PRAKSHALANA

Best Informative Web Channel

PRAKSHALANA

కిడ్నీలో రాళ్లు ఈజీగా కరిగించే.. చిట్కాలు ఇవే..!


Kidney Stones: కిడ్నీలో స్టోన్స్‌ ఉన్న వ్యక్తుల బాధ వర్ణణాతీతం. పొత్తి కడుపులోంచి పొడుచుకొచ్చే నొప్పి. యూరిన్‌కు వెళ్లాలంటే.. మంట వేధిస్తూ ఉంటాయి. మహిళలతో పోలిస్తే.. పురుషులకు కిడ్నీలో రాళ్లు వచ్చే ప్రమాదం ఎక్కువగా ఉంటుంది. ఒక సారి కిడ్నీలో రాళ్లు వచ్చినవారు.. తగు జాగ్రత్తలు తీసుకోకపోతే మళ్లీ తిరగబెట్టొచ్చు. సుమారు 50% మందికి ఏడేళ్లలోపే ఇవి రెండోసారి పుట్టుకు వచ్చే అవకాశముంది. నీళ్లు తక్కువగా తాగడం, మాంసాహారం ఎక్కువగా తినడం, స్టిరాయిడ్‌లను ఎక్కువ మోతాదులో తీసుకోవడం, శరీరంలో విటమిన్‌ బి6, సి లోపం ఉన్నా, విటమిన్‌ డి అధికంగా ఉన్నప్పుడు, ఆల్కహాల్‌ ఎక్కువగా తాగే వారికి, కిడ్నీ ఇన్‌ఫెక్షన్స్‌ ఎక్కువగా సోకుతున్నా, ఆలస్యంగా భోజనం చేసినా.. కిడ్నీలో రాళ్లు ఏర్పడే అవకాశం ఉంది.
కిడ్నీలో కాల్షియం అక్సినేట్‌, కాల్షియం ఫాస్పేట్‌ ఇలా.. రెండు రకాల రాళ్లు ఉంటాయి. మూత్రంలో ద్రావణం, సాలిడ్‌ కంపోనెంట్‌ ఉంటుంది. సాలిడ్‌ కంపోనెంట్‌లో సోడియం, పొటాషియం, యూరిక్‌ యాసిడ్‌ కాల్షియంతో పాటు రకరకాల పదార్థాలుంటాయి. సాలిడ్‌ కంపోనెంట్‌లు మూత్రంలో కరగకుండా ఉంటే అవి చిన్న చిన్న గుళికలుగా మారుతాయి. మూత్రంలోని కొన్ని రసాయనాలు బయటకు వెళ్లకుండా లోపలే పేరుకుపోవటం వల్ల తలెత్తే స్ఫటికాలు కిడ్నీలో రాళ్లకు దారితీస్తాయి. రాళ్ల పరిమాణం, సంఖ్యను బట్టి కిడ్నీలో రాళ్లు రావడానికి చాలా వారాలు, నెలలు పట్టవచ్చు. కిడ్నీలో రాళ్లు కరగడానికి.. అనేక మందులు, చికిత్సలు అందుబాటులో ఉంటాయి. కొన్నిసార్లు కిడ్నీలో రాళ్లను తొలగించడానికి శస్త్రచికిత్స అవసరం కావచ్చు. హార్వర్డ్ హెల్త్ ప్రకారం, కొన్ని సాధారణ ఇంటి నివారణలు మూత్రపిండాల్లో రాళ్లను తొలగించడానికి/ నివారించడానికి సహాయపడతాయి. అవేంటో తెలుసుకోవాలంటే ఈ స్టోరీ చదివేయండి.

నీరు ఎక్కువగా తాగండి..

హార్వర్డ్ ప్రకారం, రోజుకు 2 నుంచి 2.5 లీటర్ల వరకు మూత్రానికి వెళ్లే వ్యక్తులలో కిడ్నీలో రాళ్లు అభివృద్ధి చెందే అవకాశం 50% తక్కువగా ఉంటుంది. నీరు ఎక్కుగా తాగితే.. రాళ్లు ఏర్పడటానికి దారితీసే పదార్థాలు పలుచగా అవుతాయి. దీంతో ఇవి మూత్రంతో పాటు తేలికగా బయటకు వచ్చేస్తాయి. రోజుకు కనీసం.. 3 నుంచి 4 లీటర్ల నీళ్లు తాగితే మంచిది. మీ డైట్‌లో ద్రవ పదార్థాలు ఎక్కువగా తీసుకోండి. తాజా పండ్ల రసాలు తాగండి.

సరిపడా కాల్షియం తీసుకోండి..

సరిపడా కాల్షియం తీసుకోండి..

మీ డైట్‌లో కాల్షియం అధికంగా ఉండే పదార్థాలు తీసుకోకపోతే.. యూరిన్‌లో ఆక్జలేట్‌ స్థాయులు పెరిగి రాళ్లు ఏర్పడొచ్చు. కాల్షియం పేగులలో ఆక్సలేట్‌ను బంధిస్తుంది, దాన్ని ఎక్కువగా గ్రహించకుండా నియంత్రిస్తుంది. కాబట్టి వయసుకు తగినట్టుగా క్యాల్షియం తీసుకునేలా చూసుకోవాలి. 0 ఏళ్లు పైబడిన మగవారికి రోజుకు 1,000 మిల్లీగ్రాముల క్యాల్షియం అవసరం. అలాగే 800-1,000 ఐయూ విటమిన్‌ డి కూడా తీసుకోవాలి. ఇది క్యాల్షియాన్ని శరీరం గ్రహించుకోవటంలో సహాయపడుతుంది.

Also Read: మీ ఎముకలు బలంగా ఉండాలంటే.. ఈ ఆహారం కచ్చితంగా తినాలి..!

నాన్‌వెజ్‌ తక్కువగా తినండి..

నాన్‌వెజ్‌ తక్కువగా తినండి..

మాంసం, చికెన్‌, గుడ్లు, సముద్ర రొయ్యలు, చేపల వంటి నాన్‌వెజ్‌ ఆహారం నుంచి వచ్చే ప్రొటీన్‌ను యానిమల్‌ ప్రొటీన్ అంటారు. ఈ ప్రోటీన్‌.. మూత్రంలో యూరిక్‌ యాసిడ్‌ మోతాలను పెంచుతుంది, దీంతో కిడ్నీలో రాళ్లకు దారి తీస్తుంది. ప్రోటీన్‌ను మరీ ఎక్కువగా తీసుకుంటే రాళ్లు ఏర్పడకుండా చూసే సిట్రేట్‌ స్థాయులు కూడా పడిపోతాయి. వీటిని దృష్టిలో ఉంచుకుని.. నాన్‌వెజ్‌ తక్కువగా తీసుకోవడం మంచిది.

ఉప్పు తగ్గించండి..

ఉప్పు తగ్గించండి..

సోడియం ఎక్కువగా తీసుకుంటే యరిన్‌లో క్యాల్షియం స్థాయులు పెరిగేలా చేస్తుంది. కాబట్టి ఉప్పు తక్కువగా తీసుకోవడం మంచిది. రోజుకు 2,300 మిల్లీగ్రాముల సోడియం తీసుకోవచ్చు. సోడియంతో కిడ్నీ రాళ్లు ఏర్పడే స్వభావం గలవారైతే రోజుకు 1,500 మిల్లీగ్రాములకు మించకుండా చూసుకోవాలి.

Also Read: వ్యాయామం చేసే ముందు.. ఉప్పు తింటే చాలా మంచిదంట..!

నిమ్మరసం తాగండి..

నిమ్మరసం తాగండి..

కిడ్నీలో రాళ్లు నివారించడానికి.. నిమ్మరసం తాగితే మంచిది. నిమ్మరసంలో ఉండే.. సిట్రిక్‌ యాసిడ్‌ కాల్షియంను బంధించి, రాళ్లు ఏర్పడకుండా చేస్తుంది. రోజుకు రెండు నిమ్మకాయల రసం తాగడం వల్ల యూరిన్ సిట్రేట్ పెరిగి మూత్రపిండాల్లో రాళ్లు ఏర్పడే ప్రమాదాన్ని తగ్గిస్తుంది.

ఆక్జలేట్‌ పదార్థాలు తీసుకోవద్దు..

ఆక్జలేట్‌ పదార్థాలు తీసుకోవద్దు..

బీట్‌రూట్‌, చాక్లెట్‌, పాలకూర వంటి ఆహారపదార్థాల్లో ఆక్జలేట్‌ అధికంగా ఉంటుంది. ఆక్జలేట్‌ కిడ్నీలో రాళ్లకు దారితీస్తుంది. కిడ్నీలో రాళ్లతో బాధపడేవారు.. వీటికి దూరంగా ఉండటం మంచిది.
గమనిక: ఆరోగ్య నిపుణులు, అధ్యయనాల ప్రకారం ఈ వివరాలను అందించాం. ఈ కథనం కేవలం మీ అవగాహన కోసమే. ఆరోగ్యానికి సంబంధించిన ఏ చిన్న సమస్య ఉన్నా వైద్యులను సంప్రదించడమే ఉత్తమ మార్గం. గమనించగలరు.



Source link

LEAVE A RESPONSE

Your email address will not be published. Required fields are marked *