Tuesday, September 21, 2021

బ్రేక్‌ఫాస్ట్ నిజంగానే ఆరోగ్యానికి మేలు చేస్తుందా? మనం రోజూ తినే ఆహారంలో అదే ముఖ్యమైనదా?

International

-BBC Telugu

By BBC News తెలుగు

|

బ్రేక్‌ఫాస్ట్

ఆరోగ్యంగా, శారీరకంగా దృఢంగా ఉండే వాళ్లెవరూ బ్రేక్‌ఫాస్ట్‌ చేయకుండా ఉండరని వింటూ వచ్చాం. దీని అర్థం బ్రేక్‌ఫాస్ట్‌ మనల్ని ఆరోగ్యంగా, సన్నగా చేస్తుందా? లేదా దాని వెనకాల మరేదైనా కారణముందా?

పిల్లలు బ్రేక్‌ఫాస్ట్‌ చేయడానికి తల్లిదండ్రులు ఎక్కువగా ఉపయోగించే అస్త్రం – అది రోజులో చాలా ముఖ్యమైన ఆహారం అని. మనలో చాలా మంది దానిని నమ్ముతూ పెరిగాం.

బ్రేక్‌ఫాస్ట్‌ ఎందుకు ముఖ్యమైనది అనడానికి క్లూ దాని పేరులోనే ఉంది. మనం రాత్రంతా ఖాళీ కడుపుతో ఉండి, ఉదయపు అల్పాహారంతో దానికి బ్రేక్ వేస్తాం.

”మన శరీరం ఎదుగుదలకు, రిపేర్లకు రాత్రిళ్లు చాలా శక్తి ఖర్చయిపోతుంది. ఒక సమతుల ఆహారాన్ని తీసుకోవడం వల్ల ఆ శక్తిని తిరిగి పుంజుకుంటాం” అని డైటీషియన్ సారా ఎల్డర్ తెలిపారు.

అయితే మనం తీసుకునే ఆహారంలో బ్రేక్‌ఫాస్ట్‌కు ఏ స్థానం ఇవ్వాలన్న దానిపై చాలా వివాదమే ఉంది.

బ్రేక్‌ఫాస్ట్‌ ముఖ్య ఆహారమన్న వాదన వెనుక ఆహార పరిశ్రమ ఉందేమోనన్న అనుమానాల నుంచి బ్రేక్‌ఫాస్ట్‌ చాలా ప్రమాదకరమన్న అనేక వాదనలు ఉన్నాయి.

ఇంతకూ బ్రేక్‌ఫాస్ట్‌ అత్యంత ముఖ్యమైనదన్న వాదన వెనుక వాస్తవం ఎంత? అది నిజమేనా లేక ఆహార సంస్థల మార్కెటింగ్ వ్యూహమా?

బ్రేక్‌ఫాస్ట్

బ్రేక్‌ఫాస్ట్‌-స్థూలకాయం

బ్రేక్‌ఫాస్ట్‌ గురించి జరిగే చాలా పరిశోధనల్లో స్థూలకాయం ఒక ముఖ్యాంశంగా ఉంటోంది. ఆ రెండింటికీ మధ్య ఉన్న సంబంధం గురించి సైంటిస్టులు భిన్నమైన సిద్ధాంతాలు చెబుతారు.

అమెరికాలో ఏడేళ్లపాటు 50 వేల మందిపై నిర్వహించిన ఒక పరిశోధనలో, వారి ఆహారంలో బ్రేక్‌ఫాస్ట్‌ ఎక్కువ పరిమాణంగా ఉన్నవారిని పరిశీలించారు. ఈ పరిశోధనలో మధ్యాహ్న భోజనం లేదా రాత్రి భోజనం ఎక్కువ(పరిమాణం)గా చేసే వారికన్నా బ్రేక్‌ఫాస్ట్‌ ఎక్కువ పరిమాణంలో తీసుకుంటున్న వారి బాడీ మాస్ ఇండెక్స్ (బీఎమ్‌ఐ) తక్కువగా ఉంటుందని వెల్లడైంది.

బ్రేక్‌ఫాస్ట్‌ ఆకలి తీరిన తృప్తిని ఇస్తుందని, బ్రేక్‌ఫాస్ట్‌లోని ఆహార పదార్థాలలో పీచుపదార్థాలు, న్యూట్రియెంట్స్ ఉంటాయి కాబట్టి వాటి వల్ల ఆహార నాణ్యత పెరుగుతుందని పరిశోధకులు వాదించారు. అంతే కాకుండా బ్రేక్‌ఫాస్ట్‌ ఎక్కువగా తీసుకోవడం వల్ల తదనంతరం చేసే భోజనంతో ఇన్సులిన్ సెన్సిటివిటీ మెరుగుపడుతుందని, దీని వల్ల మధుమేహం వచ్చే ప్రమాదం తగ్గుతుందని అన్నారు.

బ్రేక్‌ఫాస్ట్

బ్రేక్‌ఫాస్ట్ చేయనివారికి స్థూలకాయం వచ్చే అవకాశం ఉందా?

దీన్ని కనుగొనేందుకు పరిశోధకులు 52 మంది స్థూలకాయ మహిళలపై 12 వారాల పాటు వెయిట్ లాస్ ప్రయోగం నిర్వహించారు. వారందరికీ రోజులో ఒకే మోతాదులో కెలోరీలు కలిగిన ఆహారాన్ని ఇచ్చారు. అయితే వారిలో సగం మంది బ్రేక్‌ఫాస్ట్ చేయగా, మిగతా సగం బ్రేక్‌ఫాస్ట్ చేయలేదు.

అయితే కేవలం బ్రేక్‌ఫాస్ట్‌ వల్లే వాళ్లు బరువు కోల్పోలేదని తేలింది. వాళ్ల రొటీన్‌ మారడం వల్ల బరువు కోల్పోయారు.

బ్రేక్‌ఫాస్ట్‌ చేసిన బృందంలో – తాము గతంలో బ్రేక్‌ఫాస్ట్ తీసుకునే వారమని చెప్పిన మహిళలు, మానేసాక 8.9 కిలోలు తగ్గామని చెప్పగా, అదే బ్రేక్‌ఫాస్ట్ చేయని బృందం 6.2 కిలోలు మాత్రం తగ్గారు.

అదే సమయంలో బ్రేక్‌ఫాస్ట్ చేయని బృందంలో – బ్రేక్‌ఫాస్ట్ తీసుకోవడం ప్రారంభించినపుడు 7.7 కిలోలు కోల్పోయామని, బ్రేక్‌ఫాస్ట్ చేయకపోవడం కొనసాగించినపుడు 6 కిలోలు తగ్గామని తెలిపారు.

బ్రేక్‌ఫాస్ట్

బరువు తగ్గడానికి బ్రేక్‌ఫాస్ట్ ఒక్కటే కారణం కానపుడు, మరి స్థూలకాయానికి, బ్రేక్‌ఫాస్ట్ చేయకపోవడానికి మధ్య సంబంధం ఏమిటి?

బ్రేక్‌ఫాస్ట్‌ చేయని వాళ్లకు పోషకాహారం, ఆరోగ్యం గురించి సరైన అవగాహన లేకపోవడమే దీనికి కారణమై ఉండవచ్చని యూనివర్సిటీ ఆఫ్ అబెర్డీన్ లో ప్రొఫెసర్ అలెగ్జాండ్రా జాన్‌స్టోన్ తెలిపారు.

”సాధారణంగా బ్రేక్‌ఫాస్ట్ చేసేవాళ్లు పొగ తాగకపోవడం, క్రమం తప్పకుండా వ్యాయామం చేయడంలాంటి ఆరోగ్యకరమైన అలవాట్లు కలిగి ఉండడం కారణం కావచ్చు” అంటారు ఆమె.

బ్రేక్‌ఫాస్ట్

విందా? ఉపవాసమా?

తమ ఆరోగ్యాన్ని మెరుగుపరచుకోవాలనుకుంటున్న వారు రాత్రంతా ఏమీ తినకుండా ఉండడమే కాకుండా, దానిని మరుసటి రోజు పగటి పూట కూడా కొనసాగించడమనే అలవాటు పెరుగుతోంది.

2018లో నిర్వహించిన ఒక పరిశోధనలో, మధ్యమధ్యన ఉపవాసం ఉండడం వల్ల రక్తంలోని షుగర్ లెవల్స్, ఇన్సులిన్ సెన్సిటివిటీ నియంత్రణలో ఉంటాయని, రక్తపోటు తగ్గుతుందని గుర్తించారు.

బర్మింగ్‌హామ్‌లోని యూనివర్సిటీ ఆఫ్ అలబామా ప్రొఫెసర్ కర్ట్‌నీ పీటర్సన్ నేతృత్వంలో జరిగిన ఈ పరిశోధనలో.. ప్రి-డయాబెటీస్‌తో ఉన్న ఎనిమిది మంది పురుషులను ఎంపిక చేసుకుని, రెండు షెడ్యూళ్లలో ఏదో ఒకదానిని ఎంపిక చేసుకోమని సూచించారు.

ఒక షెడ్యూల్‌లో అన్ని కెలోరీలను ఉదయం 9 నుంచి మధ్యాహ్నం 3 గంటల మధ్య తీసుకుంటే, రెండో షెడ్యూల్‌లో అదే పరిమాణంలోని కెలోరీలను 12 గంటల కాలవ్యవధిలో తీసుకోమన్నారు.

ఈ ప్రయోగంలో 9.00-15.00 బృందం ఆరోగ్యం, రక్తపోటును తగ్గించే మందులు తీసుకుంటున్న వారి ఆరోగ్యంతో సమానంగా ఉన్నట్లు తేలింది.

ఇక యూనివర్సిటీ ఆఫ్ సర్రే , యూనివర్సిటీ ఆఫ్ అబర్డీన్ పరిశోధకులు మనం ఏ సమయంలో తింటామనేది మన శరీర బరువుపై ఎలాంటి ప్రభావం చూపుతుందనే దానిపై పరిశోధనలు నిర్వహిస్తున్నారు. ప్రాథమిక అంచనాల ప్రకారం, బ్రేక్‌ఫాస్ట్ ఎక్కువగా తీసుకోవడం వల్ల, వెయిట్ లాస్‌లో ఎక్కువ లాభం ఉంటుందని తెలుస్తోంది.

బ్రేక్‌ఫాస్ట్

ఆరోగ్యకరమైన ఆహారం

బ్రేక్‌ఫాస్ట్ కేవలం బరువు మీదే కాదు, ఇంకా ఇతర వాటిపై కూడా ప్రభావం చూపుతోంది. బ్రేక్‌ఫాస్ట్ చేయకపోవడం వల్ల గుండెజబ్బులు వచ్చే అవకాశం 27 శాతం పెరుగుతుంది. పురుషులలో టైప్-2 మధుమేహం వచ్చే అవకాశం 21 శాతం, మహిళలలో 20 శాతం ఎక్కువ అవుతోంది.

దీనికి ప్రధాన కారణం బ్రేక్‌ఫాస్ట్‌లో ఉండే పోషకాహార విలువలే. బ్రేక్‌ఫాస్ట్‌లోని తృణధాన్యాలలో విటమిన్లు సమృద్ధిగా ఉంటాయి. బ్రిటన్‌లో 1,600 మంది యువతీయువకులపై నిర్వహించిన ఒక పరిశోధనలో, క్రమం తప్పకుండా బ్రేక్‌ఫాస్ట్ చేసేవారిలో పీచుపదార్థం, మైక్రోన్యూట్రియెంట్స్ గ్రహిణశక్తి ఎక్కువగా ఉందని తేలింది.

బ్రేక్‌ఫాస్ట్

బ్రేక్‌ఫాస్ట్ మెదడు పనితీరును కూడా మెరుగుపరుస్తుందని.. ఏకాగ్రత, భాషా నైపుణ్యాలను పెంచుతుందని.. బ్రేక్‌ఫాస్ట్‌ తినడం వల్ల జ్ఞాపకశక్తి పెరుగుతుందని వెల్లడైంది.

అయితే బ్రేక్‌ఫాస్ట్‌లో మనం ఏం తింటున్నామనేది కూడా ముఖ్యమే. హై ప్రొటీన్ ఉన్న బ్రేక్‌ఫాస్ట్ తీసుకోవడం వల్ల ఇంకా ఆహారం కావాలనే కోరిక తగ్గుతుంది.

అయితే బ్రిటన్, అమెరికాలలో నిర్వహించిన ఒక పరిశోధనలో పెద్దలు తీసుకునే బ్రేక్‌ఫాస్ట్‌లోని తృణధాన్యాలలో ఫ్రీ షుగర్ మనం రోజుకు తీసుకోవాల్సిన దానికన్నా, ముప్పాతిక భాగం ఎక్కువగా ఉంటుందని తేలింది.

బ్రేక్‌ఫాస్ట్

శరీరం చెప్పేది వినండి

చివరగా మనం ఖచ్చితంగా ఏం తినాలి, ఎప్పుడు తినాలనేదానిపై ఒక నిర్ణయానికి రాలేకున్నా, మనం శరీరం చెప్పేది వింటూ మనకు ఆకలైనప్పుడల్లా తింటూ ఉండాలి.

”నిద్ర లేవగానే ఆకలి అనిపించే వాళ్లు బ్రేక్‌ఫాస్ట్ తీసుకోవడం చాలా అవసరం” అని జాన్‌స్టోన్ తెలిపారు.

ప్రతి ఒక్కరూ తమ రోజును ఒక్కో రకంగా ప్రారంభిస్తారు. అందువల్ల వాళ్ల మధ్య తేడాలను, మరీ ప్రత్యేకించి గ్లూకోజ్ పని చేసే తీరును నిశితంగా పరిశీలించాలి.

చివరిగా ఏదో ఒక్క పూట ఆహారంపై దృష్టి పెట్టడం కాకుండా, మనం రోజంతా ఏం తింటున్నామో గమనించాలి.

”సమతుల బ్రేక్‌ఫాస్ట్ నిజంగా మంచిది. కానీ బ్లడ్ షుగర్‌ను తగిన స్థాయిలో ఉంచడానికి రోజంతా క్రమం తప్పకుండా ఆహారం తీసుకోవడం ఇంకా ముఖ్యం. దీని వల్ల బరువును, ఆకలిని నియంత్రించుకోగలుగుతాం” అని ఎల్డర్ తెలిపారు.

ఇవి కూడా చదవండి

(బీబీసీ తెలుగును ఫేస్‌బుక్, ఇన్‌స్టాగ్రామ్‌, ట్విటర్‌లో ఫాలో అవ్వండి. యూట్యూబ్‌లో సబ్‌స్క్రైబ్ చేయండి.)




Source link

MORE Articles

భారత్ కు బిగ్ రిలీఫ్ .. బాగా తగ్గిన కరోనా కొత్త కేసులు, మరణాలు; తగ్గిన యాక్టివ్ కేసులు.. లెక్కలివే !!

బాగా తగ్గిన యాక్టివ్ కేసులు .. గణనీయంగా పెరుగుతున్న రికవరీలు భారతదేశంలో యాక్టివ్ కేసులు 3,09,575 వద్ద ఉన్నాయి. ఇది 184 రోజుల్లో అత్యల్పంగా ఉంది. క్రియాశీల...

Alzheimer’s Disease: इस लाइलाज बीमारी की शुरुआत में मिलने लगते हैं ये संकेत, तुरंत उठाएं ये कदम

Alzheimer's Day: 21 सितंबर को पूरे विश्व में वर्ल्ड अल्जाइमर डे (World Alzheimer's Day 2021) के रूप में मनाया जाता है. यह एक...

Royal Enfield రైడింగ్ జాకెట్ కొనాలంటే.. ఇలా చేయండి

Royal Enfield కంపెనీ తీసుకువచ్చిన ఈ కార్యక్రమం అతి తక్కువ కాలంలోనే చాలా ఆదరణ పొందగలిగింది. కంపెనీ ఇప్పుడు ఇందులో ఇప్పుడు రైడర్ జాకెట్స్ కూడా అందించనున్నట్లు తెలిపింది....

పొలిటికల్ గేమ్ చేంజ్: డ్రగ్స్ కేసు హైలెట్ చేస్తున్న కాంగ్రెస్.. డిఫెన్స్ లో కేటీఆర్; రేవంత్ వార్ వ్యూహాత్మకం

టీఆర్ఎస్ మంత్రులపై రేవంత్ రెడ్డి సంచలన ఆరోపణలు .. డిఫెండ్ చేస్తున్న మంత్రులు తెలంగాణ పిసిసి చీఫ్ బాధ్యతలు చేపట్టిన నాటి నుండి రేవంత్ రెడ్డి తెలంగాణ...

Salesforce invests in Indian fintech unicorn Razorpay

The funding may have pushed Razorpay's valuation to over US$3 billion, Livemint reported. Source link

కేంద్రం కోర్టులోకి జోగి రమేష్ ఘటన-హోంశాఖకు టీడీపీ ఫిర్యాదు-చంద్రబాబుకు మరింత భద్రత !

వైసీపీ వర్సెస్ టీడీపీ పోరు ఏపీలో వైసీపీ, టీడీపీ మధ్య పోరాటం పదేళ్లుగా సాగుతూనే ఉంది. అయితే 2019 ఎన్నికల్లో వైసీపీ గెలిచిన తర్వాత అప్పటికే ఘోర...

Beauty Tips: मक्खन-सी त्वचा चाहिए, तो फेस पर ऐसे लगाना शुरू करें ताजा मक्खन, चेहरा चमक जाएगा

सितंबर का महीना चालू है और इस समय मौसम में बदलाव होता है. बरसात का मौसम जा रहा होता है और सर्दियां आने...

Illegal affair: ప్రియుడు, అక్కతో కలిసి భర్తను ముక్కలుగా నరికేసింది, ఫ్లాట్ లో కెమికల్స్ వేసి !

లిక్కర్ వ్యాపారి బీహార్ లోని ముజఫర్ పూర్ లోని సికందర్ పూర్ నగర్ లో రాకేష్ (30), రాధా దంపతులు నివాసం ఉంటున్నారు. రాకేష్ అంతకు ముందు లిక్కర్...

భారత విమాన ప్రయాణికులకు గుడ్ న్యూస్: 5 నెలల తరువాత నిషేధం ఎత్తేసిన ఆ దేశం

టోరంటో: ప్రాణాంతక కరోనా వైరస్ సెకెండ్ వేవ్, ప్రమాదకరమైన డెల్టా ప్లస్ వేరియంట్ వ్యాప్తి చెందుతోన్న పరిస్థితులను దృష్టిలో ఉంచుకుని భారత్‌తో అనేక దేశాలు విమాన సంబంధాలను తెంచుకున్నాయి. కరోనా వల్ల సంభవించిన...

Stay Connected

98,675FansLike
224,586FollowersFollow
56,656SubscribersSubscribe