తెల్లని మచ్చలు గోర్లపై ఉండడం చాలా సందర్భాల్లో చూస్తునే ఉంటాం. వీటిని తేలిగ్గా తీసుకుంటారు. అయితే, వీటి విషయంలో జాగ్రత్త అవసరమని చెబుతున్నారు నిపుణులు. ఫంగస్, మినరల్ డెఫీషియన్సీ వంటి కారణాల కూడా రావొచ్చొని చెబుతున్నారు నిపుణులు. వీటి విషయంలో కచ్చితమైన జాగ్రత్తలు తీసుకోవాలని సూచిస్తున్నారు.

ల్యూకోనిచియా..

గోర్లపై మచ్చలను ల్యూకోనిచియా అంటారు. ఇది మీ గోర్లపై గాయాలనప్పుడు ఇలాంటి మచ్చలు రావొచ్చు. ఈ మచ్చలకు చాలా కారణాలే ఉంటాయి. అయితే, అన్ని సార్లు దీనిని తేలిగ్గా తీసుకోవద్దు. ల్యూకోనిచియా అంటే గోర్లపై తెల్లని గీతలు, మచ్చలు కనిపిస్తాయి. దీని గురించి పూర్తి వివరాలు తెలుసుకుందాం.

నిజమైన ల్యూకోనిచియా గోరు మాతృకలో పుడుతుంది. ఇది గోరుని ఉత్పత్తి చేస్తుంది. గోర్లు ఎలా కనిపిస్తాయనే దాంతో ల్యూకోనిచియాను రెండు వర్గాలు విభజించొచ్చు.

పూర్తి ల్యూకోనిచియా అనేది గోర్లని పూర్తిగా తెల్లబడేలా చేస్తుంది. ఇది మొత్తం 20 గోర్లపై ఉంటుంది. గోరు ప్లేట్ భాగం తెల్లబడితే పాక్షిక ల్యూకోనిచియా వస్తుంది. ఇది ఒక గోరు, లేదా అన్నింటిపై ఉంటుంది. ఈ గోర్లపై తెల్లని గీతలు, మచ్చలు ఉంటాయి.

లక్షణాలు..

కొంతమందికి, తెల్లని మచ్చలు గోరు మొత్తంలో చిన్న చిన్న చుక్కలుగా ఉంటే, మరికొంతమందికి పెద్దగా, గోరు కింద మొత్తంగా విస్తరించి ఉంటాయి. అదే విధంగా కొందరిలో ఒకట్రెండు గోర్లలో ఉంటే కొంతమందిలో అన్ని గోర్లలోనూ ఉంటాయి. దీనికి అనేక కారణాలు ఉన్నాయి. వీటిలో కొన్ని సాధారణం అయితే, మరికొన్ని ఆరోగ్య సమస్యలతో ముడిపడి ఉన్నాయి. వీటి గురించి పూర్తి వివరాలు చూద్దాం.

నెయిల్ పాలిష్ రిమూవర్‌తో..

గోర్లపై ఏర్పడే మచ్చలని బట్టి వీటిని నిర్దేశించొచ్చు. గోరుపై తెల్లని మచ్చలు ఏర్పడడానికి గోరు మధ్యలో పెద్ద తెల్లటి చక్క అలెర్జీ కారణంగా కూడా రావొచ్చు. నెయిల్ పాలిష్, రిమూవర్, ఇలా గోర్లపై అప్లై చేసిన వాటి వల్ల రావొచ్చు. యాక్రిలిక్, జెల్ గోళ్ళను పెట్టుకోవడం, తీయడంలో వాడే కెమికల్స్ మీ గోర్లపై ఎఫెక్ట్ చూపిస్తాయి.

వైరస్..

తెల్లని ఉపరితల ఒనికోమైకోసిస్ అనే సాధారణ నెయిల్ ఫంగస్ గోర్లపై కనిపించొచ్చు. దీని కారణంగా కొన్ని చిన్న తెల్లని చుక్కలు వస్తాయి. ఈ ఇన్ఫెక్షన్ పెరిగి కాలి గోర్లపై పొరలుగా విస్తరించి గోర్లని మందంగా పెళుసుగా మారుస్తుంది.

వంశపారపర్యంగా..

కొన్ని ల్యూకోనిచాయకి హెరిడిటీ అంటే కుటుంబంలో ఎవరికైనా ఉంటే కూడా వస్తుంది. తల్లిదండ్రుల్లో ఎవరికైనా ఉంటే పిల్లల్లో ఎవరికైనా ఒకరికి రావొచ్చు. ఇది కొంతమందిలో పుట్టినప్పుడే ఉంటే, మరికొంతమందికి మధ్యలో వచ్చే అవకాశం ఉంటుంది.
Also Read : Milk Boiling : పాలు పొంగిపోకుండా ఇలా వేడిచేయండి..

దెబ్బలు తగలడంతో..

బార్ట్ పంఫ్రే సిండ్రోమ్, బాయర్ సిండ్రోమ్ ట్రస్టెడ్ సోర్స్, బుష్కెల్ గోర్లిన్ సిండ్రోమ్, డారియర్ వంటి సమస్యల వల్ల కూడా గోర్లపై మచ్చలు ఏర్పడతాయి. అయితే, ఏర్పడిన మచ్చల ఆధరంగా సమస్య ఏంటో నిర్ధారిస్తారు.

దెబ్బలు తగిలినప్పుడు..

కొన్నిసార్లు తలుపుల్లో, గేట్ సందుల్లో వేళ్ళు నలిగినప్పుడు కూడా ఇలాంటి మచ్చలు ఏర్పడతాయి. వేళ్ళపై ఏదైనా బరువైన వస్తువులు పడ్డప్పుడు కూడా ఇది సంభవిస్తుంది. ఇది గమనించే ఉంటారు. తరచుగా మేనిక్యూర్ చేసుకోవడం. ఆ టైమ్లో వేళ్ళపై పడే ప్రెజర్ వేళ్ళపై ఒత్తిడి కలిగి ఈ మచ్చలు ఏర్పడేలా చేస్తుంది.
Also Read : Liver Problems : లివర్ ప్రాబ్లమ్స్లో ఎన్ని దశలు ఉంటాయంటే..

విటమిన్ల లోపం కారణంగా..

మీరు తీసుకునే మెడిసిన్ కారణంగా కూడా గోర్లపై మచ్చలు ఏర్పడతాయి. క్యాన్సర్ ట్రీట్మెంట్ కోసం కీమోథెరపీ మెడిసిన్, బ్యాక్టీరియల్ ఇన్ఫెక్షన్కి వాడే సల్ఫోనామైడ్లు ఉన్నాయి. ఈ మచ్చల గురించి పూర్తిగా తెలుసుకునేందుకు డాక్టర్ని కలవడం మంచిది. వారు మిమ్మల్ని పరీక్షించాక, వేళ్ళపై మచ్చలను బట్టి టెస్ట్ చేస్తారు.

మినరల్ డెపీషియన్సీ..

ఖనిజ, విటమిన్స లోపం కారణంగా కూడా ఈ సమస్య రావొచ్చు. జింక్ లోపం, కాల్షియం లోపాలతో ఈ లక్షణాలు ఉంటాయి.

స్కిన్ ప్రాబ్లమ్స్..

వీటితో పాటు నెయిల్ సోరియాసిస్, హ్యాండ్ ఎగ్జిమా వంటి చర్మ సమస్యలు కూడా గోర్లపై మచ్చలకు కారణం కావొచ్చు. ల్యూకోడెర్మా వల్ల గోరు కింద తెల్లని మచ్చలు ఏర్పరుస్తాయి.

ఇవి కూడా కారణాలే..

కొన్నిసార్లు గుండె సమస్యలు, కిడ్నీల ఫెయిల్యూర్, న్యుమోనియా, ఐరన్ లోపం, లివర్ సిర్రోసిస్, డయాబెటిస్, హైపర్ థైరాయిడిజం వల్ల కూడా ఉండొచ్చు. అయితే, ఇది చాలా తక్కువగా ఉంటాయి.

అయితే, ఇవి సాధారణంగా ఉండి ఏదైనా దెబ్బ తగిలినప్పుడు వస్తే పర్లే. కానీ, ప్రతిసారి తెల్ల మచ్చలు రావడం, అలానే ఉండిపోవడం, పెరుగుతుంటే కచ్చితంగా డాక్టర్ని కలవాల్సిందే.
Also Read : Nail art Trends : నెయిల్ ఆర్ట్ వేసుకోవాలనుకుంటున్నారా.. ఇవే లేటెస్ట్ ట్రెండ్స్..

ట్రీట్‌మెంట్..

వీటికోసం ట్రీట్మెంట్ మీ మచ్చల కారణాన్ని బట్టి మారుతుంటుంది. మిమ్మల్ని చెక్ చేశాక, ఆ మచ్చల తీవ్రత, కారణాన్ని బట్టి ట్రీట్మెంట్ ఉంటుంది.

చివరిగా..

సాధారణంగా గోర్లపై తెల్లని మచ్చలు. విటమిన్ల లోపం, ఇతర గాయల వంటి చిన్న కారణాల వల్లే వస్తాయి. పెద్ద సమస్యల లక్షణాలుగా చాలా తక్కువసార్లు ఉంటాయి. కాబట్టి, టెన్షన్ పడాల్సిన అవసరం లేదు. కానీ, ఎప్పటికీ ఈ సమస్య ఉంటే కచ్చితంగా డాక్టర్ని కలిసి సమస్య, పరిష్కారం తెలుసుకోండి.

గమనిక: ఆరోగ్య నిపుణులు, అధ్యయనాల ప్రకారం ఈ వివరాలను అందించాం. ఈ కథనం కేవలం మీ అవగాహన కోసమే. ఆరోగ్యానికి సంబంధించిన ఏ చిన్న సమస్య ఉన్నా వైద్యులను సంప్రదించడమే ఉత్తమ మార్గం. గమనించగలరు.



Source link

Leave a Reply

Your email address will not be published. Required fields are marked *