ఈ పోషకాలు ఉంటాయి..

మినప పప్పులో ప్రోటీన్లు, కార్బోహైడ్రేట్లు, లిపిడ్స్‌, అమినో యాసిడ్స్‌, విటమిన్‌ ఇ, ఐరన్‌, కాల్షియం వంటి పోషకాలు పుష్కలంగా ఉంటాయి. ఈ పప్పులో ఫైటోకెమికల్స్‌ పుష్కలంగా ఉంటాయి. ఈ పప్పులో యాంటీ-డయాబెటిక్, యాంటీఅలెర్జిక్, యాంటీమైక్రోబయల్, యాంటీఆక్సిడెంట్ గుణాలు పుష్కలంగా ఉంటాయి.

గుండెలు మేలు చేస్తుంది..

మినప పప్పు మన డైట్‌లో తరచుగా చేర్చుకుంటే.. లిపిడ్ హోమియోస్టాసిస్ (బ్యాలెన్స్) మెయింటేన్‌ చేయడానికి సహాయపడుతుంది. ఫలితంగా, గుండె జబ్బుల ప్రమాదాన్ని తగ్గిస్తుంది. దీనిలో గుండెకు మేలు చేసే ఫైబర్‌, సపోనిన్లు, ఫైటోస్టెరాల్స్, ఒలిగోశాకరైడ్స్ వంటివి చిన్న మొత్తంలో ఉంటాయి. ఇవి గుండె ఆరోగ్యానికి మేలు చేస్తాయి.​

Health Care: ఈ 6 అలవాట్లు ఉంటే.. మిమ్మల్ని రోగాలు రౌండప్‌ చేస్తాయ్‌..!

షుగర్‌ పేషెంట్స్‌కు మంచిది..

మినప పప్పులో గ్లైసెమిక్ ఇండెక్స్ తక్కువగా ఉంటుంది. ఇది రక్తంలోని గ్లూకోజ్‌ను నెమ్మదిగా పంపిస్తుంది. దీనిలో ఫైబర్‌ సమృద్ధిగా ఉంటుంది. ఫైబర్‌ బ్లడ్‌ షుగర్‌ లెవల్స్‌ను కంట్రోల్‌ చేయడానికి సహాయపడుతుంది. టైప్ 2 డయాబెటిస్‌ ఉన్న వ్యక్తులలో ఇన్సులిన్ నిరోధకతను నిరోధించడానికి మినప పప్పు తోడ్పడుతుంది.

యాంటీఆక్సిడెంట్స్‌ మెండుగా ఉంటాయ్..

అధికంగా, రియాక్టివ్ ఆక్సిజన్ జాతులు (ROS) ప్రోటీన్లు, లిపిడ్లు, DNA వంటి కణాలను దెబ్బతీస్తాయి, ఫలితంగా క్యాన్సర్, న్యూరోడెజెనరేటివ్ వ్యాధులు, అథెరోస్క్లెరోసిస్ వంటి పరిస్థితులు ఏర్పడతాయి. మినుమిలలో పాలీఫెనాల్స్ పుష్కలంగా ఉంటాయి, వీటికి యాంటీఆక్సిడెంట్ లక్షణాలు ఉంటాయి. పాలీఫెనాల్స్ అధిక ROS కారణంగా జరిగే సెల్యులార్ డ్యామేజ్‌ని నిరోధిస్తాయి. ఇది అనేక దీర్షకాలిక వ్యాధుల నుంచి రక్షిస్తుంది.​

Best Fruits For Diabetes: షుగర్‌ పేషెంట్స్‌ ఈ పండ్లు తింటే.. ఔషధంతో సమానం..!

కిడ్నీ, లివర్‌కు మేలు చేస్తుంది..

మినప పప్పులో లివర్‌, కిడ్నీలకు మేలు చేసే లక్షణాలు పుష్కలంగా ఉంటాయి. దీనిలో ఫినోలిక్స్, టానిన్లు, ఫ్లేవనాయిడ్లు, ఫైటిక్ యాసిడ్ వంటి మెండుగా ఉంటాయి. ఇవి శక్తివంతమైన యాంటీఆక్సిడెంట్లుగా పనిచేసి.. కిడ్నీ, లివర్‌ను రక్షిస్తాయి.

గర్భిణులకు మేలు చేస్తుంది..

మినప పప్పులో ఫోలిక్‌ యాసిడ్‌ పుష్కలంగా ఉంటుంది. ఒక కప్పు ఉడికిన మినప పప్పులో మన రోజు వారీ అవసరమైన దానిలో .. 69.3 శాతం ఫోలిక్‌ యాసిడ్ ఉంటుంది. మన శరీరంలోని వివిధ జీవక్రియ ప్రక్రియలలో ఫోలిక్ యాసిడ్ సహాయపడుతుంది. గర్భిణులు, ప్రెగ్నెన్సీ ప్లాన్‌ చేసుకునేవారికి ఫోలేట్ చాలా ముఖ్యం. గర్భధారణ సమయంలో ఫోలిక్ యాసిడ్ లోపం కారణంగా.. శిశువులో న్యూరల్ ట్యూబ్ లోపం వచ్చే ప్రమాదం ఉంది. ప్రెగ్నెన్సీ సమయంలో సరిపడా ఫోలిక్‌ యాసిడ్‌ తీసుకోవడం అవసరం.

ఎముకల దృఢంగా ఉంటాయి..

మినప పప్పులో కాల్షియం మెండుగా ఉంటుంది. ఇది ఎమకలు, దంతాలను దృఢంగా ఉంచుతుంది. దీనిలో ఫాస్పరస్ సమృద్ధిగా ఉంటుంది.. ఇది మన ఎముకలను నిర్మించడానికి కాల్షియంతో పనిచేస్తుంది.​

Brain Stroke: బ్రెయిన్‌ స్ట్రోక్‌ నుంచి కోలుకునేవారు.. ఈ జాగ్రత్తలు కచ్చితంగా తీసుకోవాలి..!
గమనిక: ఆరోగ్య నిపుణులు, అధ్యయనాల ప్రకారం ఈ వివరాలను అందించాం. ఈ కథనం కేవలం మీ అవగాహన కోసమే. ఆరోగ్యానికి సంబంధించిన ఏ చిన్న సమస్య ఉన్నా వైద్యులను సంప్రదించడమే ఉత్తమ మార్గం. గమనించగలరు.