[ad_1]
షుగర్‌ క్రేవింగ్స్‌
ఈ ఆహారం తీసుకోండి..
రక్తంలో చక్కెర స్థాయిలు తక్కువగా ఉన్నా, అధిక స్థాయిలో ఉన్నా షుగర్‌ క్రేవింగ్స్‌ ఎక్కువ అవుతాయని రిద్ధిమా బత్రా అన్నారు. దీనిని నివారించడానికి మన ఆహారంలో ప్రొటీన్లు, కూరగాయలు, ఆరోగ్యకరమైన పిండి పదార్థాలు, ఆరోగ్యకరమైన కొవ్వులు ఉండేలా జాగ్రత్త పడాలని అన్నారు. ఇవి మీ కడుపు ఎక్కువ సేపు నిండుగా ఉండేలా చూసుకుంటాయి. ఇవి రక్తంలో చక్కెర స్థాయిని కంట్రోల్‌లో ఉంచుతాయి.
పులియబెట్టిన ఆహారం తీసుకోండి..
మైక్రోబయోమ్‌లోని గట్ మైక్రోబ్స్ చక్కెరను కోరుకుంటాయి. అందుకే షుగర్‌ క్రేవింగ్స్‌ ఎక్కువ అవుతాయి. దీనిని డైస్బియోసిస్ అని కూడా పిలుస్తారు. కానీ, చక్కెర ఎక్కువగా తీసుకుంటే.. చెడు బ్యాక్టీరియా పెరుగుతుంది. ఇది ఇన్ఫ్లమేటరీ ఎన్విరాన్‌మెంట్‌ను ప్రోత్సహిస్తుంది. దీనిని నివారించడానికి మీ ఆహారంలో కిమ్చి, ఊరగాయలు, మజ్జిగ, పెరుగు వంటి పులియబెట్టిన ఆహారం తీసుకోండి.
సమతుల ఆహారం తీసుకోండి..
జింక్, క్రోమియం, ఐరన్, కాల్షియం, ముఖ్యంగా మెగ్నీషియం వంటి పోషకాలలో లోపాలు తీపి కోరికలకు దారితీస్తాయి. మీరు పోషకాలు సమృద్ధిగా ఉండే సమతుల్య ఆహారం తీసుకుంటే మంచిది.
ఒత్తిడి తగ్గించుకోండి..
ఒత్తిడికి గురైనప్పుడు, శరీరంలో కార్టిసాల్ హార్మోన్ పెరుగుతుంది. దీని కారణంగా ఆకలి పెరుగుతంది. స్వీట్‌ క్రేవింగ్స్‌ కూడా పెరుగుతాయి. మీ డైట్‌లో పచ్చి బఠానీలు, అవిసె గింజలు, పిస్తాపప్పులు, కాలే, బ్రోకలీ, బాదం, బెర్రీలు , నువ్వులు వంటి అధిక ఫైబర్‌ ఆహారం తీసుకోండి. ఆ ఆహారాలు ఒత్తిడి స్థాయిలను తగ్గిస్తాయి. చక్కెర కోరికలను తగ్గించడంలో సహాయపడతాయి.
ప్రశాంతంగా నిద్రపోండి..
రోజుకు 8 గంటల కంటే తక్కువ నిద్రపోవడం వల్ల.. ఆకలి హార్మోన్లు, షుగర్‌ క్రేవింగ్స్‌ పెరుగుతాయి. ప్రతి రోజూ 7-8 గంటలు తగినంత నిద్రపోవాలని నిపుణులు సూచిస్తున్నారు.
గమనిక: ఆరోగ్య నిపుణులు, అధ్యయనాల ప్రకారం ఈ వివరాలను అందించాం. ఈ కథనం కేవలం మీ అవగాహన కోసమే. ఆరోగ్యానికి సంబంధించిన ఏ చిన్న సమస్య ఉన్నా వైద్యులను సంప్రదించడమే ఉత్తమ మార్గం. గమనించగలరు
[ad_2]
Source link
Leave a Reply