న‌వ‌తెలంగాణ-హైద‌రాబాద్ : సింహాచలం ప్రమాద ఘటనపై ముఖ్యమంత్రి చంద్రబాబు నాయుడు దిగ్భ్రాంతి వ్యక్తం చేశారు. ఘటనపై అధికారులకు ఫోన్ చేసి మాట్లాడారు. సింహాచలంలో పరిస్థితిని ఎప్పటికప్పుడు సమీక్షిస్తున్నారు. ఈ మేరకు ట్విట్టర్ వేదికగా స్పందించిన ఆయన.. ప్రమాద ఘటనపై కీలక వ్యాఖ్యలు చేశారు. శ్రీ వరాహ లక్ష్మీనరసింహ స్వామి చందనోత్సవంలో గోడ కూలి ఏడుగురు భక్తులు మృతి చెందడం కలచి వేసిందని అన్నారు. భారీ వర్షాల కారణంగా గోడ కూలడంతో జరిగిన ఈ ఘటనలో మరణించిన వారి కుటుంబాలకు ప్రగాఢ సానుభూతి తెలియజేశారు.
అక్కడి పరిస్థితిపై జిల్లా కలెక్టర్, ఎస్పీతో మాట్లాడానని తెలిపారు. ఇక గాయపడిన వారికి మెరుగైన చికిత్స అందించాలని ఆదేశించారు. ఎప్పటికప్పుడు పరిస్థితిని సమీక్షిస్తున్నాను అని సీఎం రాసుకొచ్చారు.
– Advertisement –
