ఉసిరిలోని పోషకాలు..
ఉసిరిలో ఎన్నో పోషకాలు ఉంటాయి. ముఖ్యంగా విటమిన్ సి పుష్కలంగా ఉంటుంది. నారింజ కంటే 20 రెట్లు ఎక్కువ విటమిన్ సి ఇందులో ఉంటుంది. అనేక ఫ్లేవనోల్స్, మెరుగైన జ్ఞాపకశక్తి వంటి ప్రయోజనాలు ఉన్నాయి ఉసిరిలో. వీటితో పాటు విటమిన్ బి5, విటమిన్ బి6, మాంగనీస్, పొటాషియం వంటి హెల్దీ పోషకాలు పుష్కలంగా ఉన్నాయి. అందుకే వీటిని తీసుకోవడం వల్ల చాలా లాభాలు ఉన్నాయని నిపుణులు చెబుతున్నారు.
రక్తపోటు దూరం..
బీపి.. ఈ ఒక్క సమస్య చాలా చాలా ఆరోగ్య సమస్యలకి కారణం. యాంటీ ఆక్సిడెంట్స్ ఎక్కువగా ఉన్న ఉసిరిని తీసుకోవడం వల్ల రక్తపోటు కంట్రోల్ అవుతుంది. అంతే కాదు, కాలేయం కూడా హెల్దీగా ఉండేలా చేస్తుందని నిపుణులు చెబుతున్నారు.
ఎలా తినొచ్చు..
ఉసిరిని అనేక రకాలుగా తీసుకోవచ్చు. క్యాండీ, జ్యూస్ ఇలా ఎలా అయినా తినొచ్చు. వైట్ డిశ్చార్జ్‌తో బాధపడేవారు.. వీటిని సూపర్ మార్కెట్స్, ఆన్‌లైన్‌లో ఏ సీజన్‌లో అయినా క్యాండీ, ఆమ్లా చట్ పటా రూపంలో తీసుకోవచ్చు. వీటిని ఇంట్లో కూడా తయారు చేసుకోవచ్చు.
ల్యూకోరోయా..
ల్యూకోరియా అంటే వైట్ డిశ్చార్జ్ అవ్వడం. దీని వల్ల మహిళలు చాలా ఇబ్బంది పడతారు. యోని ద్వారా తెల్లని జిగట పదార్థం రావడాన్నే వైట్ డిశ్చార్జ్ అంటారు. ఉసిరి తీసుకోవడం వల్ల ఈ సమస్య దూరమవుతుందని నిపుణులు చెబుతున్నారు.
Also Read : Homemade Hair Oil : ఇంట్లోనే తయారు చేసిన ఈ ఆయిల్‌తో జుట్టు బాగా పెరుగుతుందట..
ల్యూకోరియాకి కారణం..
ల్యూకోరియా రావడానికి ఈస్ట్రోజెన్ ఇన్‌బ్యాలెన్స్ కారణంగా వచ్చే సమస్య. మందంగా తెల్లని, పసుపు, ఆకుపచ్చ రంగులో వచ్చే ఈ సమస్య ఇన్ఫెక్షన్ వల్ల కూడా వస్తుంది. కొన్ని సార్లు ఈ సమస్య తగ్గుతుంది. మళ్ళీ వస్తుంది. ఉసిరి గింజలు మంటను తగ్గించి, ఇన్ఫెక్షన్‌ని దూరం చేస్తాయి. దీనిని వారం పాటు తీసుకుంటే ఫలితం ఉంటుంది. దానికోసం ఏం చేయాలంటే.
గింజలతో ..
ముందుగా ఉసిరిని శుభ్రంగా కడిగి అందులోని గింజలను తీసేయాలి. తర్వాత ఆ గింజలను వాటిని మిక్సీలో మెత్తగా పేస్ట్‌లా చేసి తేనె, బెల్లం వేసి గాజు గ్లాసులో పెట్టుకుని ఓ గ్లాస్ జార్‌లో పెట్టుకోవాలి..
ఎలా తీసుకోవాలంటే..
దీనిని రోజూ టేబుల్ స్పూన్ పరిమాణంలో ఓ గ్లాస్ గోరువెచ్చని నీటిలో కలిపి తాగాలి. దీని వల్ల చాలా సమస్యలు దూరమవుతాయి.
Also Read : Brain Power : ఈ టీ తాగితే మతిమరుపు దూరం
వీరు తీసుకోవద్దు..
ఉసిరి మంచిది కదా అని అందరూ తీసుకోకూడదు. దీనిలోని సిట్రిక్ కొంతమందికి నష్టాన్ని కలిగిస్తుంది. ఏదైనా సర్జరి చేయించుకున్నవారు. గర్భిణీలు, పిల్లలకు పాలిచ్చే తల్లులు, ప్రెగ్నెన్సీ కోసం ట్రై చేసేవారు దీనిని తినకపోవడమే మంచిదని చెబుతున్నారు నిపుణులు.
గమనిక: ఆరోగ్య నిపుణులు, అధ్యయనాల ప్రకారం ఈ వివరాలను అందించాం. ఈ కథనం కేవలం మీ అవగాహన కోసమే. ఆరోగ్యానికి సంబంధించిన ఏ చిన్న సమస్య ఉన్నా వైద్యులను సంప్రదించడమే ఉత్తమ మార్గం. గమనించగలరు.
Read More : Relationship News and Telugu News