Sweet Potato Health Benefits: చిలగడదుంప.. ఈ తియ్యని దుంపను చాలా మంది ఇష్టపడతారు. చిలగడదుంప కాల్చుకొని తిన్నా, ఉడకబెట్టినా, దీనితో ఛాట్‌ చేసుకుని తిన్నా, కూర చేసుకున్నా.. గొప్ప రుచిగా ఉంటాయి. శీతాకాలం మార్కెట్‌లో ఎక్కువగా దొరుకుతూ ఉంటాయి. చిలగడదుంపు టేస్ట్‌ అద్భుతంగా ఉండటమే కాదు.. దీన్నిలో పోషకాలూ పుష్కలంగా ఉంటాయి. దీనిలో విటమిన్‌ ఏ, B-6, సీ, డీ, మెగ్నీషియం, అధిక ఫైబర్ ఉంటుంది. చిలగడదుంపను మన డైట్‌లో తరచుగా తీసుకోవాలని నిపుణులు సూచిస్తున్నారు. చిలగడదుంప.. తినడం వల్ల కలిగే ఆరోగ్య ప్రయోజనాల గురించి పోషకాహార నిపుణురాలు లవ్‌నీత్‌ బాత్రా.. ఇన్‌స్టాగ్రామ్‌ పోస్ట్‌లో షేర్‌ చేశారు. అవేంటో తెలుసుకోవాలంటే ఈ స్టోరీ చదివేయండి.

చిలగడ దుంప

ఇన్ఫ్లమేషన్‌ తగ్గిస్తుంది..

చిలగడ దుంపలో మన శరీరంలోని అంతర్గత అవయవాలకు ఆక్సిడేటివ్ ప్రమాదాన్ని తగ్గించే స్పోరామిన్స్ని ఉత్పత్తిచేసే ప్రత్యేక లక్షణం ఉంటాయి. అలాగే శక్తివంతమైన యాంటీ-ఇన్ఫ్లమేటరరీ, యాన్తోసయానిన్‌ కూడా లభ్యం. ఇది ఇన్ఫ్లమేషన్ ను తగ్గించి, దానివల్ల వచ్చే ప్రమాదాన్ని నివారిస్తుంది.

షుగర్‌ పేషెంట్స్‌కు మంచిది..

షుగర్‌ పేషెంట్స్‌ చిలగడ దుంపు తినకూడదనే అభిప్రాయంలో ఉంటారు. కానీ దీన్ని లిమిట్‌గా తీసుకుంటే.. అద్భుతమైన ప్రయోజనాలు పొందవచ్చని నిపుణులు చెబుతున్నారు. దీనిలో గ్లైసీమిక్ ఇండెక్స్ తక్కువగా ఉంటుంది. ఇది డయాబెటిక్‌ పేషెంట్స్‌కు మంచిది. చిలగడ దుంపల్లో ఉండే అధిక కార్బోహైడ్రేట్‌లకు రక్తంలో చక్కెర స్థాయిలను పెంచే లక్షణం ఉన్నప్పటికీ .. ఫైబర్ కంటెంట్ ఈ ప్రాసెస్‌ను స్లో చేస్తుందని నిపుణులు అంటున్నారు. ఆంథోసైనిన్స్ అనే పాలీఫెనోలిక్ సమ్మేళనం ఇన్సులిన్‌ను నియంత్రిస్తుంది. టైప్-2 డయాబెటిస్ ప్రమాదాన్ని తగిస్తుందని అధ్యయనాలు చెబుతున్నాయి. వీటిలో ఉండే కెరొటెనాయిడ్స్‌ యాంటీఆక్సిడెంట్లుగా పనిచేస్తూ రక్తంలో చక్కెర స్థాయిని, ఇన్సులిన్‌ను నియంత్రిస్తాయి.

జీర్ణవ్యవస్థకు మేలు చేస్తుంది..

చిలగడదుంపలో ఫైబర్ పుష్కలంగా ఉంటుంది. ఇది మలబద్ధకం సమస్యను దూరం చేస్తుంది. జీర్ణవ్యవస్థను ఆరోగ్యంగా ఉంచుతుంది.

నెలసరి నొప్పులు తగ్గిస్తుంది..

నెలసరి నొప్పులు, ఆ సమయంలో ఎదురయ్యే సమస్యలను దూరం చేయడానికి చిలగడదుంప సహాయపడుతుంది. వీటిలో ఫైబర్‌, పాలీఫినాల్స్‌.. వంటివి అధికంగా ఉంటాయి. వారానికి ఒకసారైనా చిలగడదుంప డైట్‌లో చేర్చుకుంటే.. నెలసరి నొప్పుల నుంచి ఉపశమనం లభిస్తుంది. చాలామందిలో మొటిమలు, జుట్టు రాలిపోవడం.. వంటి సమస్యలు కూడా తలెత్తుతుంటాయి. ఇలాంటి సమస్యలకు చిలగడదుంప చెక్‌ పెడుతుంది.

క్యాన్సర్‌ కణాలతో పోరాడుతుంది..

చిలగడదుంపలో కెరోటినాయిడ్స్ ఎక్కువగా ఉంటాయి. ఇవి క్యాన్సర్‌ రిస్క్‌ను తగ్గిస్తాయి. చిలగడదుంపలో ఉండే యాంథోసైనిన్ క్యాన్సర్‌ కణాలతో పోరాడుతుంది. క్యాన్సర్‌కు దూరంగా ఉండాలంటే.. చిలగడదుంపు డైట్‌లో కచ్చితంగా చేర్చుకోవాలని నిపుణులు చెబుతున్నారు. ఇందులోనే ఉండే బీటా కెరోటిన్‌ ఈసోఫేగల్‌ క్యాన్సర్‌ను నివారిస్తుంది. ఆహారం జీర్ణం కావడానికి తోడ్పడే జీర్ణవ్యవస్థకు సంబంధించిన అన్ని రకాల క్యాన్సర్లను నివారించడానికి తోడ్పడుతుంది.

కంటికి మేలు చేస్తాయి..

చిలగడదుంపలు తినడం వల్ల కళ్లు ఆరోగ్యంగా ఉంటాయి. చిలగడదుంపలో ఉండే బీటా కెరోటిన్ కంటిచూపును మెరుగుపరిస్తాయి. చిలకడదుంప తినడం వల్ల కంటి సమస్యలు తగ్గుతాయి.

మానసిక ఆరోగ్యానికి మంచిది..

చిలగడదుంపలలో అధిక మొత్తంలో మెగ్నీషియం ఉంటుంది. ఇది రోజు సాధారణ కార్యకలాపాలకు శరీరానికి చాలా ఉపయోగకరంగా ఉంటుంది. ముఖ్యంగా, మెగ్నీషియం మానసిక ఒత్తిడి, ఆందోళనను గణనీయంగా తగ్గిస్తుంది.

చర్మానికి మంచిది..

చలికాలంలో.. చర్మం పొడిబారుతుంది. ఈ కాలంలో చిలగడదుంప తింటే.. చర్మం తేమగా ఉంటుంది. ఇందులో యాంటీ ఆక్సిడెంట్లు పుష్కలంగా ఉంటాయి. ఇవి చర్మ సమస్యలను దూరం చేస్తాయి. చిలగడదుంప.. మన డైట్‌లో చేర్చుకోవడం వల్లన చర్మం మెరుస్తుంది. నల్ల మచ్చలను తొలగిస్తుంది. శరీరంలోని ఫ్రీ రాడికల్స్‌ని తగ్గించి వృద్ధాప్య ఛాయలను దూరం చేస్తుంది.

గమనిక: ఆరోగ్య నిపుణులు, అధ్యయనాల ప్రకారం ఈ వివరాలను అందించాం. ఈ కథనం కేవలం మీ అవగాహన కోసమే. ఆరోగ్యానికి సంబంధించిన ఏ చిన్న సమస్య ఉన్నా వైద్యులను సంప్రదించడమే ఉత్తమ మార్గం. గమనించగలరు.





Source link

Leave a Reply

Your email address will not be published. Required fields are marked *