Ashada Masam 2022 : హిందూ పంచాంగం ప్రకారం, తెలుగు నెలల్లోని ఆషాఢ మాసానికి ఎంతో ప్రాధాన్యత ఉంది. ఆషాఢ మాసంలో కొత్తగా పెళ్లైన వధువులు పుట్టింటికి కచ్చితంగా వెళ్తుంటారు. అంతేకాదు భార్యభర్తలు కలవకుండా జాగ్రత్త పడతారు. అదే విధంగా అత్తాకోడళ్లు కూడా ఈ మాసంలో కలవకుండా ఉండాలని పెద్దలు చెబుతారు. ఈ నెలలో ఎలాంటి శుభకార్యాలను కూడా చేయకూడదని పండితులు చెబుతుంటారు. అయితే ఆషాఢమాసానికి ఆధ్యాత్మిక పరంగా ఎంతో ప్రాధాన్యత ఉంది. దేవతలను పూజించడానికి ఈ మాసం ఎంతో పవిత్రమైనది. అందుకే ఆషాఢంలో ఆలయాలన్నీ ప్రత్యేక పూజలతో, కోట్లాది మంది భక్తులతో కిక్కిరిసిపోతాయి. పూజారులు కూడా పూజా కార్యక్రమాల్లో బిజీ అయిపోతారు. ఈ కారణం వల్ల వివాహం జరిపించడానికి సమయం ఉండదు. ఈ కారణం వల్లే ఆషాఢంలో వివాహాలు జరిపించరు.

పురాణాల ప్రకారం, ఆషాఢ మాసంలో శ్రీ మహా విష్ణువు నిద్రలోకి వెళ్లిపోతాడని, ఈ సమయంలో వివాహం చేసుకున్న వారికి విష్ణువు ఆశీస్సులు లభించవని నమ్ముతారు.

Vastu Tips : శ్రావణంలో ఈ మొక్కలతో పూజిస్తే పరమేశ్వరుని ఆశీస్సులు లభిస్తాయట…
ఇక అసలు విషయానికొస్తే.. ఆషాఢ మాసంలో కొత్త జంటలు, కొత్త కోడలు అత్తమ్మ ముఖాన్ని అస్సలు చూడకూడదు అంటారు. ఈ సమయంలో కొత్త వధువును కచ్చితంగా పుట్టింటికి పంపుతారు. భార్యభర్తలు ఈ మాసంలో కలయికలో పాల్గొని గర్భం దాలిస్తే వేసవిలో డెలివరీ జరుగుతుంది. ఈ కాలంలో తల్లీ,బిడ్డలకు అనారోగ్య సమస్యలు, రోగాలు వస్తాయనే కారణంతో ఈ నెలలో కొత్త జంటలు కలవకూడదనే ఆచారాన్ని తీసుకొచ్చారు.

వేసవికాలంలో కొత్త వధువుకు అత్తగారింట్లో అసౌకర్యంగా ఉండటం వల్ల అత్తాకోడళ్ల మధ్య గొడవలు వచ్చే అవకాశం ఉన్నందున ఈ మాసంలో కొత్త పెళ్లికూతురిని పుట్టింటికి పంపుతారు.

ఆషాఢ మాసంలో వర్షాలు అధికంగా కురుస్తాయి. ఈ నెలలో తొలకరి చినుకులు పడి, వ్యవసాయానికి సమయం అనుకూలంగా ఉంటుంది. ఈ కాలంలో అన్నదాతలు కష్టపడితేనే మనకు ఆహారం దొరుకుతుంది. అయితే ఈ కాలంలో కొత్త పెళ్లికొడుకు తన భాగస్వామి మీద మోజుతో వ్యవసాయ పనులకు దూరమయ్యే అవకాశం ఉంది. అందుకే ఈ మాసంలో కొత్త వధువును కచ్చితంగా పుట్టింటికి పంపుతారని పెద్దలు చెబుతారు.



Source link

Leave a Reply

Your email address will not be published.