ఈ కూరగాయలు తీసుకోండి..

ప్రీ డ‌యాబెటిక్స్‌.. రోజుకు రెండు రకాల కూరగాయలైనా వారి డైట్‌లో చేర్చుకోవాలని నిపుణులు సూచిస్తున్నారు. ఆ కూరగాయలలో ఫైబర్‌ అధికంగా ఉండేలా చూసుకోవాలి. మొక్కల ఆధారిత ఫైబర్ రక్తంలో చక్కెర పెరగకుండా కడుపు నిండుగా ఉంచుతుంది. కూలగాయలలో పోషఖకాలు పుష్కలంగా ఉంటాయి. మీ రోజువారీ.. ఆహారంలో అరకప్పు ఉడికించిన కూరగాయలు లేదా 1 కప్పు వెజిటబుల్ సలాడ్ తీసుకోండి. వీటిలో ఉప్పు వేసుకోకపోవడమే మంచిది.

• కారెట్
• క్యాప్సికమ్
• బ్రోకలీ
• ఆకుకూరలు
• కాలే వంటి కూరగాయలు తీసుకోండి.

ఈ కూరగాయలు తక్కువగా తీసుకోండి..

మీ ఆహారంలో బంగాళదుంపలు, చిలగడదుంపలు, మొక్కజొన్న, గుమ్మడికాయ వంటి కూరగాయలను.. తక్కువగా తీసుకోవాలని నిపుణులు చెబుతున్నారు. మీ డైట్‌లో నాలుగింట ఒక వంతు మాత్రమే తినాలి. వీటిలో కార్బోహైడ్రేట్స్‌ ఎక్కువగా ఉంటాయి. కార్బోహైడ్రేట్స్‌ రక్తంలో చక్కెర స్థాయిలను పెంచుతాయి.

ఈ పండ్లు తినండి..

పండ్లలో సహజమైన చక్కెరలు ఉంటాయి. పండ్లలో ఫైబర్, విటమిన్లు, మినరల్స్‌ పుష్కలంగా ఉంటాయి. ఈ పోషకాలు ఆరోగ్యానికి మేలు చేస్తాయి. రక్తంలో చక్కెర స్థాయిలు కంట్రోల్‌లో ఉంటాయి. రోజుకు రెండు నుంచి మూడు సర్వింగ్స్‌ పండ్లు తీసుకోండి. మీ డైట్‌లో బెర్రీ, కివి, పుచ్చకాయ, సిట్రస్‌ పండ్లు, అవకాడో తీసుకోండి. (image source – pixabay)

తృణధాన్యాలు తీసుకోండి..

ప్రీ డ‌యాబెటిక్స్‌ ప్రాసెస్‌ చేసిన ఆహార పదార్థాలకు దూరంగా ఉండాలని నిపుణులు సూచిస్తున్నారు. మీ ఆహారంలో తృణధాన్యాలు చేర్చుకోండి. తృణధాన్యాలలో ఫైబర్‌, ఇతర పోషకాలు సమృద్ధిగా ఉంటాయి. ఫైబర్‌ రక్తంలో చక్కెర స్థాయిలను కంట్రోల్‌లో ఉంచుతుంది. మీ డైట్‌లో ఓట్స్,బ్రౌన్ రైస్, ఓల్‌ వీట్‌, క్వినోవా, రెడ్‌ రైస్‌ తీసుకోండి.

నట్స్‌, విత్తనాలు తీసుకోవచ్చా..?

నట్స్‌, విత్తనాలలో ఆరోగ్యకరమైన ఫ్యాట్స్‌ ఎక్కువగా ఉంటాయి. వీటిలో క్యాలరీలు కూడా ఎక్కువగా ఉంటాయి. ప్రీ డయాబెటిక్స్‌ నట్స్‌, విత్తనాలు మితంగా తీసుకోవాలని నిపుణులు సూచిస్తున్నారు. మీ ఆహారంలో వాల్‌నట్స్‌, పిస్తా, వేరుశెనగ, పొద్దుతిరుగుడు విత్తనాలు, జీడిపప్పు, బాదం తీసుకోండి.

ప్రొటీన్‌ ఆహారం తీసుకోండి..

మీ ఆహారంలో ప్రొటీన్‌ ఎక్కువగా చేర్చుకుంటే.. రక్తంలో చక్కెర స్థాయిలు కంట్రోల్‌లో ఉంటాయి. ప్రోటీన్‌లు.. కార్బోహైడ్రేట్లు రక్తప్రవాహంలోకి నెమ్మదిగా వెళ్లేలా సహాయపడతాయి. మీకు డయాబెటిస్‌ రాకుండా ఉండాలంటే.. ప్యాటీ ఫిష్‌, సీఫుడ్, బీన్స్, పప్పులు. మొక్కల ఆధారిత ప్రోటీన్, గుడ్డు, తక్కువ కొవ్వు ఉన్నపాలు, లీన్‌ మాంసాలు తీసుకోండి.

గమనిక: ఆరోగ్య నిపుణులు, అధ్యయనాల ప్రకారం ఈ వివరాలను అందించాం. ఈ కథనం కేవలం మీ అవగాహన కోసమే. ఆరోగ్యానికి సంబంధించిన ఏ చిన్న సమస్య ఉన్నా వైద్యులను సంప్రదించడమే ఉత్తమ మార్గం. గమనించగలరు.