వాషింగ్టన్ పోస్ట్ ఒక కథనం ప్రకారం.. చంద్రయాన్ 3 విజయంలో మసాలా దోశ, ఫిల్టర్ కాఫీ ప్రముఖ పాత‍్ర పోషించిందని ఇస్రో శాస్త్రవేత్తల నుంచి సేకరించిన సమాచారంతో కథనాన్ని ప్రచురించింది. ఈ చంద్రయాన్ 3 సక్సెస్‌లో మసాలా దోశ, ఫిల్టర్ కాఫీ పాత్రపై ఈ ప్రాజెక్టు శాస్త్రవేత్త వెంకటేశ్వర శర్మ వివరించారు. అసాధ్యమైన పనిని నిర్విరామంగా పనిచేసేందుకు సైంటిస్ట్‌లకు ఓపిక, శక్తి కావాలని తెలిపారు. అందుకే ప్రతి రోజు సాయంత్రం 5 గంటలకు ఇస్రో సిబ్బంది అందరికీ మసాలా దోశ, ఫిల్టర్ కాఫీని అందించినట్లు చెప్పారు. మసాలా దోశ, ఫిల్టర్ కాఫీ కారణంగా చంద్రయాన్ 3 ప్రాజెక్ట్ లో పనిచేసిన వారు అందరూ ఇష్టపూర్వకంగా అదనపు గంటలు పని చేశారని వెంకటేశ్వర శర్మ వెల్లడించారు.
అతి తక్కువ ఖర్చుతో అత్యంత విజయవంతంగా చంద్రుడిపై ప్రయోగాన్ని పంపించి.. ఇస్రో సరికొత్త చరిత్ర లిఖించింది. ఇంత తక్కువ ఖర్చుతో విదేశాలు ఎవరికీ ఇంత ఘన విజయం సాధ్యం కాదు అంటే నమ్మశక్యం కాని విషయమే. ఈ చంద్రయాన్ 3 మిషన్‌ను కేవలం రూ. 615 కోట్లతోనే చేపట్టి ఇస్రో మరో మైలు రాయిని అధిగమించి.. అంతరిక్ష రంగంలో అద్భుత విజయాన్ని సాధించింది. చంద్రునిపై అన్వేషణ కోసం ఇస్రో పంపిన చంద్రయాన్ 3 ప్రయోగంలోని విక్రమ్ ల్యాండర్.. జాబిల్లి ఉపరితలంపై సాఫ్ట్ ల్యాండింగ్‌ చేసి.. ఎన్నో అగ్రరాజ్యాలు, అభివృద్ధి చెందిన దేశాలకు సాధ్యం కాని ఘనతను భారత్ సుసాధ్యం చేసింది. ఈ క్రమంలోనే సూర్యుడి ప్రయోగాలు చేసేందుకు ఇస్రో వెంటనే సిద్ధమైంది. ఈ క్రమంలోనే శనివారం ఆదిత్య ఎల్ 1 ప్రయోగాన్ని నింగిలోకి పంపించనుంది.
Aditya L1 Mission: తొలిసారి సూర్యుడిపైకి ఇస్రో ప్రయోగం.. మరో వారం రోజుల్లో ఆదిత్య ఎల్ 1 మిషన్
Read More Latest Science & Technology News And Telugu News