విటమిన్ ‘A’..
విటమిన్ ఎ సూర్యరశ్మి వల్ల చర్మం దెబ్బతినకుండా సహాయపడుతుంది. విటమిన్ ఏ యూవీ కిరణాల నుంచి కంటిని కూడా రక్షిస్తుంది. విటమిన్ ఏ ను రెటనాల్‌ అని పిలుస్తారు. రెటీనాలో వర్ణద్రవ్యాల్ని ఏర్పరచడానికి ఉపయోగపడుతుంది. మీరు విటమిన్ ఏ సమృద్ధిగా పొందడానికి.. మీ డైట్‌లో క్యాప్సికం, పాలు, గుడ్లు, టమాటా, ముదురు ఆకుపచ్చ కూరగాయలు, నారింజ, పసుపు కూరగాయలు, కారెట్, చిలగడదుంప, చేప నూనె, లివర్ తీసుకోండి. రోజువారీ తీసుకునే ఆహారంలో విటమిన్ A 750 మి.గ్రా ఉండేలా చూసుకోండి.
విటమిన్ ‘C’..
విటమిన్ సి శక్తివంతమైన యాంటీఆక్సిడెంట్‌గా పని చేస్తుంది. ఇది ఇమ్యూనిటీని బూస్ట్‌ చేస్తుంది, ఇన్పెక్షన్ల నుంచి రక్షిస్తుంది. వేసవిలో చర్మం ఎక్కువగా యూవీ రేడియేషన్‌కు గరవుతుంది. ఇది ఫ్రీ రాడికల్స్‌ ఉత్పత్తిని పెంచుతుంది, ఆక్సికరణ ఒత్తిడికి కూడా కారణం అవుతుంది. విటమిన్ సి ఫ్రీ రాడికల్స్‌ను న్యూట్రల్‌ చేయడానికి సహాయపడుతుంది. ఇది చర్మాన్ని రక్షిస్తుంది. అదేవిధంగా సమ్మర్‌లో ఎలాంటి ఇన్ఫెక్షన్లు రాకుండా మిమ్మల్ని కాపాడుతుంది. నారింజలు, కివి, నిమ్మకాయలు, గ్రేప్‌ఫ్రూట్, టమోటాలు, ద్రాక్ష, బంగాళదుంపలు, స్ట్రాబెర్రీలు, బ్రోకలీ, బొప్పాయిలో విటమిన్ సీ సమృద్ధిగా ఉంటుంది.
విటమిన్ ఇ..
ఇవి వేసవిలో అత్యంత ముఖ్యమైన విటమిన్లలో విటమిన్ ఇ ఒకటి. ఇది శరీరంలో శక్తివంతమైన యాంటీ ఆక్సిడెంట్‌గా పనిచేస్తుంది. లివర్, శరీరీరంలోని ఇతర భాగాలలోని టాక్సిన్స్‌, వ్యర్థాలను క్లియర్‌ చేస్తుంది. ఫ్రీ రాడికల్స్‌తో సమర్థవంతంగా పోరాడుతుంది. శరీరంలో రోగనిరోధక వ్యవస్థ పనితీరును మెరుగుపరుస్తుంది. విటమిన్ ఇ పొందడానికి .. పొద్దుతిరుగుడు విత్తనాలు, బాదం, వేరుశెనగ, పీనట్‌ బటర్‌, గుమ్మడికాయ గింజలు, క్యాప్సికమ్‌, బీట్‌రూట్, ఆకుకూరలు మీ డైట్‌లో చేర్చుకోండి.
Also read:విటమిన్ ‘ఇ’ రిచ్‌ ఫుడ్స్‌తో.. మీ చర్మం ఆరోగ్యంగా ఉంటుంది..!
విటమిన్ డి..
సూర్యరశ్మి ద్వారా మనకు విటమిన్ డి లభిస్తుంది. వేసవిలో కండరాల నొప్పులు, జీర్ణ సమస్యలను నివారించడానికి శరీరంలో తగినంత విటమిన్ డి అవసరం. మిటమిన్‌ డిని పొందడానికి ఉదయం పూట కొంతసేపు.. సూర్యరశ్మిలో ఉండటంతో పాటు మీ డైట్‌లో విటమిన్ డి రిచ్‌ ఫుడ్స్‌ తీసుకోండి. మీ డైట్‌లో చీజ్, పెరుగు, పాలు, చేప నూనె, పుట్టగొడుగు, సాల్మన్, ఓట్స్, గుడ్డు పచ్చసొన తీసుకోండి.
Also read:విటమిన్ ‘డీ’ ఎక్కువైతే ఈ సమస్యలు వస్తాయి.. జాగ్రత్త..!
పొటాషియం..
పొటాషియం.. ముఖ్యమైన ఎలక్ట్రోలైట్. ఫ్లూయిడ్‌ సమతుల్యతను నియంత్రించడంలో ఇది కీలక పాత్ర పోషిస్తుంది. ఆరోగ్యకరమైన కండరాలు, నరాల పనితీరుకు మద్దతు ఇస్తుంది. వేసవిలో చెమట ద్వారా అధిక మొత్తంలో పొటాషియం బయటకు వెళ్తుంది. ఇది కండరాల బలహీనత, అలసటకు కారణమవుతుంది. పోగొట్టుకున్న ఎలక్ట్రోలైట్‌లను భర్తీ చేయడానికి పొటాషియం అధికంగా ఉండే ఆహారాలు తినడం చాలా ముఖ్యం. మీ డైట్‌లో పొటాషియం అధికంగా ఉండే.. అరటిపండ్లు, బీన్స్, పప్పులు, బ్రోకలీ, అవకాడో, ద్రాక్ష, నేరేడు పండు, ఆకుకూరలు తీసుకోండి.
Also Read:ఈ పోషకం లోపిస్తే.. బీపీ పెరుగుతుంది..!
మెగ్నీషియం..
ఈ సీజన్‌లో పొటాషియం ఎంత ముఖ్యమో.. మెగ్నీషియం కూడా అంతే అవసరం. ఇది ఆరోగ్యకరమైన కండరాలు, నరాల పనితీరును నిర్వహించడానికి తోడ్పడుతుంది. . రక్తపోటును నియంత్రించడంలో కీలకపాత్ర పోషిస్తుంది. వేసవిలో అధిక ఉష్ణోగ్రత కారణంగా చెమటలు ఎక్కువగా పడతాయి. ఇది శరీర ఎలక్ట్రోలైట్ అసమతుల్యతకు దారితీస్తుంది. మెగ్నీషియం శరీరంలో ద్రవ సమతుల్యతను నియంత్రిస్తుంది. మీరు మెగ్నీషయం పొందడానికి.. డార్క్ చాక్లెట్, అవకాడో, నట్స్, సోయా, విత్తనాలు, తృణధాన్యాలు, అరటిపండు, ముదురు ఆకుపచ్చ కూరగాయలు తినాలి.
Also Read:ఈ మినరల్‌ లోపం ఉంటే.. సడెన్‌గా హార్ట్‌ ఎటాక్‌ వస్తుంది జాగ్రత్త..!
గమనిక: ఆరోగ్య నిపుణులు, అధ్యయనాల ప్రకారం ఈ వివరాలను అందించాం. ఈ కథనం కేవలం మీ అవగాహన కోసమే. ఆరోగ్యానికి సంబంధించిన ఏ చిన్న సమస్య ఉన్నా వైద్యులను సంప్రదించడమే ఉత్తమ మార్గం. గమనించగలరు.