సాధారణంగా చలి ఎక్కువగానే ఉంది. ఈ సమయంలో మధ్యవయస్సులో ఉన్నవారు చల్లని నీటితో స్నానం చేయొచ్చు. దీని వల్ల ఎలాంటి నష్టం ఉండదు. కానీ, వృద్దులు మాత్రం చన్నీటి కంటే వేడినీటితోనే స్నానం చేయడం మంచిదని గుర్తుపెట్టుకోండి. ఎందుకంటే పెరిగిన చలికి చన్నీటి స్నానం అంటే వారికి మరింత చలి పెరిగి లేని పోని సమస్యలకు దారి తీయొచ్చు.

​చన్నీటి స్నానం ఎవరు చేయాలి..

ఆరోగ్యంగా ఉన్న యువత చన్నీటి స్నానం చేస్తేనే మంచిదని చెబుతున్నారు నిపుణులు. ఎందుకుంటే ఇది మీ నిద్రమత్తును దూరం చేస్తుంది. అదే విధంగా, అవయవాలకు రక్తప్రసరణ పెంచి, రోగనిరోధక శక్తిని కూడా పెంచుతుంది. దీని ద్వారా జీవక్రియ మెరుగవుతుంది. ఈ కారణంగా మీరు బరువు తగ్గే అవకాశం ఉంటుందని నిపుణులు చెబుతున్నారు. అయితే, మరి చన్నీటి స్నానం ఇబ్బంది అనుకుంటే మాత్రం మీరు గోరు వెచ్చని నీటితో చేయొచ్చు.

Also Read : Pregnancy Nose : ముక్కు పెద్దదిగా మారితే గర్భం ఉన్నట్లేనా

​చన్నీటి స్నానంతో లాభాలు..

చన్నీటి స్నానాలు స్నానం చేయడం వల్ల శరీరంలో రక్త ప్రసరణ పెరుగుతుంది. చన్నీటి స్నానాలు రక్తాన్ని మీ అవయవాలకు చేరేలా చేస్తాయి. దీంతో మీరు వెచ్చగా ఉండడంలో సాయపడతాయి. వేడి నీటితో స్నానం చేసినప్పుడు రక్తం చర్మం ఉపరితలం వైపు కదులుతుంది. చల్లని స్నానం రక్తం సరఫరా బాగా జరుగుతుంది. అవయవాలకు చేరుతుంది. చన్నీటి స్నానాలు ధమనులను బలంగా చేస్తాయి. రక్తపోటు తగ్గించేందుకు సాయపడతాయి. చన్నీటి స్నానం చర్మాన్ని రిలాక్స్ చేసి వాపులు, కండరాల నొప్పులను తగ్గిస్తుంది. వర్కౌట్ తర్వాత కోలుకునేలా చేస్తుంది. కండరాల నొప్పులను దూరం చేస్తుంది. దీనిని కోల్డ్ కంప్రెషన్ అంటారు. చన్నీటి స్నానం చేయడం వల్ల యూరిక్ యాసిడ్ స్థాయిలను తగ్గిస్తుంది. ఆక్సీకరణ ఒత్తిడిని తగ్గించడంలోసాయపడే శక్తివంతమైన యాంటీ ఆక్సిడెంట్ గ్లూటాతియెన్ ఉత్పత్తిని పెంచుతుందని పరిశోధనలు తేలింది.

​ఇమ్యూనిటీ పెరగడం..

చన్నీటి స్నానం తెల్ల రక్త కణాల శాతం, అధిక జీవక్రియ రేటు పెరగడంతో పాటు రోగనిరోధక శక్తిని పెంచడంలో సాయపడతాయి. చన్నీటి స్నానం చేస్తున్నప్పుడు మీ శరీరం వేడెక్కడానికి ప్రయత్నిస్తుంది. ఈ సమయంలో తెల్ల రక్తకణాలను విడుదల చేస్తుంది. మీ ఇమ్యూనిటీ పెరుగుతుంది. డిప్రెషన్‌ని తగ్గించడంలో హెల్ప్ చేస్తుంది. మంచి ఆలోచనలు కలిగేలా చేస్తుంది. దీంతో చన్నీటి స్నానం తర్వాత చాలా రిలాక్స్ అయిన ఫీల్ అవుతుంది.

చన్నీటి స్నానం మీ స్కిన్, హెయిర్‌కి కూడా చాలా మంచిది. ఇది క్యూటికల్స్, రంధ్రాలను బిగించి, ధూళితో మూసుకుపోకుండా చేస్తుంది.

అయితే ఒక్కటి మాత్రం గుర్తుపెట్టుకోవాలి. చన్నీటి స్నానం చేసే ముందుగా మీరు డాక్టర్‌ని కలిసి మీ హెల్త్‌ని పరీక్షించుకుని మీ కండీషన్‌పై వారిచ్చే సలహాతోనే చన్నీటి స్నానం చేయాలని మరువొద్దు.

​నష్టాలు..

చలికాలంలో చన్నీటి స్నానం చేయడం వల్ల బ్రెయిన్ స్ట్రోక్, గుండెపోటు రావొచ్చు. ఇది ప్రాణాలకే ప్రమాదంగా మారొచ్చు. చన్నీరు శరీర ఉష్ణోగ్రతను తగ్గిస్తుంది. మొత్తం పెరిఫెరల్ వాస్కులర్ నిరోధకతను స్పీడ్ చేస్తుంది. ఈ కారణంగా ధమనుల రక్తపోటు పెరుగుతుంది. సడెన్‌గా చన్నీటితో స్నానం చేస్తే గుండె సమస్యలు ఉన్నవారికి అంత మంచిది కాదు.

చన్నీటి స్నానం కారణంగా శరీరం ఒక్కసారిగా షాక్‌కి గురవుతుంది. రక్తనాళాలు తగ్గిపోతాయి. రక్తప్రవాహం నెమ్మదిగా మారుతుంది. మెదడు సహా శరీరం అంతటా రక్తాన్ని పంప్ చేసేందుకు గుండె గట్టిగా పనిచేస్తుంది. వేగంగా కొట్టుకుంటుంది.

Also Read : Sleep Position : ఇలా పడుకుంటే వెన్నెముకకి అస్సలు మంచిది కాదట..

​చలికాలంలో స్ట్రోక్స్..

చలికాలంలో బ్రెయిన్ స్ట్రోక్ పెరగుతాయి. ఎందుకంటే చలి సమయంలో మన రక్తం మందంగా మారుతుంది. రక్తనాళాలు సాధారణంగా ఇరుగ్గా ఉంటాయి. ఇది రక్తపోటును పెంచుతుంది. రక్తనాళాలు చీలిపోయి మెదడులో రక్తస్రావం జరుగుతుంది. దీని కారణంగా స్ట్రోక్ వచ్చి ప్రాణాంతకంగా మారొచ్చు.

వృద్ధులు, షుగర్, బీపి, పెరిఫెరల్ వాస్కులర్ వ్యాధి, బ్రెయిన్ స్ట్రోక్, గుండెజబ్బులు ఉన్నవారంతా చల్లటి నీటితో స్నానం చేయకపోవడమే మంచిది. వీరికి సమస్యలు మరింత తీవ్రంగా మారి ప్రాణాంతకంగా మారొచ్చు.

​తీసుకోవాల్సిన కొన్ని జాగ్రత్తలు..

  1. 1. స్నానం చేసేందుకు గోరువెచ్చని నీరు మంచిది.
  2. 2. స్నానం చేసేటప్పుడు ముందుగానే తలపై నీరు పోయొద్దు. ఇది స్ట్రోక్ ప్రమాదాన్ని పెంచుతుంది. ముందుగా శరీరంపై, తర్వాత తలపై నీటిని పోయాలి.
  3. రెగ్యులర్ వర్కౌట్ మీ బాడీని వెచ్చగా, చురుగ్గా ఉంచుతుంది. కాబట్టి రోజూ 30 నిమిషాల వర్కౌట్ మంచిది. రన్నింగ్, జాగింగ్, ఏరోబిక్స్, యోగా, జుంబా, డ్యాన్స్, మెడిటేషన్ చేయడం మంచిది.
  4. చలికాలంలో దొరికే సీజనల్ వెజిటేబుల్స్, ఫ్రూట్స్ తీసుకోవడం మంచిది. సమతుల్య ఆహారం తీసుకోవడంతో పాటు ఫ్రై, ఫ్యాట్, ప్రాసెస్డ్ ఫుడ్స్ జోలికి వెళ్ళకపోవడం మంచిది. దీనిలో ఎక్కువగా చక్కెర శాతం ఉంటుంది.
  5. షుగర్ ఫుడ్ ఐటెమ్స్ తీసుకోవడం వల్ల బాడీలో కొలెస్ట్రాల్, బ్లడ్ షుగర్ లెవల్స్ పెరుగుతాయి.

గమనిక: ఆరోగ్య నిపుణులు, అధ్యయనాల ప్రకారం ఈ వివరాలను అందించాం. ఈ కథనం కేవలం మీ అవగాహన కోసమే. ఆరోగ్యానికి సంబంధించిన ఏ చిన్న సమస్య ఉన్నా వైద్యులను సంప్రదించడమే ఉత్తమ మార్గం. గమనించగలరు.

  1. Read More : Relationship News and Telugu News

​ఈ సమయంలో అస్సలు వద్దు..

నిపుణుల ప్రకారం చలికాలంలో హెల్త్ బాలేనప్పుడు చన్నీటి స్నానం అస్సలు మంచిది కాదు. ఎందుకంటే, ఇది మీ శరీరం వేడెక్కే సమయాన్ని పెంచుతుంది. ఇమ్యూనిటీని తగ్గిస్తుంది. దీంతో ఆరోగ్య సమస్యలు చుట్టుముడతాయి. ఇమ్యూనిటీ తక్కువగా ఉంటే చన్నీటి స్నానాలు వద్దు. ఈ కారణంగా జలుబు, దగ్గు, న్యుమోనియా, గొంతులో చికాకు, జ్వరం వంటివి వస్తాయి. గుండె జబ్బులు, హైబీపి ఉన్నవారు చన్నీటి స్నానానికి ఎంత దూరం ఉంటే అంత మంచిది.

Also Read : Type 2 Diabetes : షుగర్ ఉన్నవారు ఈ వర్కౌట్స్ చేస్తే చాలా మంచిదట..



Source link

Leave a Reply

Your email address will not be published. Required fields are marked *