Numerology Study in Telugu : జ్యోతిష్యశాస్త్రం మాదిరిగానే సంఖ్యాశాస్త్రం కూడా మన జీవితంపై చాలా ప్రభావం చూపుతుందని చాలా మంది నమ్ముతారు. మనం పుట్టిన సమయం, తేదీ, వారాన్ని బట్టి మన జాతకం అనేది నిర్ణయించబడుతుంది. దీన్ని బట్టే మనకు పేర్లను కూడా నిర్ణయిస్తారు. ఇదిలా ఉండగా.. సంఖ్యాశాస్త్రం ప్రకారం కొన్ని తేదీల్లో పుట్టినవారు అద్భుతమైన మేధస్సు, తెలివితేటలు కలిగి ఉంటారు. అందరికంటే ప్రత్యేకంగా ఆలోచిస్తారు. ప్రతి నలుగురిలోనూ వారు ప్రత్యేకంగా కనిపిస్తూ ఉంటారు. అంతేకాదు వీరు విభిన్నమైన లక్షణాలతో ప్రతి ఒక్కరినీ ఆకట్టుకుంటారు. ఈ సందర్భంగా సంఖ్యాశాస్త్రం ప్రకారం 1వ నెంబర్లో పుట్టిన వారి జాతకం ఎలా ఉంటుంది.. వీరికి ఎలాంటి లక్షణాలు ఉంటాయి.. వీరు జీవితంలో సక్సెస్ సాధిస్తారా? లేదా అనే ఆసక్తికరమైన విషయాలను ఇప్పుడు తెలుసుకుందాం…

ఎలా లెక్కించాలంటే..
సంఖ్యాశాస్త్రం ప్రకారం, మీ పుట్టిన రోజులోని అంకెలన్నింటినీ కలపగా చివరగా ఒక అంకె వస్తుంది. అది 0 నుండి 9 మధ్యలో ఉంటుంది. ఉదాహరణకు మీరు 18వ తేదీ పుట్టారనుకుంటే.. 1+8=9, ఒకవేళ మీరు 19వ తేదీ పుడితే.. 1+9=10=1+0=1 అవుతుంది. ఇలా చివర వచ్చే అంకెను బట్టి మీ వివరాలను తెలుసుకోవచ్చు. సంఖ్యాశాస్త్రం ప్రకారం, 1, 19, 28,10వ తేదీల్లో పుట్టిన వారందరికీ ఒకటో సంఖ్యే వస్తుంది. ఈ నేపథ్యంలో ఒకటో నెంబర్లో పుట్టిన వారికి సంబంధించిన వివరాలను ఇప్పుడు తెలుసుకుందాం..

Weekly Horoscope : ఈ వారం ఈ రాశుల వారు శత్రువులను ఓడిస్తారు…!

1)
తమ పుట్టినరోజు ప్రకారం, ఎవరికైతే ఒకటో నెంబరు వస్తుందో వారు జీవితంలో చాలా విషయాల్లో అందరి కంటే ముందంజలో ఉంటారు. వీరు ఎలాంటి క్లిష్ణ పరిస్థితులనైనా సులభంగా ఎదుర్కొంటారు. వీరికి ధైర్యం కూడా చాలా ఎక్కువగా ఉంటుంది. వీరు సున్నితమైన స్వభావాన్ని కలిగి ఉంటారు. వీరు మాటతీరుతో ఇతరులను సులభంగా ఆకట్టుకుంటారు. వీరి నైపుణ్యంతో తమ అభిప్రాయాలతో అందరూ ఏకీభవించేలా చేయడంలో సక్సెస్ సాధిస్తారు.

ఈ సంఖ్యలో పుట్టిన వారు బిజినెస్ రంగంలో బాగా రాణిస్తారు. వీరి పనితీరు, పంక్చువాలిటీ వల్ల వీరు ఎల్లప్పుడూ వెనుకడుగు అనేదే వేయకుండా ముందడుగు వేస్తూ ఉంటారు. అందరికీ ఆదర్శంగా నిలుస్తారు. వీరు పనులను ఎప్పటికీ పెండింగులో ఉంచరు. సకాలంలో తమ పనులను పూర్తి చేసేస్తారు.

వీరి సామర్థ్యం, నైపుణ్యాల వల్ల ఎల్లప్పుడూ ఉన్నత స్థానంలో నిలుస్తారు. ముఖ్యంగా రాజకీయ రంగంలో కూడా అద్భుతంగా రాణిస్తారు. ఇక ఆర్థిక పరమైన విషయానికొస్తే.. అందరికంటే వీరు అదనంగా సంపాదిస్తూ ఉంటారు. వీరికి ధనలక్ష్మీ కటాక్షం ఎల్లప్పుడూ ఉంటుంది. దీంతో వీరికి డబ్బు కొరత అనేదే ఉండదు.

ఒకటో తేదీలో పుట్టిన వారికి ఆదివారం, సోమవారం శుభదినాలుగా పరిగణిస్తారు. ఈరోజుల్లో వీరు ఏ పని చేసినా కచ్చితంగా విజయం సాధిస్తారు. అసలు ఓటమి అనేదే ఉండదు. వీరు పసుపు రంగు వస్త్రాలను ధరిస్తే.. శుభ ఫలితాలొస్తాయి.

గమనిక : ఇక్కడ ఇచ్చిన సమాచారం ఇంటర్నెట్లో అందుబాటులో ఉన్నది మరియు ఊహాలపై ఆధారపడి ఉంటుంది. ఈ సమాచారం ప్రజల నమ్మకం, ఆసక్తి దృష్ట్యా ఇవ్వబడింది. దీనికి సంబంధించి ఎలాంటి శాస్త్రీయత లేదని మేము భావిస్తున్నాం. కాబట్టి దీన్ని పరిగణనలోకి తీసుకునే ముందు సంబంధిత నిపుణులను సంప్రదించి తుది నిర్ణయం తీసుకోగలరు.



Source link

Leave a Reply

Your email address will not be published.