Rahu effects : జ్యోతిష్యశాస్త్రం ప్రకారం, రాహువును చెడుగా భావిస్తారు. జాతకంలో రాహువు ప్రభావం ఉంటే మనకు ప్రతికూల ఫలితాలొస్తాయని, మనం ఎంత కష్టపడినా సక్సెస్ రాకుండా పోతుందని, సమస్యలు ఎక్కువగా పెరుగుతాయని చాలా మంది నమ్ముతారు. ఇదిలా ఉండగా రాహువు వల్ల కొన్ని లాభాలు కూడా ఉన్నాయి. రాహువు కొన్ని గ్రహాలతో కలయిక జరిపిన సమయంలో శుభ ఫలితాలు కూడా వస్తాయట. అంతేకాదు కొందరు వ్యక్తులకు ఆర్థిక పరంగా అద్భుతమైన ప్రయోజనాలు దక్కే అవకాశం ఉందట. ఈ సందర్భంగా రాహువు ఏ గ్రహంతో కలిస్తే లాభదాయకంగా ఉంటుంది.. ఎవరికి మంచి ఫలితాలు రానున్నాయనే ఆసక్తికరమైన విశేషాలను ఇప్పుడు తెలుసుకుందాం…

​బుధునితో రాహువు కలయిక..

జ్యోతిష్యశాస్త్రం ప్రకారం, బుధుడిని మేధస్సు, తెలివితేటలకు ప్రతీకగా పరిగణిస్తారు. ఈ నేపథ్యంలోనే బుధుడితో రాహువు కలిస్తే కొన్ని శుభ ఫలితాలొస్తాయి. ఈ సమయంలో మీ తెలివితేటలు పెరిగే అవకాశం ఉంది. ఈ కాలంలో మీరు కొన్ని విషయాలను నేర్చుకుంటారు. సాంకేతిక రంగాల్లో కూడా మీరు విజయం సాధిస్తారు. అంతేకాదు మీ మాటతీరు కారణంగా ఇతరులను సులభంగా ఆకట్టుకుంటారు.

Vastu Tips for North East : ఈశాన్యంలో పొరపాటున కూడా ఇవి ఉంచొద్దు.. వీటిని ఉంచడం అస్సలు మరచిపోవద్దు..

​రాహువు-గురుడు సంయోగం..

నవ గ్రహాలలో గురుడికి ఎంతో ప్రాధాన్యత ఉంది. రాహువు, గురుడి కలయిక జరిగిన సమయంలో కూడా శుభ ఫలితాలొస్తాయి. ఈ సమయంలో మీకు ఆధ్యాత్మిక విషయాలపై ఆసక్తి పెరుగుతుంది. రాజకీయ రంగాల్లో ఉండే వారికి మెరుగైన ఫలితాలొస్తాయి. అదే విధంగా రాహువు శుక్రునితో కలిసినప్పుడు కళా రంగంలో ఉండే వారు అద్భుతంగా రాణిస్తారు. వీరు చాలా మందిని సులభంగా ఆకర్షిస్తారు.

​సూర్యచంద్రులతో రాహువు కలయిక..

సూర్యుడు లేదా చంద్రుడు రాహువుతో కలిసినప్పుడు గ్రహణాలు ఏర్పడతాయి. ఈ సమయంలో సాధారణంగా ప్రతికూల ఫలితాలొస్తాయి. అయితే కొందరు వ్యక్తులకు మాత్రం రాహువు ప్రభావం వల్ల అద్భుతమైన ప్రయోజనం దక్కుతుంది. మీరు కోరుకున్న ఉద్యోగాలు పొందొచ్చు. రాహువు చంద్రునితో కలిసినప్పుడు వ్యాపార రంగంలో ఉండే వారు బాగా రాణిస్తారు. అదే విధంగా సూర్యునితో రాహువు కలయిక జరిగినప్పుడు మీకు సానుకూల ఫలితాలొస్తాయి.

​ఈ స్థానాల్లో రాహువు ఉంటే..

మీ జాతకంలో రాహువు స్థానం మూడు, ఐదు, ఆరు, తొమ్మిదో స్థానంలో ఉంటే మీకు కచ్చితంగా శుభ ఫలితాలొస్తాయి. మీ కుటుంబ జీవితంలో విజయం సాధిస్తారు. ముఖ్యంగా మూడో స్థానంలో ఉన్నప్పుడు మీరు క్షేత్రంలో విజయం సాధిస్తారు. ఎలాంటి క్లిష్ట పరిస్థితులు ఎదురైనా వెనుకడుగు అనేదే వేయరు. మీరు ఊహించిన మేరకు ఫలితాలొస్తాయి.

Numerology Study in Telugu : ఈ తేదీలో పుట్టినవారికి తిరుగే ఉండదట… ఎక్కువ డబ్బు సంపాదిస్తారట..!

​ధనవంతులుగా..

రాహువు ఐదో స్థానంలో ఉంటే, మీరు అతి తక్కువ సమయంలో ధనవంతులయ్యే అవకాశం పుష్కలంగా ఉంటుంది. అదే విధంగా ఆరో స్థానంలో ఉంటే మీరు శత్రువులపై విజయం సాధిస్తారు. ఈ సమయంలో మీరు చాలా ధైర్యంగా ఉంటారు. అంతేకాదు శత్రువులెవరు, మిత్రులు ఎవరనే విషయాలను సులభంగా గుర్తించగలరు.

​తొమ్మిదో స్థానంలో..

రాహువు తొమ్మిదో స్థానంలో ఉండే వారికి డబ్బుకు అసలు లోటు అనేదే ఉండదు. అంతేకాదు మీకు పిల్లల వైపు నుండి కొన్ని శుభవార్తలు వినిపిస్తాయి.

చూశారు కదా.. రాహువు పేరు చెప్పగానే భయపడకండి.. రాహువుతోనూ కొన్ని ప్రయోజనాలున్నాయని గుర్తుంచుకోండి. ముందుగా రాహువు ఏ స్థానంలో ఉన్నారో చూడండి..



Source link

Leave a Reply

Your email address will not be published.