ఛాతీలో భారంగా ఉన్నా..? శ్వాస ఆడకపోయినా..? ఈ ఆయుర్వేద చిట్కాలతో వెంటనే రిలీఫ్‌ వస్తుంది..!

తులసి..

తులసి శక్తివంతమైన ఆయుర్వేద మూలిక. ఆయుర్వేదంలో అనేక వ్యాధుల చికిత్సలో దీన్ని ఉపయోగిస్తారు. తులసి ఆకులో యాంటీఆక్సిడెంట్లు, జింక్, విటమిన్ సి పుష్కలంగా ఉంటాయి. తులసిలోని ఈ లక్షణాలు.. రోగనిరోధక వ్యవస్థను బలోపేతం చేస్తాయి. తులసిలోని యాంటీ బాక్టీరియల్, యాంటీవైరల్, యాంటీ ఇన్ఫ్లమేటరీ గుణాలు.. శ్వాసకోశ వ్యవస్థకు మేలు చేస్తాయి, ఇన్ఫెక్షన్లతో పోరాడుతాయి. బ్రాంకైటిస్, ఆస్తమా, ఇన్ఫ్లుఎంజా, దగ్గు, జలుబు వంటి సమస్యలు ఉన్నవారు తులసి ఆకుల రసాన్ని తేనెలో కలుపుకొని తాగితే మీకు త్వరగా ఉపశమనం లభిస్తుంది. శ్వాస తీసుకోవడం సులభతరం చేస్తుంది.

Also Read: ఈ టిప్స్‌ ఫాలో అయితే… మీ ఊపిరితిత్తులు సేఫ్‌‌‌‌‌‌‌‌‌​

పిప్పలి..

పిప్పలి.. జలుబు, దగ్గు చికిత్సకు సమర్థవంతంగా పనిచేస్తుంది. ఆయుర్వేదం ప్రకారం ఇది, శ్వాసకోశ వ్యవస్థకు ఒక వరంలాంటిది. పిప్పలి ఊపిరితిత్తుల పనితీరును మెరుగుపరుస్తుంది, కఫాన్ని తొలగిస్తుంది. పిప్పలిలో ఉంటే.. పైపెరిన్ ఇన్ఫెక్షన్ల నుంచి శరీరాన్ని రక్షిస్తుంది. పిప్పలి పొడి తేనెలో కలిపి తీసుకుంటే.. ఊపిరితిత్తుల సమస్యలు, శ్వాసకోశ సమస్యల నుంచి ఉపశమనం లభిస్తుంది.

అతిమధురం..

గొంతు నొప్పి, దగ్గు వంచి సమస్యల నుంచి ఉపశమనం ఇవ్వడంలో అతిమధురం అద్భుతంగా పనిచేస్తుంది. ఆయుర్వేదంలో, ఈ మూలకను న్యుమోనియా, బ్రోన్కైటిస్, ఆస్తమాతో సహా అనేక దీర్ఘకాలిక వ్యాధులను చికిత్స చేయడానికి ఉపయోగిస్తారు. అతిమధురం ఊపిరితిత్తుల సామర్థ్యాన్ని పెంచుతుంది, ఇన్‌ఫెక్షన్లకు వ్యతిరేకంగా పోరాడుతుంది. అతిమధురంలో గ్లైసిరైజిన్ అనే టానిన్‌.. ఇన్ఫెక్షన్లకు వ్యతిరేకంగా పోరాడటానికి శరీరాన్ని బలోపేతం చేస్తుంది. మీరు శ్వాస సమస్యలతో ఇబ్బంది పడుతుంటే.. రోజూ అతిమధురం టీ తాగితే, సమస్య పరిష్కారం అవుతుంది.

నేలవేము..

నేలవేము ఆయుర్వేదం శక్తివంతమైన మూలిక. నేలవేములోని శక్తివంతమైన యాంటీ ఇన్‌ఫ్లమేషన్, యాంటీవైరల్, యాంటీ బాక్టీరియల్, యాంటీ ఆక్సిడెంట్ లక్షణాలు ఇన్‌ఫెక్షన్లు, జ్వరం, జలుబు, దగ్గు, ఫ్లూ, శ్వాసకోశ సమస్యలకు చికిత్స చేయడంలో సహాయపడతాయి.

అడ్డసరం..

అడ్డసరం శ్వాసకోశ వ్యవస్థను బలపరుస్తుంది. ఊపిరితిత్తులను శుభ్రపరుస్తుంది. బ్రోన్కైటిస్, క్షయ వంటి ఊపరితిత్తుల సమస్యలకు గొప్ప ఔషధంలా పనిచేస్తుంది. దగ్గు, గొంతు నొప్పి, శ్వాస సమస్యల నుంచి ఉపశమనం కల్పిస్తుంది. అడ్డసరం ఆకుతో టీ చేసుకుని తాగితే.. ఊపిరి పీల్చుకోవడంలో ఇబ్బంది ఉంటే తొలగుతుంది.

గమనిక: ఆరోగ్య నిపుణులు, అధ్యయనాల ప్రకారం ఈ వివరాలను అందించాం. ఈ కథనం కేవలం మీ అవగాహన కోసమే. ఆరోగ్యానికి సంబంధించిన ఏ చిన్న సమస్య ఉన్నా వైద్యులను సంప్రదించడమే ఉత్తమ మార్గం. గమనించగలరు.