Juice For Winters: ఈ సీజన్‌లో చలి వణుకు పుట్టిస్తుంది. దీని కారణంగా.. జలుబు, దగ్గు, ఛాతిలో ఇన్ఫెక్షన్‌ వంటి సమస్యలు ఎక్కువవుతున్నాయి. ఈ సమస్యలను నివారించడానికి, శీతాకాలంలో ఇమ్యూనిటీ పెంచుకోవడంపై దృష్టిపెట్టాలని నిపుణులు చెబుతున్నారు. శీతాకాలంలో మన రోగనిరోధక శక్తి పెంచడానికి కూరగాయల జ్యూస్‌ చాలా బాగా ఉపయోగపడుతుంది. ప్రముఖ పోషకాహార నిపుణురాలు, నమామి లైఫ్‌ వ్యవస్థాపకురాలు నమామి అగర్వాల్‌‌‌‌‌‌ ఈ కాలంలో ఎలాంటి వెజిటెబుల్‌ జ్యూస్‌ తీసుకోవాలో మనకు వివరించారు. చలికాలంలో పిల్లల నుంచి వృద్ధుల వరకు ఈ జ్యూస్‌ని తీసుకోవచ్చని నమామి అన్నారు. దీనిలో జలుబు, ఇన్ఫెక్షన్ల నుంచి రక్షించే పోషక గుణాలు ఉన్నాయని సూచించారు. మన ఇమ్యూనిటీని బూస్ట్‌ చేసే జ్యూస్‌ ఎలా తయారు చేసుకోవాలో నమామి అగర్వాల్‌ మనకు వివరించారు.

వెజిటెబుల్‌ జ్యూస్‌..

ముందుగా పసుపు, బీట్‌రూట్, క్యారెట్, అల్లం, ఉసిరికాయలను ముక్కలుగా కోసుకోవాలి. ఇప్పుడు ఈ ముక్కలను బ్లెండర్లో వేసుకుని, నీళ్లు పోసి బ్లెండ్‌ చేయండి. ఈ రసంలో మీ టేస్ట్‌కు అనుగుణంగా.. నల్ల ఉప్పు, నిమ్మరసం వేసుకుని తాగండి.

ఈ లాభాలు ఉంటాయ్..

ఈ సీజన్‌ కూరగాయల జ్యూస్‌ తాగితే.. రోగనిరోధక శక్తి పెరుగుతుంది. గట్‌ ఆరోగ్యం మెరుగుపడుతుంది. చర్మం నిగనిగలాడుతుంది.

ఉసిరి..

ఉసిరిలో విటమిన్ సీ అధికంగా ఉంటుంది. ఉసిరి రోజు మన డైట్‌లో చేర్చుకుంటే.. ఇమ్యూనిటీ పెరుగుతుంది. అలానే ఉసిరిలో యాంటీ ఇన్ఫ్లమెంటరీ గుణాలు, యాంటీ గ్లైసమిక్ గుణాలు కూడా ఉన్నాయి. దీనిలో ఫైబర్, మినరల్స్, ప్రోటీన్స్ కూడా సమృద్ధిగా ఉంటాయి. ఈ పోషకాలు మన శరీరంలో రోగనిరోధక వ్యవస్థను మెరుగుపరుస్తాయి.

బీట్‌రూట్‌..

బీట్‌రూట్‌ పోషకాలతో నిండి ఉంటుంది. దీంట్లో పొటాషియం, ఫోలేట్‌ నిల్వలూ ఎక్కువే. ఇవి నాడులు సక్రమంగా పనిచేసేలా చూస్తాయి. బీట్‌రూట్‌లోని బి, సి విటమిన్‌లు ఆరోగ్యంతోపాటు అందాన్ని కాపాడతాయి. ఈ రసం చక్కటి డిటాక్స్‌లా పనిచేస్తుంది. కడుపులోని ఆమ్లాలను క్రమబద్దీకరించి జీర్ణక్రియ సాఫీగా సాగేలా చూస్తుంది.

క్యారెట్‌..

క్యారెట్‌లో ఎ, సి, కె, బి విటమిన్లు, ఐరన్‌, క్యాల్షియం, పొటాషియంలు ఉన్నాయి. క్యారెట్‌లో ఉండే విటమిన్‌ సీ.. ఇమ్యూనిటీని పెంచుతుంది. క్యారెట్లలో కొవ్వు ఉండదు, కెలోరీలు తక్కువ. ఊబకాయం రాదు. బరువు తగ్గాలనుకునే క్యారెట్‌ మేలు చేస్తుంది.

పసుపు..

పసుపులో .. యాంటీబ్యాక్టీరియల్‌, యాంటీఫంగల్‌, యాంటీ ఇన్‌ఫ్లమేటరీ, యాంటీవైరల్‌ గుణాలుంటాయి. దీంట్లోని యాంటీఆక్సిడెంట్లు జబ్బుల బారిన పడకుండా చేస్తాయి.

గమనిక: ఆరోగ్య నిపుణులు, అధ్యయనాల ప్రకారం ఈ వివరాలను అందించాం. ఈ కథనం కేవలం మీ అవగాహన కోసమే. ఆరోగ్యానికి సంబంధించిన ఏ చిన్న సమస్య ఉన్నా వైద్యులను సంప్రదించడమే ఉత్తమ మార్గం. గమనించగలరు.



Source link

Leave a Reply

Your email address will not be published. Required fields are marked *