మనం నివసించే భూ లోకమంతటికీ వెలుగు పంచే వేయి కిరణాల కంటే ఎక్కువ శక్తి కలవాడే సూర్యుడు. సూర్యభగవానుడి ఆశీస్సులు లేకుంటే మనం చీకట్లోనే ఉండిపోవాల్సి వస్తుంది. ఇదిలా ఉండగా.. హిందూ మత విశ్వాసాల ప్రకారం, వారంలోని ఏడు రోజులు ఏదో ఒక దేవునికి అంకితమవ్వబడింది. అందుకే ఆదివారం రోజున గొప్ప మహిమలు ఉన్న సూర్య దేవుడికి ఆదివారం అంకితమివ్వబడింది. వీటన్నింటి సంగతి పక్కనబెడితే.. జ్యోతిష్యశాస్త్రం ప్రకారం, నవ గ్రహాలలో సూర్యుడిని రాజుగా పరిగణిస్తారు. ఎవరి జాతకంలో అయితే సూర్యుని స్థానం బలంగా ఉంటుందో వారు ఏ పని చేసినా విజయం సాధిస్తారు. ఎలాంటి ప్రయత్నంలోనైనా కచ్చితంగా సక్సెస్ అవుతారు. అయితే కొందరి జాతకంలో సూర్యుడి స్థానం బలహీనంగా ఉంటుంది. అలాంటి వారు ఏ పని చేసినా.. ఎంత కష్టపడినా ఆశించిన ఫలితం రాకుండా పోతుంది. అలాంటి వ్యక్తులు చింతించాల్సిన పనిలేదు. ఈ నేపథ్యంలో సూర్య భగవానుడి ఆశీస్సులో కోసం ఆదివారం రోజున కొన్ని పరిహారాలను కచ్చితంగా పాటించండి.. మీ పనులను విజయవంతంగా పూర్తి చేయండి. ఈ సందర్భంగా భానుడి అనుగ్రహం కోసం ఎలాంటి పరిహారాలు పాటించాలనే ఆసక్తికరమైన విషయాలను ఇప్పుడు తెలుసుకుందాం…

​​రాగి పాత్రలో..

సూర్య భగవానుడిని ప్రసన్నం చేసుకోవడానికి ప్రత్యేకమైన రోజంటూ అవసరం లేదు. అయితే ఆదివారం రోజున భానుడికి అంకితమిచ్చిన రోజు కాబట్టి, ఈ పవిత్రమైన రోజున సూర్యుడిని ఆరాధించడం వల్ల అనేక ప్రయోజనాలు కలుగుతాయి. ప్రతి ఆదివారం రాగి పాత్రలో అన్నం, కొన్ని ఎర్ర మిరపకాయలు, ఎర్రని రంగులో ఉండే పువ్వులను నీటితో కలిపి సూర్యదేవునికి అర్ఘ్యం సమర్పించాలి. ఇలా చేయడం వల్ల మీకు శుభ ఫలితాలొస్తాయి.

Most Angry Zodiac Sign : ఈ 5 రాశుల వారికి కోపం వస్తే ఆపడం కష్టమే..!

​ఇవి దానం చేయండి..

సూర్యుడి స్థానం మీ జాతకంలో బలపడాలంటే ఆదివారం రోజున రాగి వస్తువులు, ఎర్రని దుస్తులు, గోధుమలు, బెల్లం, ఎర్రచందనం వంటివి పేదలకు దానం చేయండి. అలాగే స్నానం చేయకుండా సూర్య భగవానుడికి ఎప్పటికీ నీటిని సమర్పించకూడదని గుర్తుంచుకోండి.

​వీటికి దూరంగా ఉండాలి..

ఎవరి జాతకంలో అయితే సూర్యుడి స్థానం బలహీనంగా ఉంటుందో వారు ఆదివారం రోజున నూనె మరియు ఉప్పుకు వీలైనంత దూరంగా ఉండాలి. ఎందుకంటే ఉప్పు తినడం వల్ల సూర్య భగవానుడికి కోపం వస్తుంది. అలాగే ఆహారాన్ని కూడా ఒకసారి మాత్రమే తీసుకోవాలి. ఎవ్వరినీ తిట్టడం వంటివి చేయకూడదు. అబద్ధాలు కూడా చెప్పకూడదు.

​సూర్య మంత్రాలను..

ప్రతి ఆదివారం రోజున సూర్య పురాణాలను పఠించండి. అదే సమయంలో ఈ మంత్రాలతో సూర్యదేవుడిని పూజించాలి.

‘ఓం సూర్యాయ నమః’

‘ఓం హ్రీం హ్రీం సూర్యాయ నమః’

‘ఓం ఘృణి సూర్యాదిత్యోం’

‘ఓం హ్రాన్ హ్రీం హ్రౌన్స్ : సూర్యా నమః’

అయితే సూర్యుడి ఆరాధన ఎల్లప్పుడూ ఉదయమే చేయాలని గుర్తుంచుకోండి.

సూర్య పురాణాన్ని లేదా మంత్రాలను సైతం ఉదయం మాత్రమే పఠించాలి.

ఎట్టి పరిస్థితుల్లో మధ్యా్హ్నం, సాయంత్రం, చీకటి పడ్డాక చేయకండి.

​ఉపవాసం ఉండాలి..

ఆదివారం రోజున ఉపవాసం ఉండటం వల్ల సూర్యుని అనుగ్రహం లభిస్తుందని పెద్దలు చెబుతారు. మీ కోరికలన్నీ నెరవేరుతాయి. ఈరోజున ఉపవాసం ఉండటం వల్ల చర్మం మరియు కంటి రుగ్మతలను కూడా తగ్గిపోతాయి. ఏ మాసంలో అయినా శుక్ల పక్షంలో తొలి ఆదివారం నుండి ఉపవాసాన్ని ప్రారంభించి ఒక ఏడాది పాటు లేదా 21 ఆదివారాలు లేదా 51 ఆదివారాలు ఉపవాసం ఉండండి. ఇలా చేయడం వల్ల సూర్యుని అనుగ్రహం లభిస్తుందని, అత్యుత్తమ ఫలితాలొస్తాయని శాస్త్రాల్లో పేర్కొనబడింది.



Source link

Leave a Reply

Your email address will not be published.