Pan-Aadhar link: పాన్-ఆధార్ లింకింగ్ కోసం ప్రభుత్వం గడువు విధించిన విషయం తెలిసిందే. గతంలో మార్చి 31, 2023 చివరి తేదీగా నిర్ణయించగా.. దానిని ఇప్పుడు జూన్ 30, 2023 వరకు పొడిగించారు. అయితే ఈ ప్రక్రియలో, ఆధార్‌తో పాన్ కార్డు తప్పుగా జత చేయబడితే ఏం చేయాలో తెలుసా? పాన్ నుంచి ఆధార్‌ను ఎలా డీలింక్ చేయాలో తెలుసుకోండి మరి..

ప్రస్తుతం అనేకమంది ఈ తరహా ఇబ్బందిని ఎదుర్కొంటున్నట్లు వార్తలు వస్తున్నాయి. తద్వారా పాన్-ఆధార్ లింక్ చేయడానికి ప్రయత్నించే వ్యక్తులను ఈ సమస్య వేధిస్తోంది. దీనిని సరిచేసుకుని, సరైన పాన్ మరియు ఆధార్ లింక్‌ను ప్రాసెస్ చేయడానికి.. మొదట తప్పుగా నమోదైన పాన్‌ను డీలింక్ చేయాలి. ఆపై రెండు డాక్యుమెంట్‌లను మళ్లీ జతే చేస్తే సరి.

పాన్-ఆధార్ డీలింకింగ్ కోసం పాన్ కార్డు, ఆధార్ కార్డు, ఫిర్యాదు, చిరునామా ధ్రువీకరణ, ఇ-మెయిల్ ను విధిగా దగ్గర ఉంచుకోవాలి. అనంతరం వివిధ సందర్భాల్లో ఏ విధంగా ఈ ప్రక్రియను పూర్తి చేయాలో చూద్దాం..

సర్వీస్ ప్రొవైడర్ నుంచి పాన్ కార్డు ప్రాసెసింగ్ వివరాలను సేకరించాలి. మొదటి, తదనంతర కేటాయింపుదారుల గుర్తింపు కోసం రిక్వెస్ట్ చేయాలి. అవసరమైన పత్రాలను ఆదాయపు పన్ను శాఖకు సమర్పించాలి. ఈ ప్రక్రియ మొత్తం పూర్తయిన తర్వాత కేటాయింపుదారులు కొత్త పాన్ కార్డుని అందుకోవచ్చు.

పాన్ కార్డు స్థితిని తనిఖీ చేయడానికి ఆదాయపు పన్ను శాఖ మొబైల్ అప్లికేషన్‌లోని CBN ప్రశ్నను ఉపయోగించాలి. రెండు కార్డులు యాక్టివ్‌గా ఉంటే, అవి ఇప్పటికే డీ-డూప్లికేషన్‌లో ఉన్నాయో లేదో తనిఖీ చేయాలి. అదే జరిగితే, ఆదాయపు పన్ను అసెస్సింగ్ అధికారిని సంప్రదించాలి. ఇందుకోసం అవసరమైన పత్రాలను ఆ శాఖకు సమర్పించాలి.

పాన్ సర్వీస్ ప్రొవైడర్ నుంచి కార్డు ప్రాసెసింగ్ వివరాలను పొందాలి. RCC (ప్రాంతీయ కంప్యూటర్ సెంటర్) ద్వారా ITBA (ఆదాయ పన్ను వ్యాపార అప్లికేషన్) నుంచి ఆడిట్ లాగ్‌ సేకరించాలి. అవసరమైన పత్రాలను ఆదాయపు పన్ను శాఖకు అందించాలి.

ఇ-ఫిల్లింగ్ పోర్టల్ ప్రకారం, ఆధార్ తప్పు పాన్‌కి లింక్ చేయబడినప్పుడు డీలింక్ చేయడం కోసం JAOకి అభ్యర్థన సమర్పించవచ్చు. అనంతరం తిరిగి సరైన వాటిని జత చేసేందుకు మరోసారి రిక్వెస్ట్ పంపాల్సి ఉంటుంది. ఇందుకోసం నిర్దేశిత ఫీజు చెల్లించాలి.