పెరుగు..
పెరుగులో లాక్టోబాసిల్లస్, అసిడోఫిలస్‌, బైఫిడస్ వంటి బ్యాక్టీరియాలు ఉంటాయి. ఇవి జీర్ణక్రియకు సహాయపడతాయి. దీన్ని ఆహారంలో భాగం చేసుకుంటే జీర్ణక్రియ సాఫీగా జరిగి, ఉదర సంబంధిత సమస్యలను నయం అవుతాయి. గ్యాస్, కడుపు ఉబ్బరాన్ని తగ్గిస్తాయి. భోజనం తర్వాత పెరుగు తింటే.. పొట్ట ఆరోగ్యంగా ఉంటుంది. పెరుగు జీర్ణ ప్రక్రియను వృద్ధి చేసి మలబద్ధకాన్ని దూరం చేస్తుంది. (image source – pixabay)
పచ్చకాయ..
వేసవికాలంలో పచ్చకాయలు ఎక్కువగా దొరుకుతాయి. పుచ్చకాయలో 92% నీరు ఉంటుంది. ఈ సీజన్‌లో పుచ్చకాయ తరచుగా తీసుకుంటే.. డీహైడ్రేషన్‌ సమస్య దూరం అవుతుంది. పుచ్చకాయలో ఉండే పొటాషియం ఉబ్బరం, గ్యాస్ సమస్యలను నివారిస్తుంది.
పసుపు..
పసుపు అన్ని జీర్ణ సమస్యలకు గొప్ప ఔషధంలా పనిచేస్తుంది. ఇది పిత్త రసం ఉత్పత్తిని పెంచుతుంది. కొవ్వులను బాగా జీర్ణం చేయడానికి సహాయపడుతుంది. పసుపులో యాంటీ ఇన్ఫ్లమేటరీ గుణాలు ఉంటాయి. ఇవి వాపును తగ్గించడంలో సహాయపడతాయి. ఈ కాలంలో మీ వంటల్లో పసుపు చేర్చుకోండి.
పాలకూర..
పాలకూరలో నీటిలో కరగని ఫైబర్ మెండుగా ఉంటుంది. ఇది జీర్ణవ్యవస్థను శుభ్రంగా ఉంచడంలో సహాయపడుతుంది. గ్యాస్ అపానవాయువును తగ్గిస్తుంది. ఈ సీజన్‌లో పాలకూర ఎక్కువగా తీసుకోవాలని నిపుణులు సూచిస్తున్నారు. అయితే, పాలకూర పచ్చిగా తింటే.. అజీర్తికి దారి తీస్తుంది.
అనాసపండు..
అనసపండులో 85% నీరు ఉంటుంది. దీనిలో బ్రోమెలైన్ అని పిలిచే.. జీర్ణ ఎంజైమ్‌లు ఉంటాయి. జీర్ణవ్యవస్థను శుభ్రంగా, లూబ్రికేట్‌గా ఉంచుతుంది. పైనాపిల్‌లో ఫైబర్ పుష్కలంగా ఉంటుంది. జీర్ణక్రియ సజావుగా సాగటానికి, మలబద్ధకం దరిజేరకుండా ఉండటానికి సహాయపడుతుంది. ఈ సీజన్‌లో అనాసపండు తరచుగా తీసుకుంటే.. . కడుపుబ్బరం, అజీర్ణం వంటి సమస్యలూ దూరమవుతాయి.
నిమ్మకాయ..
కడుపు సమస్యలను నివారించడానికి నిమ్మకాయ ఎఫెక్టివ్‌గా పనిచేస్తుంది. వేసవి కాలంలో వేధించే ఎసిడిటీ, కడుపు ఉబ్బరం వంటి సమస్యలను ఇది దూరం చేస్తుంది. నిమ్మరసం.. పేగులను శుభ్రం చేస్తుంది. జీర్ణక్రియ మెరుగ్గా జరిగేలా సహాయపడుతుంది.
సోంపు గింజలు..
సోంపు గింజలలో ఉండే నూనెలు జీర్ణక్రియను ప్రోత్సహించడంలో సహాయపడతాయి. గ్యాస్, అపానవాయువు, కడుపు ఉబ్బరం వంటి సమస్యలు రాకుండా చేస్తాయి. భోజనం తర్వాత సోపు గింజలను నమలడం మంచిది. (Image source – pixabay)
కీరా..
కీరాలో సిలికా, విటమిన్ సి అధిక మొత్తంలో ఉంటాయి. ఈ రెండు పోషాకలు నీరు నిలుపుదలని నివారిస్తాయి. కడుపు ఉబ్బరాన్ని దూరం చేస్తాయి. కీర దోసలోని పోషకాలు పేగుల పనితీరు మెరుగుపరచి, జీర్ణసమస్యలను పరిష్కరిస్తుంది. కీరాలో ఫైబర్ మెండుగా ఉంటుంది. ఇది జీర్ణశక్తిని పెంచుతుంది.
గమనిక: ఆరోగ్య నిపుణులు, అధ్యయనాల ప్రకారం ఈ వివరాలను అందించాం. ఈ కథనం కేవలం మీ అవగాహన కోసమే. ఆరోగ్యానికి సంబంధించిన ఏ చిన్న సమస్య ఉన్నా వైద్యులను సంప్రదించడమే ఉత్తమ మార్గం. గమనించగలరు.
