Fenugreek Tea : ఈ టీ తాగితే షుగర్ లెవల్స్ కంట్రోల్ అవుతాయట..

మెంతుల్లో పోషకాలు..

మెంతుల్లో ఎక్కువగా మెగ్నీషియం ఉంటుంది. యామోజెనిన్, క్లోరిన్, కాల్షియం, కాపర్, పొటాషియం, ఐరన్, జింక్ వంటి ఎన్నో పోషకాలు ఉంటాయి. ఇవన్నీ కూడా ఆరోగ్యానికి మేలు చేస్తాయి.
​Also Read : Collagen : ఈ ట్యాబ్లెట్స్ వేసుకుంటే ముఖం మెరుస్తుందట..​

షుగర్ పేషెంట్స్‌‌కి ఎలా మంచిదంటే..

మెంతులు జీర్ణక్రియను మెరుగ్గా చేస్తుంది. మెంతులు సొల్యూబల్ ఫైబర్‌కి మూలం. వీటిని తీసుకోవడం వల్ల జీర్ణక్రియ నెమ్మదిగా జరుగుతుంది. చక్కెర శోషణ పెరుగుతుంది. దీంతో క్రమం తప్పకుండా మెంతులు తీసుకుంటే రక్తంలో చక్కెర స్థాయిలు తగ్గుతాయి.
​Also Read : Brown Rice : బరువు తగ్గించే బ్రౌన్‌రైస్.. ఎలా వండాలంటే..​

కొవ్వు తగ్గేందుకు..

మెంతులు తీసుకోవడం వల్ల గ్లూకోజ్ టాలరెన్స్ మెరుగ్గా అవుతుంది. కొలెస్ట్రాల్ తగ్గుతుంది. చెడు కొలెస్ట్రాల్‌ని దూరం చేయడంలో మెంతులు బాగా పని చేస్తాయి. ట్రైగ్లిజరైడ్స్‌ని తగ్గిస్తాయి.

ఓ అధ్యయనం ప్రకారం, మెంతుల పొడిని రోజూ తీసుకోవడం వల్ల రక్తంలో గ్లూకోజ్ స్థాయిలు తగ్గుతాయి. మెంతి కూరని రెగ్యులర్‌గా తీసుకోవడం వల్ల షుగర్ పేషెంట్స్‌కి మంచిదని చెబుతున్నారు నిపుణులు. కాబట్టి, రెగ్యులర్‌గా మెంతి కూర, మెంతులని డైట్‌లో చేర్చుకోవడం మంచిదని చెబుతున్నారు నిపుణులు.

మెంతి టీ..

అయితే, కేవలం మెంతులను భోజనంలోనే తీసుకోవడం మాత్రమే కాదు. దీనితోని టీ కూడా చేసి తాగొచ్చు. దీని వల్ల కూడా లాభాలు ఉంటాయని చెబుతున్నారు నిపుణులు. దీనిని తయారు చేసేందుకు కావాల్సిన పదార్థాలు..

కావాల్సిన పదార్థాలు

1 టేబుల్ స్పూన్ ఎండిన మెంతి ఆకులు
1 టీ స్పూన్ మెంతులు
1 కప్పు నీరు
2 టీ స్పూన్ తేనె(ఆప్షనల్)
​Also Read : Hug Day : హగ్ చేసుకుంటే బీపి కంట్రోల్ అవుతుందా..​

ఎలా తయారు చేయాలంటే..

ఓ గిన్నెలో నీరు పోసి బాగా మరిగించండి. ఇప్పుడు మెంతి ఆకులు, గింజలు వేసి మరిగించండి. 10 నిమిషాల పాటు మరిగాక వడకట్టండి. ఇలానే తాగొచ్చు. చేదుగా అనిపిస్తే గోరువెచ్చగా అయయాక తేనె కలపండి.

లాభాలు..

మెంతులని ఇలా టీ చేసి తాగడం వల్ల రక్తంలోని గ్లూకోజ్ స్థాయిలో మార్పు ఉంటుంది. వేడి వేడిగా ఈ టీని ఉదయం సాయంత్రం తీసుకోవచ్చు. అన్ని వస్తువలు ఇంట్లోనే ఉంటాయి కాబట్టి, చక్కగా చేసుకుని తాగొచ్చు. దీని వల్ల చాలా లాభాలు ఉంటాయి. కేవలం షుగర్ లెవల్స్ తగ్గడమే అనేక సమస్యలకి ఈ టీ మేలు చేస్తుంది. కాబట్టి, రెగ్యులర్‌గా తీసుకోవడం మంచిది.

ఈ జాగ్రత్తలు తప్పనిసరి..

మెంతులు మంచివే అయినప్పటికీ వీటిని వండి తీసుకోవడం మంచిది. కానీ, అలానే పచ్చిగా తీసుకోవడం వల్ల కొన్నిసార్లు ఇబ్బందులు ఎదురవుతాయి. ఇవి అంత ప్రమాదం కాదు.

వీటిని తీసుకున్నప్పుడు కొంతమందిలో గ్యాస్, ఉబ్బరం కలుగుతుంది. కొన్ని మెడిసిన్స్‌‌తో ప్రతిస్పందిస్తాయి. కాబట్టి ఈ టీ తాగే విషయంలో కచ్చితంగా జాగ్రత్తగా ఉండాలని నిపుణులు చెబుతున్నారు.

వీరు తీసుకోవద్దు..

అందుకే మీరు మెంతులను వాడే ముందు కచ్చితంగా డాక్టర్‌ని సంప్రదించాలి. గర్భిణీలు అయితే ప్రసవాన్ని ప్రేరేపిస్తాయి. కాబట్టి, అస్సలు తీసుకోవద్దు. ఇక సలహా తీసుకోకుండా తీసుకోవడం వల్ల రక్తంలో గ్లూకోజ్ స్థాయిలు ప్రమాదకరంగా తగ్గుతాయి. కాబట్టి, కచ్చితంగా వీటిని డాక్టర్ సలహాతోనే తీసుకోవాలి.

​గమనిక: ఆరోగ్య నిపుణులు, అధ్యయనాల ప్రకారం ఈ వివరాలను అందించాం. ఈ కథనం కేవలం మీ అవగాహన కోసమే. ఆరోగ్యానికి సంబంధించిన ఏ చిన్న సమస్య ఉన్నా వైద్యులను సంప్రదించడమే ఉత్తమ మార్గం. గమనించగలరు.