దేశవ్యాప్తంగా రైతులకు గుడ్ న్యూస్. కేంద్ర ప్రభుత్వం చేపట్టి ఫార్మర్ ఐడీ ప్రాజెక్టు అమలుకు తెలంగాణ ప్రభుత్వం సిద్ధమైంది. ఈ ప్రాజెక్టు విషయంలో ఇప్పటికే అగ్రికల్చర్ ఎక్స్ టెన్షన్ ఆఫీసర్ల (ఏఈఓ)కు శిక్షణ ఇచ్చిన ప్రభుత్వం. మే5 అంటే రేపటి నుండి రిజిస్ట్రేషన్ల ప్రక్రియ ప్రారంభించనుంది.
ఈ ప్రాజెక్టు కింద ప్రతీ రైతుకు 11 నెంబర్ల యూనిక్ ఐడీ కేటాయిస్తారు. భూమి రకం, సాగు, వ్యక్తిగత వివరాలను డిజిటల్ రూపంలో ప్రభుత్వం నమోదు చేస్తుంది. ఇది ఆధార్ కార్డుతో లింక్ అయ్యి ఉంటుంది. ఈ 11 అంకెల ఐడీలో రైతు పేరు, ఆధార్ నంబర్, మొబైల్ నంబర్, పట్టాదారు పాస్ బుక్ వివరాలు, భూమి రకం (ఎర్ర నేల, నల్ల నేల, తరి, మెట్ట), సర్వే నెంబర్లు, సాగు చేసిన పంటలు తదితర సమాచారం నమోదు చేస్తారు. ఈ ఐడీ కార్డు ద్వారా ఒక్క క్లిక్ తో రైతుల వివరాలు తెలుసుకోవచ్చు.
అంతేగాదు కేంద్ర ప్రభుత్వం అమలు చేస్తున్న కిసాన్ సమ్మాన్ నిధి, సాయిల్ హెల్త్ కార్డు, ఫసల్ బీమా యోజన వంటి పథకాలకు ఇది కంపల్సరీ కానుంది. ప్రత్యేకంగా రూపొందించిన ఈ యాప్ లో అన్ని వివరాలు నమోదుచేస్తారు. అనంతరం రైతులకు ఓటీపీ రానుండగా ఆ ఓటీపీ ఎంటర్ చేయగానే 11 అంకెల ఫార్మర్ ఐడీ జనరేట్ అవుతుంది.దీని ద్వారా పేపర్ వర్క్ లేకుండా ఒకే ఐడీతో అన్ని సేవలు అందుబాటులోకి వస్తాయి.
The post రైతులకు గుడ్‌న్యూస్‌.. ‘ఫార్మర్ ఐడీ’ appeared first on Adya News Telugu.
