టీ.. అనగానే చాలా మంది మిల్క్ టీ, అల్లం టీ రోజూ తాగే టీలనే చేసుకుని తాగుతారు. కానీ, కొన్ని టీలు తాగడం వల్ల అనుకున్న విధంగా బరువు తగ్గుతారు. అయితే, ఇవన్నీ బయట కాకుండా ఇంట్లోనే మనకు మనంగా చేసుకుని తాగుతుంటాం. వీటి వల్ల ఎలాంటి సైడ్ ఎఫెక్ట్స్ ఉండవు. మరి ఆ టీలు ఏంటి.. వీటిని తాగితే నిజంగానే బరువు తగ్గుతారో చూద్దాం.

​లావెండర్ టీ..

లావెండర్.. పేరు సరికొత్తగా ఉందనుకోవద్దు. చాలా రకాలుగా మనం దీనిని వాడుతూనే ఉంటాం. చాలా మంది స్ప్రేలలో ఈ ఫ్లేవర్ ఉంటుంది. ఈ ఫ్లేవర్ చక్కని స్మెల్‌తో మనల్ని రిలాక్స్ చేస్తుంది. అయితే, ఇది మనకి హెల్త్ బెనిఫిట్స్‌ని కూడా ఇస్తుంది. జుట్టు పెరుగుదల లేని వారికి ఇది చక్కగా హెల్ప్ చేస్తుంది. బరువు తగ్గొచ్చు. జుట్టు పొడవుగా పెరుగుతుంది. ఇంకేం కావాలి చెప్పండి. దీనిని రాత్రి వేళలో తాగితే చాలా చక్కని రిలాక్సేషన్ దొరుకుతుంది. దీంతో మీ నిద్ర నాణ్యత పెరుగుతుంది. బరువు పెరగడానికి ముఖ్య కారణాల్లో ఒకటి ఒత్తిడి. ఇలాంటి టీలు తాగడం వల్ల ఆ సమస్య దూరమవుతుంది.

​పెప్పర్‌మెంట్ టీ..

యాంటీ ఆక్సిడెంట్స్, పోషకాలతో నిండిన పిప్పర్‌మెంట్ టీ బరువు తగ్గేందుకు చాలా బాగా హెల్ప్ అవుతుంది. రీఫ్రెష్ చేసే ఈ టీలో కేలరీలు తక్కువగా ఉంటాయి. కాబట్టి మీ ఆకలిని అరికట్టి జీర్ణశక్తిని పెంచుతాయి. పెప్పర్ మెంట్ అంటే పుదీనా.. పుదీనాలోని గొప్ప విషయాలు మీకు తెలిసే ఉంటుంది. ఇవి ఆకలిని తగ్గించి జీర్ణశక్తిని పెంచుతాయి. శరీర ఉష్ణోగ్రతను పెంచడానికి కూడా ఈ ఆకులు బాగా పనిచేస్తాయి. ఇవి మన జీవక్రియను మరింత మెరుగ్గా మారుస్తాయి. టెన్షన్, తలనొప్పి, సైనస్‌ని కూడా తగ్గిస్తాయి. దీంతో చక్కిని నిద్ర మీ సొంతం ఇలాంటి టీ తాగడం వల్ల మీలోని క్యాలరీలు కరుగుతాయి. దీంతో బరువు ఈజీగా తగ్గుతారు.

​చమోమిలే టీ..

ఉబ్బరాన్ని తగ్గించి హాయిగా నిద్ర రావాలనుకుంటున్నారా.. అయితే మీరు చమోమిలే టీని ట్రై చేయొచ్చు. ఇప్పుడు చెప్పే టీలన్నీ మీకు హెర్బల్ టీ షాపుల్లో దొరుకుతాయి. ఆన్‌లైన్‌లోనూ లభిస్తాయి. చమోమిలేని ప్రత్యేక గుణాలు శరీరంలో మ్యాజిక్‌ని చేస్తాయి. అజీర్ణం, గ్యాస్ వంటి జీర్ణ సమస్యల్ని తగ్గించి బరువుని తగ్గించడంలో ఈ టీ మ్యాజిక్ చేస్తుంది. చమోమిలే టీలో ఎపిజెనిన్, బిసాబోలోల్ వంటి పదార్థాలు ఉన్నాయి. ఇవన్నీ కూడా నిద్రలేమి సమస్యను దూరం చేస్తాయి. నిద్ర హాయిగా పడితే జీవక్రియ, జీర్ణక్రియ మెరుగ్గా ఉంటుంది. ఇవి రెండు కూడా బరువుని తగ్గించేందుకు సాయపడతాయి. సో.. నిద్రపోవడం, బరువు తగ్గడం ఇవి రెండూ మీకిష్టమా.. అయితే ఒక్క టీకి రెండు బెనిఫిట్స్ అన్నట్లుగా ఇది ట్రై చేయొచ్చు.

చమోమిలే అంటే చామంతి పూలండి. వీటిని తీసుకొచ్చి నీటిలో వేసి 5 నిమిషాలు మరిగించండి. వడకట్టి తాగేసేయడమే.

Also Read : Winter Fashion : చలికాలంలో ఇవి వేసుకుంటే మీ లుక్‌కి అంతా ఫిదా..

​దాల్చిన చెక్క టీ..

దాల్చిన చెక్క.. మన ఇంటి మసాలాల్లో ఎక్కువగా వాడే ఈ దినుసులో అద్భుతమైన గుణాలు ఉన్నాయి. ఇవన్నీ కూడా మీరు బరువు తగ్గేందుకు హెల్ప్ చేస్తాయి. దాల్చిన చెక్కలోని గుణాలు శక్తిని పెంచే ఆకలి కోరికలను తగ్గిస్తుంది. అంతే కాకుండా ఇందులోని ప్రత్యేక గుణాలు జీవక్రియను కూడా పెంచుతుంది.

ఇందులోని గుణాలను బరువు తగ్గించడమే కాకుండా యాంటీ ఇన్‌ఫ్లమేటరీ ఏజెంట్‌గా పనిచేస్తాయి. అదే విధంగా ఇది ఒత్తిడిని తగ్గించి బరువు తగ్గాలనే మీ కోరికును తీర్చేందుకు హెల్ప్ చేస్తుంది.

Also Read : Stroke : ఈ బ్లడ్ గ్రూప్‌ ఉన్నవారికి స్ట్రోక్ ఎక్కువగా వస్తుందట..

​లెమన్ టీ..

లెమన టీని మీరు చాలా మంది ఎంజాయ్ చేస్తూనే ఉంటాం. ఎలాంటి ఆలోచన లేకుండా మీరు దీనిని హ్యాపీగా తీసుకోవచ్చు. దీనిని తీసుకోవడం వల్ల మీరు ఫాస్ట్‌గా బరువు తగ్గుతారు. ఈ రకమైన టీలు తాగడం వల్ల మైండ్ రీఫ్రెష్‌గా అవ్వడమే కాకుండా బరువు తగ్గడానికి హెల్ప్ చేస్తుంది. అదే విధంగా ఈ టీ తాగడానికి సరైన సమయం కూడా ముఖ్యమే. నిద్రపోవడానికి ముందు ఇలాంటి టీలు తాగడం వల్ల బరువు తగ్గడానికి హెల్ప్ అవుతుంది.

వెయిట్ లాస్ అయ్యేందుకు నిద్రపోయే ముందు వీటిని తాగడం వల్ల ముందుగా మీ బెల్లీ ఫ్యాట్ కరుగుతుంది. అయితే వీటిలో మీరు స్వీట్‌నెస్ కోసం తేనె తీసుకోవడం మరో మంచి ఆప్షన్. అది కూడా వేడిగా ఉన్నప్పుడు తేనెని కలపొద్దు సుమా.. గోరువెచ్చగా అయ్యాకే తేనె కలిపి అప్పుడు తాగాలి.

Also Read : Stroke : ఈ బ్లడ్ గ్రూప్‌ ఉన్నవారికి స్ట్రోక్ ఎక్కువగా వస్తుందట..

​చివరిగా..

బరువు తగ్గాలనుకున్నప్పుడు ముందుగా చిన్న చిన్న గోల్స్ పెట్టుకోవాలి. ఒకేసారి పెద్దగా గోల్స్ పెట్టుకుని దానికి తగినట్లుగా చేయకూడదు. ఇందులో భాగంగా సరైన నిద్ర కూడా బరువుని తగ్గిస్తుందని గుర్తుపెట్టుకోండి. అందుకోసం పడుకునే ముందు మంచి హెర్బల్ టీ తాగితే ఒత్తిడి తగ్గి మంచి నిద్ర పడుతుంది. దీంతో జీవక్రియ రేటు పెరుగుతుంది. ఇది మీ బాడీలోని ఎక్స్‌ట్రాగా ఉన్న బరువుని తగ్గిస్తుంది. ఇలా పడుకునే ముందు హెర్బల్ టీ తాగడం వల్ల రాత్రుళ్లు ఏమైనా తినాలనే కోరిక తగ్గి మీ మనసు, శరీరం రిలాక్స్ అవుతుంది.

అయితే ఒక్కటి గుర్తుపెట్టుకోండి. కేవలం ఈ టీలు మాత్రమే తాగడం వల్ల బరువు తగ్గరు. వీటికి తగ్గట్లుగా పోషకాహారం తీసుకుంటూ వర్కౌట్ చేయడం కూడా చేయాలని గుర్తుపెట్టుకోండి.

గమనిక: ఆరోగ్య నిపుణులు, అధ్యయనాల ప్రకారం ఈ వివరాలను అందించాం. ఈ కథనం కేవలం మీ అవగాహన కోసమే. ఆరోగ్యానికి సంబంధించిన ఏ చిన్న సమస్య ఉన్నా వైద్యులను సంప్రదించడమే ఉత్తమ మార్గం. గమనించగలరు.



Source link

Leave a Reply

Your email address will not be published. Required fields are marked *