ఇమ్యూనిటీ పెరుగుతుంది..

Webmd ప్రకారం, డ్రై టమోటాలలో విటమిన్ సి పుష్కలంగా ఉంటుంది. విటమిన్‌ ‘సి’లో యాంటీ ఆక్సిడెంట్లు మెండుగా ఉంటాయి. ఇది తీవ్రమై ఇన్ఫెక్షన్ల నుంచి రక్షణ కల్పిస్తుంది. న్యుమోనియా, ఊపిరితిత్తుల ఇన్ఫెక్షన్లు వచ్చే ముప్పు తగ్గుతుంది. ఇమ్యూనిటీ తక్కువగా ఉన్నవారు.. విటమిన్‌ సీ తీసుకుంటే.. మంచిది. టొమాటోలో లైకోపీన్ అనే యాంటీ ఆక్సిడెంట్ ఉంటుంది. ఇది రోగనిరోధక వ్యవస్థ పనితీరును మెరుగుపరచడంలో కీలక పాత్ర పోషిస్తుంది.

హైపర్‌టెన్షన్‌ కంట్రోల్‌లో ఉంటుంది..

హైపర్‌టెన్షన్‌ కారణంగా గుండె సమస్యలు, గుండె పోటు, కిడ్నీ వ్యాధులు, గుండె పోటు వంచి సమస్యలు వచ్చే ప్రమాదం ఉంది. దీనిని సైలెంట్‌ కిల్లర్‌ అని కూడా పిలుస్తారు. డ్రై టమాటాలు హైపర్‌టెన్షన్‌ను తగ్గించడంలో సహాయపడతాయి. టమాటాలో పొటాషియం సమృద్ధిగా ఉంటుంది. పొటాషియం.. అధిక రక్తపోటను తగ్గిస్తుంది.

గుండె ఆరోగ్యానికి మంచిది..

ఒక సర్వింగ్‌ డ్రై టమాటాలు తీసుకుంటే.. రోజుకు కావలసిన.. కాల్షియంలో 6 శాతం, మెగ్నీషియం 25 శాతం అందుతుంది. ఇది గుండె ఆరోగ్యానికి మేలు చేస్తుంది. కాల్షియం ఎముకల దృఢంగా ఉండటానికి సహాయపడుతుంది.. ఇది గుండె కండరాలను కూడా బలపరుస్తుంది. మెగ్నీషియం హార్ట్‌ బీట్‌ సరిగ్గా ఉండేలా చూస్తుంది.

జీర్ణవ్యవస్థకు మంచిది..

కేవలం 100 గ్రాముల డ్రై టమాటాలో రోజువారీ సిఫార్సు చేసిన డైటరీ ఫైబర్‌లో 40 శాతం ఉంటుంది. దీనిలో కరిగే, కరగని ఫైబర్‌ రెండూ ఉంటాయి. ఇది జీర్ణవ్యవస్థను బలపరుస్తుంది. మలబద్ధకం, అజీర్తి, గ్యాస్ట్రిక్‌ వంటి సమస్యలను దూరం చేస్తుంది.

క్యాన్సర్‌కు చెక్‌..

టొమాటోలో లైకోపీన్ అనే యాంటీ ఆక్సిడెంట్ ఉంటుంది. ఇది శరీర కణాల్ని డ్యామేజ్ చేసే ఫ్రీరాడికల్స్‌తో పోరాడే శక్తి లైకోపీన్ సొంతం. ఇది ప్రోస్ట్రేట్, సర్వికల్, నోరు, గొంతు ఇలా అనేక రకాల క్యాన్సర్ ప్రమాదాలు ఇది తగ్గిస్తుంది.

గమనిక: ఆరోగ్య నిపుణులు, అధ్యయనాల ప్రకారం ఈ వివరాలను అందించాం. ఈ కథనం కేవలం మీ అవగాహన కోసమే. ఆరోగ్యానికి సంబంధించిన ఏ చిన్న సమస్య ఉన్నా వైద్యులను సంప్రదించడమే ఉత్తమ మార్గం. గమనించగలరు.