డాక్టర్ చెప్పిన.. చిట్కాలతో మలబద్ధకం ఒక రోజులో తగ్గుతుంది..!

ఈ ఆహారం తీసుకోండి..

ఆయుర్వేదం ప్రకారం, ‘వాత’ దోషం మనస్సు, శరీర అన్ని విధులను నియంత్రిస్తుంది. వాత నియంత్రణకు, సమతుల్య ఆహారం తీసుకోవాలని అన్నారు. తాజాగా వండిన ఆహారం తీసుకోవాలి. మీ డైట్‌లో ప్రోటీన్లు, కొవ్వులు ఎక్కువగా ఉండే.. ఫుడ్‌ తీసుకోవాలి. స్మూత్‌గా ఉండే.. ఆహారం ప్రిఫర్‌ చేయాలి. ఎప్పుడూ వేడి ఆహారాలు, వేడి పానీయాలు, బాగా ఉడికించిన కూరగాయలను తీసుకోండి. (Image source – pixabay)

త్రిఫల..

ఆయుర్వేదంలో.. మలబద్ధకం చికిత్సకు త్రిఫలను ఎక్కువగా వాడుతుంటారు. త్రిఫలలో ఉండే.. గ్లైకోసైడ్‌లకు భేదిమందు లక్షణాలు ఉంటాయి. త్రిఫలాలు అంటే.. ఉసిరికాయ, తానికాయ, కరక్కాయ. వీటితో చేసిన చూర్ణం మనకి మార్కెట్‌లో దొరుకుతుంది. ఈ చూర్ణానికి యాంటీ ఏజింగ్‌, యాంటీ బ్యాక్టీరియల్‌ గుణాలు అధికం. దీనిని నిద్ర పోయేముందు గోరువెచ్చని నీళ్లతో తీసుకుంటే మలబద్ధకం సమస్య నుంచి ఉపశమనం కలుగుతుంది.

సోంపు..

మీరు మలబద్ధకంతో బాధపడుతుంటే, ఒక గ్లాసు గోరువెచ్చని నీటిలో ఒక టీస్పూన్ వేచిన సోంపు గింజల పొడి వేసుకుని తాగండి. ఫెన్నెల్ గింజలు తినడం వల్ల గ్యాస్ట్రిక్ ఎంజైమ్‌లు ఉత్పత్తి అవుతాయి, ఇవి జీర్ణక్రియకు సహాయపడతాయి, ప్రేగు కదలికలను ప్రోత్సహిస్తాయి. జీర్ణ సంబంధ సమస్యలతో బాధపడేవారు ఆహారం తీసుకున్న తర్వాత దీన్ని తింటే ఉపశమనం లభిస్తుంది. మలబద్ధకం సమస్యను తగ్గిస్తుంది. (Image source – pixabay)

మారేడు పండు..

మారేడు పండులో భేదిమందు లక్షణాలు ఉంటాయి. మీరు మలబద్ధకం సమస్యతో ఇబ్బంది పడుతుంటే.. రాత్రి భోజనానికి ముందు అరకప్పు మారేడు గుజ్జులో ఒక చెంచా బెల్లం కలిపి తినండి. మీరు దీన్ని షర్బత్‌లా తయారు చేసుకోవచ్చు కూడా. ఇది జీర్ణవ్యవస్థను మెరుగు పర్చడానికి తోడ్పడుతుంది. మలబద్ధకం సమస్యను దూరం చేస్తుంది. మారేడు పండులో విటమిన్ సి, కాల్షియం, ఫైబర్, ప్రోటీన్, ఐరన్ అధిక మొత్తంలో ఉంటాయి. ఇవి మీ ఆరోగ్యానీకీ మేలు చేస్తాయి. (image source – pixabay)

అతిమధురం..

అతిమధురంలో యాంటీ ఇన్ఫ్లమేటరీ లక్షణాలు ఉంటాయి. ఈ మూలకి.. పేలవమైన జీర్ణక్రియను మెరుగుపరుస్తుంది. ఒక గ్లాస్‌ గోరువెచ్చని నీటిలో.. ఒక టీస్పూన్‌‌ అతిమధురం పొడి, ఒక టీస్పూన్ బెల్లం వెసి తాగండి. దీన్ని క్రమం తప్పకుండా తీసుకుంటే.. దీర్ఘకాలిక మలబద్ధకం నుంచి బయటపడవచ్చు.

గమనిక: ఆరోగ్య నిపుణులు, అధ్యయనాల ప్రకారం ఈ వివరాలను అందించాం. ఈ కథనం కేవలం మీ అవగాహన కోసమే. ఆరోగ్యానికి సంబంధించిన ఏ చిన్న సమస్య ఉన్నా వైద్యులను సంప్రదించడమే ఉత్తమ మార్గం. గమనించగలరు.