తేనె..
క్యాల్షియం, ఐరన్, సోడియం, ఫాస్ఫరస్, సల్ఫర్, పొటాషియం వంటి ఖనిజ లవణాలతో పాటు విటమిన్ సి, విటమిన్ బి వంటి విటమిన్లు, ప్రొటీన్లు కూడా ఉంటాయి. తేనె ఊపిరితిత్తులలోని టాక్సిన్స్ను బయటకు పంపడానికి ఎఫెక్టివ్గా పనిచేస్తుంది. ఉదయాన్నే పరగడుపున గోరువెచ్చని నీళ్లలో తేనె కలిపి తాగితే.. ఊపిరితిత్తుల ఇన్ఫ్లమేషన్ దూరం అవ్వడంతో పాటు.. అవి శుభ్రం అవుతాయి.
గ్రీన్ టీ..
చాలా మంది బరువు తగ్గాలనుకునేవారు.. గ్రీన్ టీ తాగుతూ ఉంటారు. గ్రీన్టీ ఊపిరితిత్తులను శుభ్రపరచడంలోనూ ఫ్రభావవంతంగా పనిచేస్తాయి. గ్రీన్ టీలో యాంటీ ఆక్సిడెంట్లు పుష్కలంగా ఉంటాయి. ఇవి ఊపిరితిత్తుల్లో ఇన్ఫ్లమేషన్ను తగ్గించి.. టాక్సిన్స్ను బయటకు పంపుతాయి. . మీరు రోజుకు 2-3 కప్పుల గ్రీన్ టీ తీసుకోవచ్చు. ముఖ్యంగా ఉదయం పూట, రాత్రి నిద్రపోయే ముందు.. గ్రీన్ టీ తాగితే.. ఊపిరితిత్తులు శుభ్రపడతాయి.
ఏబీసీ జ్యూస్..
ABC జ్యూస్లో ఆపిల్, బీట్రూట్, క్యారెట్ మూడూ ఉంటాయి. ఈ మూడింటిలో శరీరంలోని వ్యర్థాలను తొలగించి శరీరాన్ని శుభ్రపరిచే గుణాలు ఉన్నాయి. ఈ జ్యూస్లో ఏ, బీ, సీ, ఈ, కే విటమిన్లు, ఫోలేట్, నియాసిన్, జింక్, కాపర్, పొటాషియం, మాంగనీస్, ఫాస్పరస్, ఐరన్, మెగ్నీషియంతో పాటు యాంటీ ఆక్సిడెంట్లు పుష్కలంగా ఉంటాయి. ఇవి శరీరంలోని మలినాలను బయటకు పంపి వ్యాధినిరోధక శక్తిని పెంచుతాయి.