Most Stubborn Zodiac Sign : జ్యోతిష్యశాస్త్రం ప్రకారం, ద్వాదశ రాశుల వ్యక్తుల్లో ఒక్కో రాశి వారు ఒక్కోలా ప్రవర్తిస్తూ ఉంటారు. కొందరేమో చాలా చురుగ్గా ఉంటారు. మరి కొన్ని రాశుల వ్యక్తులు ప్రశాంతంగా ఉంటారు. ఇంకా కొందరైతే చాలా దూకుడుగా, ధైర్యంగా ఉండి సాహాసాలు చేస్తుంటారు. అదే విధంగా కొందరు మొండిగా ప్రవర్తిస్తూ ఉంటారు. కొన్ని విషయాల్లో వీరు జగమొండిగా వ్యవహరిస్తారు. చాలా సందర్భాల్లో తాము చెప్పిందే కరెక్ట్ అని.. తమ అభిప్రాయాలే వంద శాతం పర్ఫెక్ట్ అనే భ్రమలో ఉండటమే కాదు.. అదే సరైనదని ఇతరులను నమ్మించే ప్రయత్నం చేస్తారు. ఇంకా కొందరైతే చాలా క్రూరంగా వ్యవహరిస్తారు. ఏ విషయంలోనూ రాజీ అనేదే పెట్టుకోరు. తాము ప్రతి ఒక్క ప్రయత్నంలోనూ విజయం సాధించాలని ఆశపడుతూ ఉంటారు. ఈ సందర్భంగా అలా మొండి పట్టుదల గల రాశిచక్రాల వారెవరో ఇప్పుడే చూసెయ్యండి…

​మేష రాశి..

ఈ రాశి వారికి అంగారకుడు అధిపతిగా ఉంటాడు. కుజుడి ప్రభావంతో వీరు కొన్ని విషయాల్లో చాలా భయంకరంగా ఉంటారు. అంతేకాదు వీరికి ఆధిపత్యం చెలాయించే స్వభావం ఎక్కువగా ఉంటుంది. వీరు ఎవ్వరి మాటను వినరు. కనీసం పెద్దల మాట కూడా లెక్క చేయరు. వీరు ఏదైనా నిర్ణయం తీసుకుంటే అస్సలు వెనుకడుగు వేయరు. ఎదుటి వ్యక్తులు బాధపడుతున్నా కూడా ఏ మాత్రం పట్టించుకోరు. తాము వెళ్లే మార్గమే సరైనదని భావిస్తారు. అంతేకాదు కొన్ని సందర్భాల్లో వీరు చాలా క్రూరంగా ప్రవర్తిస్తారు. అందుకే వీరిని జగమొండి వ్యక్తులుగా చెప్పొచ్చు.

Rahu effects : రాహువు ఈ గ్రహాలతో కలిస్తే ధన యోగం.. త్వరగా కోటీశ్వరులవుతారట…

​వృషభ రాశి..

ఈ రాశి వారు అభిప్రాయాలను అస్సలు మార్చుకోరు. చాలా సందర్భాల్లో తమ అభిప్రాయం తప్పు అని తెలిసినా నిర్ణయాన్ని మాత్రం మార్చుకోరు. తాము చెప్పిందే కరెక్ట్ అని అదే కొనసాగించాలని చెబుతూ ఉంటారు. చాలా విషయాల్లో వీరు మొండిగా వ్యవహరిస్తూ ఉంటారు. అందుకే వీరిపై చాలా మందికి వ్యతిరేకత పెరుగుతుంది. అయితే వీరికి ఉన్న మొండితనం వల్ల కొన్ని సందర్భాల్లో మంచే జరుగుతుంది. వీరు తమ లక్ష్యాలను కూడా చేరుకోగలుగుతారు.

​కన్య రాశి..

ఈ రాశి వారు ఏదైనా పొరపాటు చేసినప్పుడు, దాని గురించి వీరికి ఎవరైనా చెబితే, వారి మాటను అస్సలు లెక్కచేయరు. వీరి మొండితనం వల్ల వీరు చెప్పిందే కరెక్ట్ అని, అంతా తమకే తెలుసనే ధోరణితో వ్యవహరిస్తూ ఉంటారు. అంతేకాదు తమ అభిప్రాయాలు వంద శాతం కరెక్ట్ అని, వాటిని ఇతరులు కూడా నమ్మాలని పట్టుబడతారు. ఈ కారణాలతోనే ఈ రాశి వారితో కలవడానికి ఎవ్వరూ ఇష్టపడరు.

​మకర రాశి..

ఈ రాశి వారు ఏదైనా తప్పు చేసినప్పుడు, దాన్ని అస్సలు ఒప్పుకోరు. అంతేకాదు చివరి దాకా ఆ తప్పును కరెక్ట్ అని చెప్పేందుకే ప్రయత్నిస్తూ ఉంటారు. అంతేకాదు వీరు చాలా స్వార్థపూరితంగా ఉంటారు. అయితే వీరికి ఆత్మవిశ్వాసం ఎక్కువగా ఉంటుంది. వీరు చాలా విషయాలను స్వతహాగా నేర్చుకుంటారు. వీరు ఇతరులను విమర్శించకుండా పరిస్థితులను అర్థం చేసుకునేందుకు ప్రయత్నిస్తారు.

​కుంభ రాశి..

ఈ రాశి వారు ఏదైనా విషయంలో ఎదుటి వ్యక్తులు సావధానంగా వింటారు. కానీ తమ అభిప్రాయం ఏదైతే ఉంటుందో దానికే ప్రాధాన్యత ఇస్తారు. వీరు ఏదైతే ఆలోచిస్తారో.. ఏమి చేయాలనుకుంటారో దాన్నే గుడ్డిగా, మొండిగా చేసుకుంటూ పోతారు. అది తప్పా, ఒప్పా అనేది అస్సలు ఆలోచించరు. తాము తీసుకన్న నిర్ణయమే ఉత్తమమైనదని నమ్ముతారు. వీరు ఎవ్వరి నుండి ప్రభావితం అవ్వడానికి ఇష్టపడరు. చాలా విషయాల్లో మొండిగా ఉంటారు.

మిధునం, కర్కాటకం, సింహం, తుల, వృశ్చికం, ధనస్సు మరియు మీన రాశి చాలా విషయాల్లో ప్రశాంతంగా ఉంటారు. ఎవరైనా ఏదైనా చెబితే వినేందుకు సిద్ధంగా ఉంటారు. మొండిగా వ్యవహరించరు.

గమనిక : ఇక్కడ ఇవ్వబడిన రాశిచక్రాల సమాచారం ఇంటర్నెట్లో అందుబాటులో ఉన్నది మరియు ఊహాలపై ఆధారపడి ఉంటుంది. దీనికి సంబంధించి ఎలాంటి శాస్త్రీయత లేదు. కాబట్టి మీరు ఈ సమాచారాన్ని పరిగణనలోకి తీసుకునేందుకు సంబంధిత వ్యక్తిగత జ్యోతిష్య నిపుణుడిని సంప్రదించగలరు.



Source link

Leave a Reply

Your email address will not be published.