[ad_1]
15 ఏళ్ల క్రితం చంద్రుడిపై నీరుందని మొదటి జాబిల్లి యాత్ర చంద్రయాన్ 1 తోనే గుర్తించిన భారత్.. చంద్రయాన్ 3 ప్రయోగంతో జాబిల్లి దక్షిణ ధ్రువంపై దిగిన తొలి దేశంగా నిలిచింది. చంద్రయాన్ 3 తో జాబిల్లిపై ఎవరూ వెళ్లని దారుల్లో వెళ్లి.. ఎవరూ చూడని దక్షిణ ధ్రువాన్ని ప్రపంచానికి చూపించింది. బుధవారం సాయంత్రం 6.03 గంటలకు విక్రమ్ ల్యాండర్ జాబిల్లిపై దిగ్విజయంగా కాలుమోపి.. భారత వైజ్ఞానిక సత్తాను ప్రపంచానికి చాటిచెప్పింది.
బుధవారం సాయంత్రం 5.44 గంటలకు విక్రమ్ ల్యాండర్.. నిర్దేశించిన ప్రాంతానికి చేరుకుంది. ఆ సమయంలోనే ల్యాండింగ్‌ మాడ్యూల్‌కు ఆటోమేటిక్‌ ల్యాండింగ్‌ సీక్వెన్స్‌ కమాండ్‌ను ఇస్రో పంపించింది. ఈ కమాండ్‌ను అందుకున్న ల్యాండర్.. తన ఆర్టిఫిషియల్ ఇంటెలిజెనస్ సాయంతో సాఫ్ట్‌ ల్యాండింగ్‌ ప్రారంభించింది. తన 4 థ్రాటల్‌బుల్‌ ఇంజిన్లను ప్రజ్వలించి క్రమంగా వేగాన్ని తగ్గించుకుంది. రఫ్‌ బ్రేకింగ్‌ దశను సక్సెస్‌ఫుల్‌గా ముగించుకుని చంద్రుడి ఉపరితలం నుంచి 7.4 కిలోమీటర్ల ఎత్తుకు చేరింది.
అనంతరం దిశను మార్చుకున్న ల్యాండర్.. ల్యాండర్ పొజిషన్‌ డిటెక్షన్‌ కెమెరా, కేఏ బ్యాండ్‌ అండ్‌ లేజర్‌ బేస్డ్‌ అల్టీమీటర్లు, లేజర్‌ డాప్లర్‌ వెలోసీమీటర్‌ వంటి పరికరాలతో తన మార్గాన్ని నిర్దేశించుకుంది. ఆ తర్వాత దశల వారీగా నెమ్మదిగా జాబిల్లి ఉపరితలానికి కొన్ని మీటర్ల ఎత్తులోకి చేరింది. చివరిగా ల్యాండింగ్‌కు అనువైన ప్రదేశాన్ని ఎంచుకుని సక్సెస్‌ఫుల్‌గా చంద్రుడిపై అడుగు పెట్టింది.
అంతరిక్ష రంగంలో ఎన్నో విజయాలు.. ఎన్నోసార్లు అంతరిక్ష యాత్రలు చేసిన అమెరికా, రష్యా, చైనాలకు కూడా అందని జాబిల్లి దక్షిణ ధ్రువాన్ని ఇప్పుడు భారత్ అందుకుంది. అలాంటి కఠినమైన చోట వ్యోమనౌకను సురక్షితంగా దించి భారత్ సరికొత్త చరిత్రను సువర్ణాక్షరాలతో లిఖించేందుకు ఇస్రో కృషి వెలకట్టలేనిది.
Vikram lander: చంద్రుడిపై దిగిన తర్వాత ల్యాండర్, రోవర్‌లు ఏం చేస్తాయి.. తెలిపిన ఇస్రో
Chandrayaan 3 Soil: చంద్రయాన్ 3 ప్రయోగానికి భూమిపై పరీక్షలు.. తమిళనాడు నుంచి ప్రత్యేక మట్టి
Read More Latest Science & Technology News And Telugu News
[ad_2]
Source link