యాపిల్స్‌లోని పోషకాలు..
యాపిల్స్‌లో కేలరీలు, ఫైబర్, పిండి పదార్థాలు, విటమిన్ సి, కాపర్, పొటాషియం, విటమిన్ కె ఉంటాయి. అలాగే ఇందులో విటమిన్ ఇ, యాంటీ ఆక్సిడెంట్స్, విటమిన్ బి1, విటమిన్ బి 6లు ఉంటాయి. ఇవన్నీ కూడా జీవక్రియకి హెల్ప్ చేసి బరువు తగ్గేందుకు సాయపడతాయి.
యాపిల్స్‌లోని పాలీఫెనాల్స్ మన శరీర కణాల ఆరోగ్యాన్ని కాపాడేందుకు సాయపడతాయి. ఇది గుండె ఆరోగ్యాన్ని కాపాడి, క్యాన్సర్స్‌ని తగ్గించేలా చూస్తాయి.
ఆరోగ్యంగా ఉండేందుకు టిప్స్..
చక్కటి ఆరోగ్యం కోసం పర్‌ఫెక్ట్‌ లైఫ్‌స్టైల్‌
యాపిల్స్ గింజలు..
యాపిల్స్‌లో ఇన్ని పోషకాలున్నా.. దాని విత్తనాల విషయంలో జాగ్రత్తగా ఉండాలి. వీటిని తీసుకుంటే అవి సైనైడ్‌లా పనిచేస్తాయని చెబుతున్నారు నిపుణులు. యాపిల్ గింజల్లో అమిగ్డాలిన్ ఉంటుంది. ఇది మానవవరీరంలో ఉండే జీర్ణ ఎంజైమ్‌లతో ప్రతిచర్య జరిపి సైనైడ్‌ని రిలీజ్ చేస్తుంది. రెండు గింజలు అలా తీసుకుంటే పెద్దగా ఇబ్బంది ఉండదు కానీ, ఎక్కువగా శరీరంలోకి వెళ్తే మాత్రం అది స్లో పాయిజన్‌లా పనిచేస్తుందని చెబుతున్నారు నిపుణులు. విత్తనాల చుట్టూ ఉన్న బలమైన పొర దీనిని అడ్డుకున్నప్పటికీ, దీనిని నమిలితే అది కూడా హైడ్రోజన్ సైనైడ్‌ని రిలీజ్ చేస్తుంది.
డాక్టర్స్ ఏం చెబుతున్నారంటే..
ఆపిల్స్‌ని తక్కువగా తీసుకుంటే ఎలాంటి ఇబ్బందులు ఉండవని చెబుతున్నారు సీనియర్ డైటీషియన్ & న్యూట్రిషనిస్ట్ డా. సమీనా అన్సారీ,కేర్ హాస్పిటల్స్, హైటెక్ సిటీ, హైదరాబాద్.
ఎందుకంటే యాపిల్స్ గింజల్లో సైనైడ్ చాలా తక్కువగా ఉంటుంది. అది శరీరంలోకి వెళ్ళినా జీర్ణమవుతుంది. యాపిల్ గుజ్జును ఎక్కువగ తీసుకున్నప్పుడే అది శరీరంలో సమస్యలకి కారణమవుతుంది. ఈ రకమైన టాక్సిక్ ఫంగస్ యాపిల్స్‌లో మాత్రమే కాకుండా, ఆప్రికాట్, పీచెస్, చెర్రీస్‌లో కూడా కనిపిస్తుంది.
గుండెపై ఎఫెక్ట్..
అయితే, గింజల్ని ఎక్కువగా తీసుకుంటే తలనొప్పి, వికారం, కడుపు నొప్పి వస్తుంది. కొన్నిసార్లు ఇది కోమాకి కూడా దారి తీయొచ్చు. ఇది ప్రమాదంగా మారి గుండె ఆరోగ్యం, బ్రెయిన్ హెల్త్ దెబ్బతిని ప్రాణాలు కోల్పోవచ్చు.
యాపిల్ గింజలు పెద్దల కంటే పిల్లలకి హానికరం. అందువల్ల యాపిల్ జ్యూస్ చేసినప్పుడు అందులో గింజలు లేకుండా చూడండి.
Also Read : వీటిని రాస్తే చెమటపొక్కులు తగ్గుతాయి..
ఎలా తీసుకోవాలి..
యాపిల్ జ్యూస్ చేసినప్పుడు వాటిని వడకట్టడం కంటే అలానే తీసుకోవాలి. అప్పుడే పోషకాలు అందుతాయి. కొందరు యాపిల్స్ తినేటప్పుడు పీల్ చేస్తారు. కానీ, తొక్కలోనే పోషకాలు పుష్కలంగా ఉంటాయి. కాబట్టి, దీనిని వేస్ట్ చేయొద్దు. యాపిల్స్ గింజలు, చుట్టూ ఉన్న భాగాన్ని తీసి తినొచ్చు. వీటితో సలాడ్ తయారు చేయొచ్చు. ఫుడ్‌లో చిన్న చిన్న ముక్కలుగా తినొచ్చు.
గమనిక:ఆరోగ్య నిపుణులు, అధ్యయనాల ప్రకారం ఈ వివరాలను అందించాం. ఈ కథనం కేవలం మీ అవగాహన కోసమే. ఆరోగ్యానికి సంబంధించిన ఏ చిన్న సమస్య ఉన్నా వైద్యులను సంప్రదించడమే ఉత్తమ మార్గం. గమనించగలరు.
Read More :Health NewsandTelugu News