PRAKSHALANA

Best Informative Web Channel

PRAKSHALANA

చంద్రునిపై రోవర్ బయటకు వస్తుండగా.. ల్యాండర్ తీసిన మొదటి సెల్ఫీని విడుదల చేసిన ఇస్రో

[ad_1]

భారత అంతరిక్ష పరిశోధనా సంస్థ (ISRO) చంద్రుని ఉపరితలం నుంచి విక్రమ్ ల్యాండర్ (Vikram Lander), ప్రజ్ఞాన్‌ రోవర్‌ల (Rover Pragyan) మొదటి సెల్ఫీలను షేర్ చేసింది. చంద్రయాన్-3 (Chandrayaan-3) ల్యాండర్ విక్రమ్ ర్యాంపు తెరుచుకుని.. ప్రజ్ఞాన్ రోవర్ నత్త వేగంతో ముందు కదులుతూ వీడియో తీసింది. ఈ వీడియో షేర్ చేసి ఇస్రో.. ‘చంద్రయాన్-3 రోవర్ ల్యాండర్ నుంచి చంద్రుని ఉపరితలంపైకి ఎలా వచ్చిందో చూడండి’ అని వ్యాఖ్యానించింది. చంద్రయాన్-3 బుధవారం సాయంత్రం 6.04 గంటలకు చంద్రునిపై సాఫ్ట్ ల్యాండింగ్‌ను విజయవంతంగా నిర్వహించింది. తద్వారా చంద్రుని ఉపరితలంపై విజయవంతంగా ల్యాండ్ అయిన నాలుగో దేశంగా భారత్ నిలిచింది.

విక్రమ్ ల్యాండర్ దిగిన దాదాపు 4 గంటల తర్వాత ప్రజ్ఞాన్ రోవర్ ఉపరితలంపైకి వచ్చింది. ఈ క్షణం ఇస్రో షేర్ చేసిన తాజా వీడియోలో చిత్రీకరించింది. ప్రజ్ఞాన్ రోవర్ మొదటిసారి నడిచిన గుర్తులు ఇప్పుడు చంద్రుని ఉపరితలంపై శాశ్వతంగా ఉన్నాయి. ఇస్రో విడుదల కలర్ వీడియోలో ప్రజ్ఞాన్ రోవర్ సోలార్ ప్యానెల్ సూర్యరశ్మిని స్వీకరించడం, చంద్రుని ఉపరితలంపై ప్రజ్ఞాన్ రోవర్ అందమైన నీడను కూడా చూడవచ్చు.

చంద్రుని దక్షిణ ధ్రువం దగ్గర సాఫ్ట్ ల్యాండింగ్‌ను మరే ఇతర దేశానికి సాధ్యం కాలేదు. అందుకే చంద్రయాన్-3 ప్రత్యేకమైనది. అపోలో సహా మునుపటి మిషన్లు లక్ష్యంగా చేసుకున్న భూమధ్యరేఖ ప్రాంతానికి దూరంగా ఉన్న దక్షిణ ధ్రువం.. అనేక బిలాలు (క్రేటర్స్), లోతైన కందకాలతో నిండి ఉంది. నిశితంగా పరిశీలిస్తే.. విక్రమ్ సాపేక్షంగా సాదాసీదాగా కనిపించే ప్రాంతంలో దిగినట్లు కూడా చూపిస్తుంది. ఇది ప్రజ్ఞాన్‌కు మూన్‌వాక్ చేయడానికి అవకాశం ఇస్తుంది.

చంద్రుడిపై సూర్యోదయం వేళ అడుగుపెట్టిన విక్రమ్.. చంద్రుడిపై సూర్యకాంతి ఒక రోజు (భూమిపై 14 రోజులు) ఉంటుంది. రోవర్ ఇప్పటికే శాస్త్రీయ ప్రయోగాల పరంపరను ప్రారంభించింది. చంద్రయాన్-3 మిషన్ కనుగొన్న విషయాలు చంద్రుని అత్యంత విలువైన వనరులలో ఒకటైన నీటి మంచు గురించి కీలక సమాచారం అందజేయనుంది. ప్రధాని నరేంద్ర మోదీ శుక్రవారం విదేశీ పర్యటన ముగించుకుని వచ్చిన తర్వాత.. ఇస్రో మరింత మెరుగైన వీడియోను మీడియాకు చూపించే అవకాశం ఉంది. 2019 సెప్టెంబరులో ఇస్రో చేపట్టిన చంద్రయాన్ 2 చివరి నిమిషంలో విఫలం కావడంతో ఈ సారి ఎటువంటి లోపాలకు తావులేకుండా పకడ్బంధీగా ప్రయోగం చేపట్టింది. అనుకున్న ప్రకారం చంద్రుడి దక్షిణ ధ్రువంపై కాలుపెట్టింది.

Read More Latest Science & Technology News And Telugu News

[ad_2]

Source link

LEAVE A RESPONSE

Your email address will not be published. Required fields are marked *