అల్లం.. మన కూరల్లో ఎక్కువగా వేసుకునే ఈ అల్లంలో అద్భుత గుణాలు ఉన్నాయి. దీని గొప్పదనం తెలుసు కాబట్టే విదేశీయులు సైతం దీనిని ఎక్కువగా వాడతారు. అల్లంని పచ్చిగా చాలాసార్లు వాడతాం.కానీ, ఆయుర్వేదం ప్రకారం పొడి అల్లం కూడా అద్భుతమైన వైద్య లక్షణాలని కలిగి ఉంటుంది. ఎండబెట్టిన అల్లాన్ని శొంఠి అంటారు. దీని వల్ల కలిగే ప్రయోజనాలు ఇప్పుడు చూద్దాం.

​శొంఠి..

అల్లంని ఎండబెడతారు. దీనినే శొంఠి అంటారు. ఇది మన అమ్మమ్మలు, నానమ్మలకి తెలిసే ఉంటుంది. దీనినే పొడి చేసి అమ్ముతారు. అల్లంని పొడిని చురాన్ అంటారు. దీనిని తీసుకోవడం వల్ల మన శరీరంలోని పిత్తదోషం దూరమవుతుంది. పిత్త దోషం వల్ల శరీరంలో అనేక జీర్ణ సమస్యలు, మలబద్ధకం వంటివి వస్తాయి. అందుకే వాటన్నింటికి ఈ పౌడర్ చెక్ పెడుతుంది.

Also Read : Beetroot Benefits : బీట్‌రూట్ తింటే బీపి కంట్రోల్‌లో ఉంటుందా..

​డయాబెటిస్‌కి మంచిది..

శొంఠి పొడి తీసుకోవడం వల్ల రక్తంలో చక్కెర స్థాయిలు తగ్గుతాయి. కాబట్టి షుగర్ పేషెంట్స్ దీనిని తీసుకోవడం మంచిదని చెబుతున్నారు నిపుణులు. ముఖ్యంగా పరగడపున తీసుకుంటే అధిక ప్రయోజనాలు ఉంటాయి. ఈ పౌడర్‌ని ఎలా తీసుకున్నా ప్రమాదం ఉండదు. అయితే, తీసుకునేటప్పుడు కచ్చితంగా డాక్టర్ సలహాతో తీసుకోవాలి. అదే విధంగా ఎంత మోతాదులో తీసుకోవాలో కచ్చితంగా తెలుసుకోవాలి. ఎక్కువగా తీసుకోవడం వల్ల ఔషధమైనా విషంలా మారే అవకాశం ఉంటుంది. కాబట్టి తక్కువగానే తీసుకోవాలి.

​దగ్గు, జలుబు..

శొంఠి పొడిని తీసుకోవడం వల్ల సీజన్ మారడం వల్ల వచ్చే దగ్గు, జలుబు, వంటి చాలా సమస్యలు దూరమవుతాయి. ఇందులో యాంటీ అలెర్జెన్ ఉంటుంది. అందుకే జలుబు ఉన్నప్పుడు దీనిని తీసుకోవడం మంచిది. దగ్గు మందు, మెడిసిన్ లాంటివి తీసుకోవడం కంటే ఇలా నేచురల్‌గా దగ్గు, జలుబుని దూరం చేసుకోవచ్చు. అయితే ఇవి తీసుకున్నా తగ్గకపోతే కచ్చితంగా డాక్టర్‌ని కలవాల్సిందే.

Also Read : Scarf styles : చలిలో స్కార్ఫ్‌ని ఇలా వేసుకోండి..

​బరువు తగ్గడం. .

బరువు తగ్గాలని చాలా మంది ప్రయత్నిస్తుంటారు. అలాంటి వారు ఏవేవో ప్రయత్నాలు చేస్తుంటారు. కొన్ని చిట్కాల పాటిస్తారు. అయితే, బరువు పెరగడానికి జీర్ణ సమస్యలు ముఖ్య కారణం. అల్లం పొడి తీసుకోవడం జీర్ణ సమస్యలు తగ్గుతాయి. కాబట్టి, బరువు కూడా తగ్గుతారు. శరీరంలోని కొవ్వుని కరిగించడంలో కూడా శొంఠి పౌడర్ బాగా పనిచేస్తుంది. వీటితో పాటు కాస్తా వర్కౌట్ చేయడం వల్ల అనుకున్న రిజల్ట్స్ త్వరగా కనిపిస్తాయి. కాబట్టి రెగ్యులర్‌గా ఎక్సర్‌సైజ్ కూడా చేయండి.

మార్నింగ్ సిక్‌నెస్..

సాధారణంగా కొంతమందికి మార్నింగ్ సిక్‌నెస్ ఉంటుంది. అంటే వికారం అనిపిస్తుంటుంది. ముఖ్యంగా గర్భిణీలకు. అలాంటప్పుడు శొంఠిని తేనె కలిపి తీసుకోవడం మంచిది. వికారం వంటి సమస్యలు దూరమవుతాయి. అయితే, దీనిని గర్బిణీలు తినేముందు డాక్టర్ సలహా తీసుకోవడం మంచిది. ఎందుకంటే వారికి ఈ సమయంలో కొన్ని ఆహారాలు సూట్ కావు. వాటిని తీసుకోవడం వల్ల ఏదైనా సమస్య రాకముందే డాక్టర్ సలహాతో తీసుకోవడం మంచిది.

Also Read : After Romance : శృంగారం చేస్తే తలనొప్పి వస్తుందా.. జాగ్రత్త..

​జీర్ణ సమస్యలు దూరం..

జీవక్రియను మెరుగ్గా చేయడంలో ఈ శొంఠి బాగా పనిచేస్తుంది. వయసు పెరిగేకొద్దీ, మీ బాడీ జీవక్రియ తగ్గుతుంది.ఈ సమస్య దూరమవ్వాలంటే ముందుగా మీరు ఓ టీ స్పూన్ శొంఠిని తీసుకుని ఓ గ్లాస్ గోరువెచ్చని నీటితో బాగా కలపాలి. దీనిని ఉదయాన్నే తాగితే మీ జీవక్రియ మెరుగ్గా మారుతుంది.

శొంఠి పౌడర్‌ని ఇలా తీసుకోవడం వల్ల జీర్ణ సమస్యలు తగ్గడంతో పాటు మలబద్దకం, కడుపునొప్పి దూరమవుతుంది. గ్యాస్ సమస్యలు దూరమవుతాయి. అజీర్ణంతో వచ్చే సమస్యలన్నీ దూరమవుతాయి. ఇందుకోసం అన్నం తినే 30 నిమిషాల మందు ఈ పొడిని తీసుకోవడం మంచిది.

​పీరియడ్స్ టైమ్‌లో..

పీరియడ్స్ టైమ్‌లో ఆడవారు నొప్పులతో ఇబ్బంది పడతారు. పీరియడ్స్ క్రాంప్స్‌కి శొంఠి పౌడర్ మంచి రిలీఫ్‌ని ఇస్తుందని ఆయుర్వేదం చెబుతుంది. అందుకోసం మీరు ఏం చేయాలంటే పీరియడ్స్ మొదటి రోజు నుంచే ఓ గ్రాము శొంఠి పొడిని తీసుకోవాలి. ఇలా మూడు రోజుల పాటు తీసుకోండి.

గమనిక: ఆరోగ్య నిపుణులు, అధ్యయనాల ప్రకారం ఈ వివరాలను అందించాం. ఈ కథనం కేవలం మీ అవగాహన కోసమే. ఆరోగ్యానికి సంబంధించిన ఏ చిన్న సమస్య ఉన్నా వైద్యులను సంప్రదించడమే ఉత్తమ మార్గం. గమనించగలరు.



Source link

Leave a Reply

Your email address will not be published. Required fields are marked *