Vastu Tips for North East : వాస్తు ప్రకారం, ఒక్కో దిక్కులో ఒక అధిపతి ఉంటారు. తూర్పు దిశలో ఇంద్రుడు అధిపతిగా, పడమర దిశలో వరుణుడు, ఉత్తర దిశలో కుభేరుడు, దక్షిణంలో యముడు ఉంటారు. అదే విధంగా ఈశాన్యంలో ఈశ్వరుడు, ఆగ్నేయంలో అగ్ని దేవుడు, వాయువ్యంలో వాయు దేవుడు, నైరుతిలో రాక్షసుడు ఉంటాడని చాలా మంది నమ్ముతారు. వీటన్నింటి సంగతి పక్కనబడితే.. ఈశ్వరుడు అధిపతిగా ఉండే ఈశాన్య దిశ ఎలా ఉండాలి.. ఈ దిశలో ఏ వస్తువులను ఉంచితే ఆరోగ్యం, ఐశ్వర్యం లభిస్తుంది.. ఏయే వస్తువులను ఈ దిశలో పెట్టకూడదనే ఆసక్తికరమైన విశేషాలను ఇప్పుడు తెలుసుకుందాం…

 

Vastu Tips for North East : నేటి ఆధునిక యుగంలోనూ వాస్తు శాస్త్రానికి ఎంతో ప్రాధాన్యత ఉంది. ఇప్పటికీ చాలా మంది ఏదైనా శుభకార్యం చేయాలన్నా, ఇంటిని కట్టుకోవాలన్నా.. ఇంకేదైనా నిర్మాణాలను చేపట్టాలన్నా వాస్తు శాస్త్రాన్ని అనుసరించే తమ పనిని ప్రారంభిస్తారు. ఎందుకంటే ఏ దిశలో ఏయే గదులు ఉండాలి.. ఫర్నీచర్ ఏ వైపున ఉండాలి అనే వివరాల గురించి ఈ శాస్త్రంలో స్పష్టంగా పేర్కొనబడింది. వాస్తు ప్రకారం, ఒక్కో దిక్కులో ఒక అధిపతి ఉంటారు. తూర్పు దిశలో ఇంద్రుడు అధిపతిగా, పడమర దిశలో వరుణుడు, ఉత్తర దిశలో కుభేరుడు, దక్షిణంలో యముడు ఉంటారు. అదే విధంగా ఈశాన్యంలో ఈశ్వరుడు, ఆగ్నేయంలో అగ్ని దేవుడు, వాయువ్యంలో వాయు దేవుడు, నైరుతిలో రాక్షసుడు ఉంటాడని చాలా మంది నమ్ముతారు. వీటన్నింటి సంగతి పక్కనబడితే.. ఈశ్వరుడు అధిపతిగా ఉండే ఈశాన్య దిశ ఎలా ఉండాలి.. ఈ దిశలో ఏ వస్తువులను ఉంచితే ఆరోగ్యం, ఐశ్వర్యం లభిస్తుంది.. ఏయే వస్తువులను ఈ దిశలో పెట్టకూడదనే ఆసక్తికరమైన విశేషాలను ఇప్పుడు తెలుసుకుందాం…

​ఈశాన్యంలో ఇవి తప్పనిసరి..

మీ ఇంటి నిర్మాణం చేపట్టేటప్పుడు ఈశాన్య దిక్కులో పూజా మందిరం వచ్చేలా ప్లాన్ చేసుకోవాలి. వాస్తు శాస్త్రం ప్రకారం, ఈ స్థానంలో పూజ గది ఉండటం వల్ల మీకు భగవంతుని ఆశీస్సులు లభిస్తాయి. అంతేకాదు మీ ఇంట్లో వాతావరణం ఎప్పుడూ ఆహ్లాదకరంగా ఉంటుంది. కాబట్టి ఎట్టి పరిస్థితుల్లోనూ ఈ విషయాన్ని మరచిపోవద్దు. అలాగే పూజా మందిరం నిర్మాణం చేపట్టే ముందు గోమాతకు పూజ చేయండి.

Numerology Study in Telugu : ఈ తేదీలో పుట్టినవారికి తిరుగే ఉండదట… ఎక్కువ డబ్బు సంపాదిస్తారట..!

​శుభ్రంగా ఉంచాలి..

మీ ఇంట్లో ఈశాన్యంలో ఉండే గదిని లేదా ప్రదేశాన్ని ఎల్లప్పుడూ శుభ్రంగా ఉంచాలి. వాస్తు శాస్త్రం ప్రకారం ఇది చాలా పవిత్రమైన స్థలం. కాబట్టి మీరు ఈ గదిని శుభ్రం చేయడం వల్ల మీ ఇంట్లోని ప్రతికూల శక్తుల నుండి విముక్తి లభిస్తుంది. అంతేకాదు మీ ఇంట్లో ఎల్లప్పుడూ సానుకూల శక్తి ఉంటుంది. అదే విధంగా ఈశాన్యంలో ఖాళీ స్థలం ఉంటే అక్కడ తులసి మొక్కను నాటడం వల్ల శుభప్రదమైన ఫలితాలొస్తాయి. అలాగే ప్రతిరోజూ తులసి మొక్కకు నీరు పోసి పూజలు చేయాలి.

​నీటి వనరులు..

మీ ఇంట్లో చిన్నారులు లేదా విద్యార్థుల గది ఎల్లప్పుడూ ఈశాన్యంలో ఉండేలా చూసుకోవాలి. ఇలా చేయడం వల్ల వారికి విద్య పట్ల ఆసక్తి పెరుగుతుంది. అదే విధంగా ఈ దిశలో నీటి వనరులు ఉండేలా చూసుకోవాలి. మీ ఇంటి కాంపౌండ్లో ఉండే ఖాళీ స్థలంలో బావి లేదా బోరు వంటివి నిర్మాణం చేసుకుంటే మంచి ఫలితాలొస్తాయి.

​ఈశాన్యంలో ఏమి ఉంచకూడదంటే..

వాస్తు శాస్త్రం ప్రకారం, మీ ఇంట్లో ఈశాన్య దిశలో బాత్ రూమ్(టాయ్ లెట్) వంటివి ఎట్టి పరిస్థితుల్లో నిర్మించకూడదు. ఒకవేళ ఈ దిశలో ఇవి ఉంటే మీకు శారీరక పరంగా మరియు మానసిక పరంగా అనేక సమస్యలొస్తాయి. అలాగే మీ ఖర్చులు కూడా విపరీతంగా పెరుగుతాయి. కొత్తగా పెళ్లి చేసుకున్న జంటలు ఈశాన్య దిశలో ఉండే గదిలో కలయికలో పాల్గొనకూడదు. పడకగదిని కూడా ఈ వైపున నిర్మించకూడదు. ఒకవేళ ఇలా చేస్తే వారి వైవాహిక జీవితంలో గొడవలు ప్రారంభమవుతాయి. ఈ దిశలో ఫర్నీచర్, స్టోర్ రూమ్ వంటివి కూడా ఉంచకూడదట.

​విశాలంగా ఉంచాలి..

ఈశాన్య దిశలో ఎలాంటి వస్తువులను ఉంచకూడదు. ఈ స్థలాన్ని చాలా విశాలంగా ఉంచాలి. ఒకవేళ మీరు ఆ స్థలంలో వస్తువులను ఉంచితే మీ ఇంట్లో గొడవలు పెరిగే అవకాశం ఉంటుంది. అదే విధంగా ఈ దిశలో ఎట్టి పరిస్థితుల్లోనూ చెప్పులు, షూస్, చెత్తకుండి వంటి వాటిని అస్సలు పెట్టకండి. ఇలా పెడితే మీ ఇంట్లో లేని పోని సమస్యలు వస్తాయి.



Source link

Leave a Reply

Your email address will not be published.