కాఫీ, టీ..

చాలా మంది ఉదయాన్నే వేడివేడి పొగలు కక్కే కాఫీ, టీతో స్టార్ట్ చేస్తారు. ఇది తాగేటప్పుడు మాంచి రీఫ్రెష్‌ ఫీల్‌ని ఇస్తుందేమో.. కానీ, ఆ తర్వాత ఇది చాలా సమస్యలు వస్తాయి. ఖాళీ కడుపుతో టీ, కాఫీ తాగడం వల్ల అసిడిటీ వస్తుంది. అంతే కాకుండా డీహైడ్రేషన్ సమస్య ఎదురవుతుంది. వీటి బదులు మీరు నీరు తాగడం మంచిదని చెబుతున్నారు. లేదా, రాత్రి పూట నానబెట్టిన బాదం, ఎండుద్రాక్షలను తీసుకోవచ్చు. ఆ తర్వాత మీరు టీ, కాఫీ తీసుకుంటే సమస్యలు రావని చెబుతున్నారు నిపుణులు.

కూల్ డ్రింక్స్..

కూల్ డ్రింక్స్‌ని కూడా ఖాళీ కడుపుతో తీసుకోకపోవడమే మంచిదని చెబుతున్నారు నిపుణులు. వీటిని తీసుకోవడం వల్ల వికారం, గ్యాస్ వంటి సమస్యలు వస్తాయి. కాబట్టి, వీటికి ఎంత దూరం ఉంటే మంచిదని చెబుతున్నారు నిపుణులు.
​Also Read : Osteoarthritis : ఉదయాన్నే మీ చేతులు గట్టిగా మారి నొప్పి ఉంటోందా.. అయితే మీ కోసమే..​

ఐస్ టీ, కోల్డ్ కాఫీ..

ఐస్ టీ, కోల్డ్ కాఫీ అంటే చాలా మందికి ఇష్టం. వీటిని ఏ సమయంలో తీసుకున్నా మంచి రిలాక్సేషన్ ఉంటుంది. కానీ, ఖాళీ కడుపుతో మాత్రం తీసుకుంటే మాత్రం కడుపులో శ్లేష్మ పొర దెబ్బతిని జీర్ణ క్రియ మందగిస్తుంది.

పచ్చి కూరగాయలు..

పచ్చి కూరగాయలతో చాలా మంది సలాడ్స్ చేసుకుని తింటారు. దీని వల్ల బరువు తగ్గుతారు. కానీ, ఖాళీ కడుపుతో తింటే మాత్రం జీర్ణ వ్యవస్థ అస్తవ్యస్తంగా మారి కడుపునొప్పికి కారణమవుతుంది.
​Also Read : Dementia : తలకి దెబ్బతగిలిందా.. బ్రెయిన్‌పై ఇలా ఎఫెక్ట్ పడుతుందట..​

స్పైసీ ఫుడ్..

కొంతమంది ఉదయాన్నే స్పైసీ ఫుడ్ తింటారు. ఇది ఎంత మాత్రం మంచిది కాదు. సాధారణంగా ఇది మామూలు సమయంలోనే అస్సలు మంచిది కాదు. ఇక ఖాళీ కడుపుతో తింటే లైనింగ్‌లో ఇబ్బంది ఏర్పడి అసిడిటీకి కారణమవుతుంది.

సిట్రస్ ఫ్రూట్స్..

ఖాళీ కడుపుతో సిట్రస్ ఫ్రూట్స్ తీసుకోవడం ఎక్కువగా యాసిడ్ రిలీజ్ అవుతుంది. వీటిని ఖాళీ కడుపు తినడం వల్ల కడుపులో భారంగా ఉంటుంది. సాధారణంగా ఇవి మంచివే. కానీ, ఖాళీ కడుపుతో తినడం అస్సలు మంచిది కాదని దీని వల్ల కడుపులో సమస్యలు వస్తాయని చెబుతున్నారు నిపుణులు.

ఏం తీసుకోవాలంటే..

ఎప్పుడు కూడా ఖాళీ కడుపుపై ప్రయోగాలు చేయొద్దు. ఈ సమయంలో గోరువెచ్చని నీరు తీసుకుని నానబెట్టిన డ్రై ఫ్రూట్స్, నట్స్ తీసుకోవడం చాలా మంచిది. దీని వల్ల ఆరోగ్యానికి అదనపు లాభాలు ఉంటాయి.

​గమనిక: ఆరోగ్య నిపుణులు, అధ్యయనాల ప్రకారం ఈ వివరాలను అందించాం. ఈ కథనం కేవలం మీ అవగాహన కోసమే. ఆరోగ్యానికి సంబంధించిన ఏ చిన్న సమస్య ఉన్నా వైద్యులను సంప్రదించడమే ఉత్తమ మార్గం. గమనించగలరు.

Read More : Relationship News and Telugu News