో పోలిస్తే ఈ కొత్త మోడల్ 15 శాతం ఎక్కువ మైలేజీని అందిస్తుందని కంపెనీ తెలిపింది.

ఈ కొత్త 2021 టీవీఎస్ స్టార్ సిటీ ప్లస్ మోటార్‌సైకిల్‌లో ఎల్‌ఈడీ హెడ్‌ల్యాంప్‌ను అందిస్తున్నారు. ఇంకా ఇందులో యుఎస్‌బి మొబైల్ ఛార్జర్ ఆప్షన్‌ను కూడా ప్రొవైడ్ చేశారు. టీవీఎస్ పేర్కొన్న సమాచారం ప్రకారం, కొత్త 2021 ఎడిషన్ స్టార్ సిటీ ప్లస్ ఈ బ్రాండ్ యొక్క 15 సంవత్సరాల వారసత్వంతో నిర్మించబడింది మరియు ఇది ఇప్పటి వరకు 30 లక్షల మంది కస్టమర్లకు చేరువయ్యింది.

ఈ మోటార్‌సైకిల్‌లో సెమీ డిజిటల్ ఇన్‌స్ట్రుమెంట్ కన్సోల్, ముందు వైపు టెలిస్కోపిక్ ఫోర్కులు మరియు వెనుక వైపు 5-స్టెప్ అడ్జస్టబల్ సస్పెన్షన్ సెటప్ ఉంటుంది. ఇందులో ఇరువైపులా 17 ఇంచ్ అళ్లాయ్ వీల్స్ ఉంటాయి మరియు వాటిపై ట్యూబ్‌లెస్ టైర్లను అమర్చబడి ఉంటాయి.

ఇప్పుడు ఈ కొత్త 2021 టీవీఎస్ స్టార్ సిటీ ప్లస్‌లో ముందు వైపు రోటో-పెటల్ డిస్క్ బ్రేక్‌ను అమర్చారు. డిస్క్ బ్రేక్ వేరియంట్‌లో ముందు వైపు సింగిల్ డిస్క్ మరియు వెనుక వైపు డ్రమ్ బ్రేక్ ఉంటుంది. స్టాండర్డ్ వేరియంట్‌లో ఇరువైపులా డ్రమ్ బ్రేక్స్ లభిస్తాయి.

స్టాండర్డ్ డ్రమ్ బ్రేక్ వేరియంట్‌తో పోల్చుకుంటే ఈ డిస్క్ బ్రేక్ వేరియంట్ స్టార్ సిటీ ప్లస్ ధర రూ.2,600 అధికంగా ఉంటుంది. డ్రమ్ బ్రేక్ వేరియంట్ ధర రూ.65,865గా ఉంటే డిస్క్ బ్రేక్ వేరియంట్ ధర రూ.68,465 (అన్ని ధరలు ఎక్స్-షోరూమ్, ఢిల్లీ)గా ఉంటుంది. ఫ్రంట్ డిస్క్ బ్రేక్‌తో లభిస్తున్న చవకైన మోటార్‌సైకిళ్లలో టీవీఎస్ స్టార్ సిటీ ప్లస్ డిస్క్ వేరియంట్ కూడా ఒకటి.

కొత్త 2021 టీవీఎస్ స్టార్ సిటీ ప్లస్ డిస్క్ వేరియంట్ బిఎస్6 109సిసి సింగిల్ సిలిండర్, ఫ్యూయల్ ఇంజెక్ట్ ఇంజన్‌తో లభిస్తుంది. ఈ ఇంజన్ గరిష్టంగా 7,350 ఆర్‌పిఎమ్ వద్ద 8.08 బిహెచ్‌పి శక్తిని మరియు 4,500 ఆర్‌పిఎమ్ వద్ద 8.7 ఎన్ఎమ్ టార్క్‌ని ఉత్పత్తి చేస్తుంది. ఇది 4-స్పీడ్ గేర్‌బాక్స్‌తో జతచేయబడి ఉంటుంది. ఇది గరిష్టంగా గంటకు 90 కిలోమీటర్ల వేగంతో పరుగులు తీస్తుంది.