PRAKSHALANA

Best Informative Web Channel

PRAKSHALANA

భూమి, చంద్రుడితో ఆదిత్య ఎల్1 సెల్ఫీలు.. వీడియో షేర్ చేసిన ఇస్రో

[ad_1]

ప్రస్తుతం భూ ఎగువ కక్ష్యలో ఉన్న సూర్యుడిపై అధ్యయనానికి భారత అంతరిక్ష పరిశోధన సంస్థ (ఇస్రో) ప్రయోగించిన ఆదిత్య-ఎల్1 సెల్ఫీలను తీసి పంపింది. అంతేకాదు, భూమి, చంద్రుడి ఫోటోలను కూడా తీసినట్టు ఇస్రో ట్వీట్ చేసింది. ప్రస్తుతం ఉపగ్రహం భూ ఎగువ కక్ష్యలోని 282 కి.మీ x 40225 కి.మీ ఎత్తులో ఉంది. ఇప్పటికే రెండు భూకక్ష్య పెంపు విన్యాసాలను విజయవంతంగా ఇస్రో నిర్వహించింది. మూడో విన్యాసాన్ని సెప్టెంబరు 10న తెల్లవారుజాము 2.30 గంటలకు చేపట్టనున్నట్టు ఇస్రో వెల్లడించింది. లాంచింగ్ ప్యాడ్ నుంచి రాకెట్ బయలుదేరిన 16 రోజుల్లో మొత్తం ఐదు విన్యాసాలు పూర్తయిన తర్వాత.. సూర్యుడి లాగ్రాంజ్ పాయింట్ దిశగా ఆదిత్య-ఎల్ ప్రయాణిస్తుంది. అనంతరం 110 రోజులకు నిర్దేశిత ప్రదేశానికి చేరుతుంది.

మొత్తం 125 రోజులు ప్రయాణం తర్వాత 15 లక్షల కిలోమీటర్ల దూరంలో ఉన్న సూర్యుడి లాగ్రాంజ్ పాయింట్‌కు చేరుతుంది. అక్కడ నుంచి సూర్యుడ్ని నిరంతరం డేగ కళ్లతో పరిశీలించి.. నిమిషానికొక ఫోటోను తీసి పంపుతుంది. ఐదేళ్ల కాలపరిమితితో సూర్యుడి గురించి పరిశోధనలకు ఈ ఉపగ్రహాన్ని రూపొందించారు. ఇందులోని మొత్తం ఏడు పేలోడ్లలో ఐదింటిని ఇస్రో.. మిగతా రెండింటిని దేశంలోని ప్రతిష్టాత్మక విద్యా సంస్థల సహకారంతో అభివృద్ధి చేశారు.

శ్రీహరికోటలోని సతీశ్‌ ధవన్‌ స్పేస్‌ సెంటర్‌ నుంచి సెప్టెంబరు 2 శనివారం ఉదయం 11.50 గంటలకు ఆదిత్య ఎల్‌1 ఉపగ్రహాన్ని పీఎస్‌ఎల్‌వీ-సి57 వాహకనౌక నింగిలోకి మోసుకెళ్లింది. 63 నిమిషాల పాటు ప్రయాణించిన తర్వాత 1480.7 కిలోల ఉపగ్రహం రాకెట్ నుంచి విడిపోయి భూ ఎగువ కక్ష్యలోకి చేరింది.

సూర్యుడి మూడు లేయర్లు ఫొటో స్పియర్‌, క్రోమో స్పియర్‌ సహా వెలుపల ఉండే కరోనాను ఈ ఉపగ్రహం అధ్యయనం చేస్తుంది. సౌర జ్వాలలు, సౌర రేణువులు, అక్కడి వాతావరణం గురించి ఎన్నో అంశాలను శోధించనుంది. ఈ క్రమంలోనే అమెరికా, జపాన్, యూరప్, చైనాల తర్వాత సూర్యుడిపైకి ఉపగ్రహాన్ని పంపిన ఐదో దేశంగా భారత్ నిలిచింది. సూర్యుడి చుట్టూ ఐదు లాగ్రాంజ్ పాయింట్‌లు ఉండగా.. అందులో ఎల్ 1 వద్దకు ఆదిత్య ఎల్ 1ను ఇస్రో పంపుతోంది. అయితే, చంద్రయాన్-3 మాదిరిగా సూర్యుడి ఉపరితలంపై ఆదిత్య ఎల్ 1 ను ల్యాండింగ్ చేయడం కుదరదు. కానీ, సూర్యుడి బయటి పొర అయిన కరోనాలోకి ఏదైనా ఉపగ్రహాన్ని పంపిస్తే దాన్ని సూర్యుడిపై దిగినట్లుగానే పరిగణిస్తారు.


Read More Latest Science & Technology News And Telugu News

[ad_2]

Source link

LEAVE A RESPONSE

Your email address will not be published. Required fields are marked *