పెన్సిల్ బఠాణీలు వాడండి..
పెన్సిల్ బఠాణీలు రుచిలో తీపిగా ఉంటాయి. ఇవి ఏడాది పొడవునా తాజాగా ఉంటాయి. పెన్సిల్ బఠాణీల గింజల్లో పిండి పదార్థం తక్కువగా ఉంటుంది. ఇవి త్వరగా పాడవకుండా ఉంటాయి.
ఆవ నూనె రాయండి..
పచ్చి బఠాణీలను నిల్వ చేయడానికి, ముందుగా, బఠాణీలను ఒలిచి గింజలు వేరుచేయండి. వీటిలో నుంచి లేతగా ఉన్న బఠాణీలు, చిన్నఉన్నవాటిని వేరు చేయండి. వీటి వల్ల మిగిలినవి దెబ్బతినే అవకాశం ఉంది. మీరు పెద్దాగా, ముదిరినవి సెలెక్ట్‌ చేసుకోండి. ఇప్పుడు ఈ బఠాణీలపై 1 టీస్పూన్‌ ఆవాల నూనె వేసి బాగా కలపండి. వీటిని ఫాలిథిన్‌ బ్యాగ్‌లో వేసి టైట్‌గా రబ్బరు బ్యాడ్‌తో లాక్‌ చేయండి. ఈ బ్యాగ్‌ను ఫ్రిజ్‌లో ఉంచండి. ఇలా చేస్తే.. బఠాణీలు ఏడాది పొడవునా నిల్వ ఉంటాయి.
ఉడకబెట్టండి..
పచ్చి బఠాణీలను ఎక్కువ కాలం స్టోర్‌ చేయడానికి ఇది సింపుల్‌ పద్ధతి. మీరు నీరు మరగబెట్టి. దానిలో బఠాణీలు వేసి 2 నిమిషాలు ఉడకబెట్టండి. ఆ తర్వాత వడకట్టండి. వీటిని వెంటనే ఐస్‌ వాటర్‌లోకి ట్రాన్స్‌ఫర్‌ చేయండి. బఠాణీలు చల్లబడిన తర్వాత వాటిని శుభ్రమైన క్లాత్‌పై వేయండి. నీరు ఆరే వరకు ఉంచండి. ఆ తర్వాత వీటిని ఎయిర్‌ టైట్‌ బ్యాగ్‌లో వేసి జిప్‌ లాక్‌ చేయండి ఇలా చేస్తే బఠాణీలు ఏడాది పాటు నిల్వ ఉంటాయి.
ఎండలో పెట్టండి..
బఠాణీలను వలిచి.. ఆ గింజలను ఎండలో లేదా ప్యాన్‌ గాలిలో కాసేపు ఆరబెట్టండి. ఆ తర్వాత వీటిని శుభ్రమైన క్లాత్‌తో తుడిచి.. ఒక ఎయిర్‌ టైట్‌ కంటైనర్‌లో ఉంచండి. ఇలా చేస్తే.. బఠాణీలు 15 రోజుల నుంచి ఒక నెల వరకు పాడవకుండా ఉంటాయి.