Shravana Masam 2022 : హిందూ పంచాంగంలో ప్రతి ఒక్క నెలకు ఏదో ఒక ప్రత్యేకత ఉంటుంది. అయితే శ్రావణ మాసం మాత్రం చాలా పవిత్రమైనదిగా పురాణాల్లో పేర్కొనబడింది. తెలుగు మాసాల్లో శ్రావణ మాసం ఐదోది. ఆషాఢం తర్వాత ఈ నెల ప్రారంభమవుతుంది. హిందూ పురాణాల ప్రకారం, శ్రావణ మాసం శివుడికి, వరలక్ష్మీ దేవికి అంకితమివ్వబడింది. ఈ నెలలో ఎవరైతే పరమేశ్వరుడిని ప్రత్యేకంగా పూజిస్తారో వారికి శివుని అనుగ్రహం తప్పకుండా లభిస్తుందని చాలా మంది నమ్ముతారు. అదే విధంగా వివాహిత స్త్రీలు తమ భర్త, కుటుంబం ఆయురారోగ్యాలతో జీవించాలని కోరుకుంటూ వరలక్ష్మీ వ్రతాన్ని చేస్తారు. ఈ సందర్భంగా 2022లో శ్రావణ మాసం ఎప్పుడు ప్రారంభమవుతుంది? ఈ మాసంలో శివుడిని ఎలా పూజించాలి.. శివుని అనుగ్రహం కోసం ఏమి చేయాలనే ఆసక్తికరమైన విషయాలను ఇప్పుడు తెలుసుకుందాం…

శివుడికి ప్రత్యేక పూజలు..
తెలుగు క్యాలెండర్ ప్రకారం, జూలై 29వ తేదీ అంటే శుక్రవారం నుండి శ్రావణ మాసం ప్రారంభమవుతుంది. ఈ మాసంలో సోమవారం, శుక్రవారం, మంగళవారాలను ప్రత్యేక రోజులుగా పరిగణిస్తారు. శ్రావణ సోమవారం రోజున పరమేశ్వరునికి ప్రత్యేక పూజలు చేస్తారు. శ్రావణ మంగళవారం రోజున మంగళ గౌరీ(ఉత్తర భారతంలో) వ్రతం చేస్తారు. అదే విధంగా మహిళలు తమ కుటుంబ క్షేమం కోరుతూ శ్రావణ శుక్రవారం రోజున వరలక్ష్మీ వ్రతం చేస్తారు.

Jupiter Retrograde in Pisces : గురుడి తిరోగమనంతో వచ్చే 5 నెలల్లో ఈ 5 రాశులకు ఆర్థిక ఇబ్బందులు…!

ఉపవాసం ఉండాలి..
శ్రావణ మాసంలో పరమేశ్వరుడిని ప్రసన్నం చేసుకోవాలనుకునే వారు సోమవారం రోజున ఉదయాన్నే నిద్ర లేచి అంటే సూర్యోదయానికి ముందే స్నానం పూర్తి చేయాలి. పూజ చేసే రోజున తప్పనిసరిగా ఉపవాసం ఉండాలి. ఈ మాసంలో శివునికి పూజ చేయడానికి ముందు పవిత్రమైన గంగా నదిలో స్నానం చేయాలి. గంగా నది అందుబాటులో లేని వారు మీ ప్రాంతంలో ఏదైనా ప్రవహించే నదిలో లేదా నీటిలో స్నానం చేసిన అనంతరం ఈశ్వరుడికి పూజలు చేయాలి.

శివునికి జలాభిషేకం..
పురాణాల ప్రకారం, శివుని తలపై గంగమ్మ ఉంటుంది. కాబట్టి మీరు శివలింగానికి జలాభిషేకం చేస్తే పరమేశ్వరుని ఆశీస్సులు తప్పకుండా లభిస్తాయని పండితులు చెబుతారు. అదే విధంగా పండ్ల రసాలతోనూ శివునికి అభిషేకం చేయొచ్చు. ఇలా చేయడం వల్ల మీకు ఆరోగ్య సమస్యల నుండి ఉపశమనం లభిస్తుంది. అలాగే శివునికి శనగలు నైవేద్యంగా సమర్పించాలి. ఇలా చేయడం వల్ల మీకు అప్పుల బాధ నుండి విముక్తి లభించడమే కాక, మీ కుటుంబ జీవితంలో ఆనందంగా ఉంటుంది.

ఈ పొరపాట్లు చేయకండి..
* శ్రావణ మాసంలో ఈశ్వరుడిని పూజించే సమయంలో కుంకుమను సమర్పించొద్దు
* శివునికి పూజ చేసే సమయంలో తులసి మొక్కను సమర్పించకూడదు
* తులసిని సమర్పిస్తే శివుని అనుగ్రహం లభించదని పెద్దలు చెబుతున్నారు
* పరమేశ్వరుని పూజించేటప్పుడు మీ శరీరానికి నూనె లేకుండా చూసుకోవాలి
* నువ్వులు, మొగలి రేకులు, కొబ్బరికాయ వంటివి కూడా లేకుండా చూసుకోవాలి
* ఈ మాసంలో ఎలాంటి మొక్కలకు హాని చేయొద్దు. వీలైతే చెట్లను నాటండి.
* శ్రావణ మాసంలో మద్యం, మాంసానికి దూరంగా ఉండాలి.



Source link

Leave a Reply

Your email address will not be published.