దువ్వెనలని ఎన్ని రోజులకి ఓ సారి క్లీన్ చేయాలి

[ad_1]

దువ్వెన.. జుట్టు స్కాల్ప్ నుండి చక్కగా జుట్టుని విడదీస్తుంది. అందంగా కనిపించేలా చేస్తుంది. మన జుట్టు చక్కగా కనిపించడంలో దువ్వెనదే మెయిన్ రోల్. ఈ దువ్వెనలని క్లీన్ చేయాలంటే పెద్ద ప్రాసెస్ అనుకుంటాం. అందుకే ఎప్పుడో ఓసారి దువ్వెనలు క్లీన్ చేస్తాం. కొంతమంది క్లీన్ చేయడం కంటే వాటిని పారేసి కొత్తవి కొనడం బెటర్ అంటారు. అయితే, అసలు దువ్వెనలు క్లీన్ ఎలా చేయాలి, ఎన్ని రోజులకి ఓ సారి దువ్వెనలు క్లీన్ చేయడం మంచిది. వీటిని క్లీన్ చేయడంలో కొన్ని చిట్కాలు పాటిస్తే కొన్ని క్షణాల్లోనే మీ దువ్వెనలు కొత్తగా తయారవుతాయి.అవేంటంటే..

ఎన్ని రోజులకి..

దువ్వెనలు నెలకి ఓ సారి వీలైతే రెండు సార్లు క్లీన్ చేయడం మంచిది. మీ జుట్టు మరీ పొడుగ్గా ఉండి హెయిర్ కేర్, స్టైలింగ్ ప్రోడక్ట్స్ ఎక్కువగా వాుడుతుంటే ప్రతి రెండు వారాలకు ఓ సారి దువ్వెనని క్లీన్ చేయాలి. ఎప్పటికప్పుడు దువ్వెనలో చిక్కుకున్న జుట్టుని తీస్తుండాలి.

Also Read : Weight Loss Foods : ఉదయాన్నే వీటిని తింటే బరువు తగ్గేందుకు హెల్ప్ అవుతుందట..

చుండ్రు ఉంటే..

చుండ్రు సమస్య చాలా మందికి ఉంటుంది. దీనిని తొలగించేందుకు రకరకాలుగా ప్రయత్నాలు చేసేవారు దువ్వెనని వారానికి ఓ సారి కచ్చితంగా క్లీన్ చేయాలి. లేకపోతే చుండ్రు సమస్య అస్సలు వదలదు. ఇలా చేస్తూ చుండ్రుని వదిలించే టిప్స్ పాటించడం వల్ల ఆ సమస్య తగ్గుతుందని గుర్తుపెట్టుకోండి.

క్లీన్ చేసేందుకు కావాల్సినవి..

టూత్ బ్రష్
కండీషనర్స్ లేని షాంపూ
వంట సోడా
ఓ బౌల్
టవల్

Also Read : Headache Treatment : తలనొప్పి ఎక్కువగా వస్తుందా.. కారణాలు ఏంటంటే..

ఎలా క్లీన్ చేయాలి..

ముందుగా బౌల్లోకి గోరువెచ్చని నీరు తీసుకోండి. ఇప్పుడు దువ్వెనలు తీసుకుని వాటికి ఉన్న జుట్టుని మొత్తం తీసేయండి. ఇప్పుడు దువ్వెనలని గోరువెచ్చని నీటిలో వేయండి. అందులోనే షాంపూ వంట సోడా వేసి 10 నిమిషాలు నానేలా చూసుకోండి. ఇప్పుడు బయటికి తీసి టూత్ బ్రష్ని సోడాలో ముంచి దువ్వెనని రుద్దండి. ఆ తర్వాత నీటితో కడగండి. వీటిని టవల్తో చక్కగా తుడిచి ఆరబెట్టండి.

చెక్క దువ్వెనలు క్లీన్ చేసేప్పుడు..

ఇక చెక్క దువ్వెనలు క్లీన్ చేసేటప్పుడు కూడా కొన్ని టిప్స్ అవసరమవుతాయి. వాటిని నీటిలో నానబెట్టొద్దు. అప్పటికప్పుడు నీరు చల్లి వీటిని కాస్తా నిదానంగా, శ్రద్ధగా క్లీన్ చేయాలి. ఇలా చేయడం వల్ల వాటిపై ఉన్న జిడ్డు, మరకలు పోతుంటాయి. చెక్క హ్యాండిల్స్ చక్కగా క్లీన్ అవుతుంటాయి.

దువ్వెనలు ఎలా క్లీన్ చేయాలనేది దువ్వెనలని బట్టి ఉంటుంది. ఒక్కో దువ్వెన ఒక్కోలా ఉంటుంది. కొన్ని ప్లాస్టిక్స్వి ఉంటాయి. మరికొన్నివి నేచరల్ బ్రిస్టల్స్, చెక్క హ్యాండిల్స్ ఉన్నవి ఉంటాయి. వీటిని ఎక్కువ శ్రద్ధతో క్లీన్ చేయలి.
Also Read : Dal for weight loss : మినపప్పుని ఇలా వండుకుని తింటే బరువు తగ్గుతారట..

ఇవి మరువొద్దు..

ముందుగా చెప్పుకున్నట్లు జుట్టు పొడుగ్గా ఉంటే కచ్చితంగా నెలకి రెండు సార్లు దువ్వెనలని క్లీన్ చేయాలి.
చెక్క దువ్వెనలని నీటిలో నానబెడితే అవి చీలిపోయి విరిగిపోయే అవకాశం ఉంది. అలా చేయొద్దు.
అదే విధంగా మిగతా దువ్వెనలని గోరువెచ్చని నీటిలో మాత్రమే నానబెట్టాలి. మరీ ఎక్కువగా ఉన్న నీటని యూజ్ చేయొద్దు.
కేవలం దువ్వెనని మాత్రమే కాకుండా హ్యాండిల్ని కూడా క్లీన్ చేయాలి. ఇది కూడా బ్యాక్టీరియాతో ఉంటుంది.
దువ్వెనలని క్లీన్ చేశాక కచ్చితంగా చేతులను శుభ్రంగా క్లీన్ చేసుకోవాలి.

[ad_2]

Source link