హెవీ ఫుడ్స్ వద్దు..
క్లీవ్‌ల్యాండ్ క్లినిక్ ప్రకారం, రాత్రి పూట హెవీగా ఉండే ఆహారం తినకూడదు. ఇది జీర్ణం కావడానికి ఎక్కువ సమయం పడుతుంది. రాత్రి భోజనంలో కొవ్వు, నూనె పదార్థాలు ఉండే ఆహారం తినడం వల్ల అజీర్ణం, నిద్రకు భంగం కలిగే అవకాశం ఉంది. మీ డిన్నర్‌లో చీజ్ బర్గర్, ఫ్రైస్, ఫ్రై ఐటమ్స్, మాంసాహారం, జంక్‌ ఫుడ్‌ స్కిప్‌ చేయడం మంచిది.
(image source – pixabay)
రాత్రి తినాల్సిన ఫుడ్స్
రాత్రి తినాల్సిన ఫుడ్స్
కెఫిన్‌..
టీ, కాఫీ, కూల్‌ డ్రింక్స్‌, సోడాలో కెఫిన్‌ అధికంగా ఉంటుంది. ఇవి కాకుండా కొన్ని ఐస్ క్రీమ్‌లు, డెజర్ట్‌లలో కూడా కెఫిన్‌ ఉంటుంది. రాత్రి పూట కెఫిన్‌ ఫుడ్స్, డ్రింక్స్‌ తీసుకుంటే.. నిద్రకు భంగం కలుగుతుంది. కెఫిన్‌ బ్రెయిన్‌ను యాక్టివ్‌ చేస్తుంది, దీంతో మీకు సరిగ్గా నిద్ర పట్టదు. కెఫిన్‌ కారణంగా.. కడుపులో యాసిడ్ ఉత్పత్తి కూడా పెరుగుతుంది. దీని కారణంగా ఎసిడిటీ, గ్యాస్ట్రిక్‌ సమస్యలు ఎదురయ్యే అవకాశం ఉంది.
Thyroid: హైపోథైరాయిడ్‌ పేషెంట్స్‌ బరువు తగ్గాలంటే.. ఈ సూప్‌ తాగండి..!(image source – pixabay)
స్వీట్స్‌ వద్దు..
చాలా మందికి నిద్రపోయే ముందు స్వీట్‌ క్రేవింగ్‌ ఉంటుంది. డిన్నర్‌ తర్వాత గులాబ్‌ జామ్‌, లడ్డూలను తింటూ ఎంజాయ్‌ చేస్తూ ఉంటారు. అయితే, స్వీట్స్‌ మీ రక్తంలో చక్కెర స్థాయిలను పెంచుతుంది. రాత్రి పూట స్వీట్స్‌ తింటే మీ నిద్ర డిస్టర్బ్‌ అవుతుంది. అంతే కాదు గ్యాస్ట్రిక్‌, ఎసిడిటీ సమస్యకు కారణం అవుతుంది.
(image source – pixabay)
టైరమైన్-రిచ్ ఫుడ్స్..
డిన్నర్‌లో టైరమైన్ రిచ్ ఫుడ్స్‌ను స్కిప్‌ చేయడం మంచిదని నిపుణులు సూచిస్తున్నారు. టైరమైన్ నిద్రకు భంగం కలిగిస్తుంది. ఈ అమైనో యాసిడ్ మెదడును ఉత్తేజపరచి.. నిద్రను దూరం చేస్తుంది. టమోటా, సోయా సాస్, వంకాయ, రెడ్ వైన్ వంటి వాటిలో టైరమైన్ ఉంటుంది.
(image source – pixabay)
స్పైసీ ఫుడ్స్..
రాత్రి పడుకునే ముందు మసాలా ఆహారం తిండే కడుపులో యాసిడ్ ఏర్పడుతుంది. ఇది నిద్రను కూడా ప్రభావితం చేస్తుంది. మీరు టాంగీ, కారంగా ఉండే ఆహారాన్ని ఇష్టపడితే, రాత్రి భోజనానికి బదులుగా బ్రేక్‌పాస్ట్‌, మధ్యాహ్నం లంచ్‌లో ఎంజాయ్‌ చేయండి.
(image source – pixabay)
యాసిడ్ ఫుడ్స్..
సిట్రస్ జ్యూస్, పచ్చి ఉల్లిపాయలు, వైట్ వైన్, టొమాటో సాస్ వంటి వాటిని రాత్రిపూట తినకూడదు. ఇవి కడుపులో యాసిడ్‌ని సృష్టించి నిద్రకు భంగం కలిగిస్తాయి. కడుపు, జీర్ణక్రియ ఆరోగ్యంగా ఉండటానికి, ప్రశాంతంగా నిద్రపోవడానికి రాత్రిపూట తేలికపాటి, మసాలా తక్కువగా ఉండే ఆహారం తీసుకోవాలి.
(image source – pixabay)
ఆహారం విషయంలో ఈ 7 రూల్స్‌ ఫాలో అయితే.. గుండె ఆరోగ్యంగా ఉంటుంది..!
నీటి శాతం ఎక్కువగా ఉండే ఆహారం..
రాత్రిపూట నీరు అధికంగా ఉండే ఆహార పదార్థాలు తింటే.. నిద్రకు భంగం కలుగుతుంది. డిన్నర్‌లో ఆకుకూరలు, పుచ్చకాయ, కీరా వంటి ఆహారం తినకుండా ఉండటం మంచిది.
(image source – pixabay)
గమనిక: ఆరోగ్య నిపుణులు, అధ్యయనాల ప్రకారం ఈ వివరాలను అందించాం. ఈ కథనం కేవలం మీ అవగాహన కోసమే. ఆరోగ్యానికి సంబంధించిన ఏ చిన్న సమస్య ఉన్నా వైద్యులను సంప్రదించడమే ఉత్తమ మార్గం. గమనించగలరు.