చలికాలంలో ఇన్ఫెక్షన్లని దూరం చేసే ఫుడ్స్

​పాన్‌కేక్స్..

టేస్టీగా ఉండే ఈ బ్రేక్‌ఫాస్ట్ కడుపుకి మంచి ఫీలింగ్‌ని ఇస్తుంది. ఫ్రూట్స్‌తో కలిపి తీసుకోవచ్చు. వీటిని చాలా మంది హెల్దీ హోల్ గ్రెయిన్ పిండితో తయారు చేసుకుని తీసుకోవచ్చు. రెగ్యులర్ పాన్ కేక్స్ తేనె, మాపుల్ సిరప్ ఇలా తియ్యగా ఉండే పదార్థాలతో చేస్తుంటారు. ఇవి బరువు పెరగడానికి కారణమవుతాయి. అందుకే వాటి బదులు మీరు హోల్ గ్రెయిన్ పిండితో ప్రిపేర్ చేసుకోవడం, వీటితో పాటు సీజనల్ ఫ్రూట్స్ తీసుకోవడం మంచిది.

Also Read : Joint Pains : చలికాలంలో కీళ్ళనొప్పులు తగ్గేందుకు ఇలా చేయండి

​ఓట్స్..

చలికాలంలో వెచ్చగా ఉంచేందుకు డ్రై ఫ్రూట్ బెస్ట్ ఆప్షన్. వీటిని రెగ్యులర్‌గా తీసుకోవాలి. అందుకే మీరు ఉదయాన్నే ఓట్మీల్‌లో వీటిని యాడ్ చేసుకుని తీసుకోవచ్చు. సాధారణంగా డ్రైఫ్రూట్స్‌లో ప్రోటీన్స్, విటమిన్స్, డైటరీ ఫైబర్, మినరల్స్ ఎక్కువగా ఉంటాయి. ఇక ఓట్స్‌ని మనకు నచ్చినవిధంగా తీసుకోవచ్చు. ఇందులో తియ్యగా ఉండేందుకు స్వీట్‌పొటాటో, ఫ్రూట్స్, బాదం పాలు, ఖర్జూరాలను యాడ్ చేస్తే సరి మీ టేస్టీ అండ్ హెల్దీ బ్రేక్‌ఫాస్ట్ రెడీ. మీరు ట్రై చేయండి..

​ఎగ్ వైట్స్..

గుడ్డులోని తెల్లసొన ఆరోగ్యానికి చాలా మంచిది. అందుకే అందరూ వీటిని ఎక్కువగా తీసుకుంటారు. అయితే, వాతావరణాన్ని బట్టి వీటి రకరకాలుగా వండుతారు. ఎన్నో పోషకాలతో నిండి ఉన్న ఎగ్ వైట్స్ చల్లని వాతావరణంలో ఆరోగ్యాన్నిస్తాయి. సాధారణంగా చలికాలంలో వేధించి జలుబు, ఫ్లూలని దూరం చేసే జింక్ ఈ ఎగ్ వైట్స్‌లో ఉంటాయి. వీటితో పాటు ఇమ్యూనిటీ మిమ్మల్ని ఎన్నో ఇన్ఫెక్షన్లకి దూరంగా ఉండేలా చేస్తుంది. వీటిని తయారు చేసుకునేటప్పుడు పెప్పర్ పౌడర్ యాడ్ చేయండి.

Also Read : Skipping : ఈ ఒక్క వర్కౌట్‌ చేస్తే బరువు తగ్గడంతో పాటు ఊపిరితిత్తులకి మంచిదట..

​పాలక్ పరాఠా..

పాలకూరలో చలికాలంలో తీసుకోవాల్సిన మరో ముఖ్యమైన ఆహారం. దీనిని మీరు బ్రేక్‌ఫాస్ట్‌లో యాడ్ చేసుకుంటే చాలండి బాబు రుచికి రుచి.. ఆరోగ్యానికి ఆరోగ్యం. పాలకూరలో ఐరన్, ఇతర పోషకాలు ఎక్కువగా ఉంటాయి. అందుకే దీనిని బ్రేక్‌ఫాస్ట్‌లో పరాఠాలు, లేదా ఆమ్లెట్స్‌లో ఈ ఆకుకూరలు వేసుకోండి. దీనికి బటర్ యాడ్ చేస్తే చాలు నెక్ట్స్ లెవల్ అంతే. అది కొద్దిగా మాత్రమేనండి.

Also Read : Cough : ఈ ఇంటి చిట్కాలతో దగ్గు త్వరగా తగ్గుతుంది..

​సీజనల్ ఫ్రూట్స్..

చలికాలంలో వచ్చే జలుబు వంటి సమస్యల్ని దూరం చేసేందుకు కివీస్, రేగు పండ్లు, బొప్పాయి, దానిమ్మ వంటి సీజనల్ ఫ్రూట్స్ తీసుకోవడం మంచిది. ఇవి మిమ్మల్ని వెచ్చగా ఉంచుతాయి. ఇందులో విటమిన్ సి, విటమిన్ బి, విటమిన్ ఎ, యాంటీ ఆక్సిడెంట్స్ పుష్కలంగా ఉంటాయి. అరటిపండ్లు, కొబ్బరి, యాపిల్స్‌లో ఫైబర్ ఎక్కువగా ఉంటుంది. కాబట్టి. వీటిని అలానే తీసుకోవడం, స్మూతీలు చేసుకుని తాగి తీసుకోవడం వల్ల చల్లని ఉష్ణోగ్రతను నియంత్రించడంలో సాయపడతాయి. వీటిని ఫ్రూట్ సలాడ్‌లా చేసుకుని తీసుకోవచ్చు. ఈ ముక్కలపై పెప్పర్ పౌడర్ అయినా చల్లి తీసుకోవచ్చు. దీని వల్ల మనం వెచ్చగా ఉండేందుకు హెల్ప్ అవుతుంది.

గమనిక: ఆరోగ్య నిపుణులు, అధ్యయనాల ప్రకారం ఈ వివరాలను అందించాం. ఈ కథనం కేవలం మీ అవగాహన కోసమే. ఆరోగ్యానికి సంబంధించిన ఏ చిన్న సమస్య ఉన్నా వైద్యులను సంప్రదించడమే ఉత్తమ మార్గం. గమనించగలరు.

• Read More : Relationship News and Telugu News