Ridge gourd health benefits: బీరకాయ తింటే.. ఇమ్యూనిటీ పెరగడంతో పాటు, గుండెకు కూడా మంచిదే..!
అనిమియా దూరం అవుతుంది..
బీరకాయలో ఐరన్ పుష్కలంగా ఉంటుంది. ఇది తరచుగా తీసుకుంటే ఐరన్ లోపం కారణం వచ్చే రక్తహీనత సమస్య నయం అవుతుంది. బీరకాయలో విటమిన్ B6 పుష్కలంగా ఉంటుంది, ఇది ఐరన్తో పాటు శరీరంలోని ఎర్ర రక్తకణాల సరైన సంశ్లేషణలో కీలక పాత్ర పోషిస్తుంది. ఇది శరీరంలోని అన్ని అవయవాలకు రక్త ప్రసరణను మెరుగుపరుస్తుంది. నొప్పి, అలసట వంటి లక్షణాలను తగ్గిస్తుంది.
మలబద్ధకం నయం అవుతుంది..
బీరకాయలో నీరు పుష్కలంగా ఉంటుంది. అదనంగా, దీనిలో గుజ్జులో సెల్యులోజ్, డైటర్ ఫైబర్ మెండుగా ఉంటుంది. ఇది పేగుల కదలికను, జీర్ణక్రియను మెరుగుపరుస్తుంది. మలబద్ధకంతో బాధపడేవారు వారి డైట్ బీరకాయ తీసుకుంటే ఈ సమస్య దూరం అవుతుందని నిపుణులు చెబుతున్నారు. మలబద్ధకంతో బాధపడేవారు ఒక గ్లాస్ బీరకాయ రసంలో తేనె కలిపి తాగితే.. మలబద్ధకం సమస్య నుంచి తక్షణమే ఉపశమనం లభిస్తుంది. సెల్యులోజ్ ఎక్కువగా ఉండటంతో ఇది మలబద్ధకాన్నీ మొలలవ్యాధినీ నివారిస్తుంది.
లివర్కు మంచిది..
బీరకాయ శరీరంలోని వ్యర్థాలు, ఆల్కహాల్ అవశేషాలు, జీర్ణం కాని ఆహార కణాలను శరీరం నుంచి తొలగించి, రక్తాన్ని శుద్ధి చేస్తుంది. దీంతో లివర్ ఆరోగాన్ని, పిత్త పనితీరును పెంపొందించడంలో ఇది కీలక పాత్ర పోషిస్తుంది. లివర్ బైల్ రసాన్ని విడుదల చేస్తుంది. ఇది లిపిడ్లు, కొవ్వులను విచ్ఛిన్నం చేయడంలో సహాయపడుతుంది. బీరకాయ ఇది హెపాటిక్ నాళంలో తలెత్తే కామెర్లు, ఇతర ఇన్ఫెక్షన్లను నయం చేయడానికి ఔషధంలా పనిచేస్తుంది.
ఇమ్యూనిటీ బూస్ట్ అవుతుంది..
బీరకాయలో విటమిన్ సి, ఐరన్, మెగ్నీషియం, రైబోఫ్లావిన్, థయామిన్, జింక్ వంటి పోషకాలు పుష్కలంగా ఉంటాయి. ఇవి రోగనిరోధక వ్యవస్థను మెరుగుపరుస్తాయి. శరీలంలో ఇన్ఫ్లమేషన్ను తగ్గించడంలో సహాయపడతాయి.
గుండెకు మంచిది..
బీరకాయలో పొటాషియం, మెగ్నీషియం మెండుగా ఉంటాయి. ఇవి హృదయనాళ వ్యవస్థ పనితీరులో కీలక పాత్ర పోషిస్తాయి. ఈ మినరల్స్ శక్తివంతమైన యాంటీఆక్సిడెంట్లుగా పనిచేస్తాయి, ఇవి ఫ్రీరాడికల్స్తో పోరాడి గుండె కణాలు నష్టపోకుండా రక్షిస్తాయి. దీంతో గుండె ఆరోగ్యంగా ఉంటుంది. దీనిలోని విటమిన్ బి5 చెడు కొలెస్ట్రాల్ను తగ్గిస్తుంది.
Selenium: ఈ పోషక లోపం ఉంటే.. థైరాయిడ్, గుండె సమస్యలు వస్తాయ్..!
ఒంట్లో వేడి తగ్గిస్తుంది..
బీరకాయలో నీరు అధికంగా ఉంటుంది. ఇది విశేషమైన శీతలీకరణ ప్రభావాలను అందిస్తుంది, శరీర వేడిని తగ్గిస్తుంది. దీనిలో పొటాషియం, సోడియం, జింక్, రాగి, సెలీనియం వంటి ఖనిజాలు.. శరీరంలో మిగులు యాసిడ్స్ను తటస్తం చేస్తాయి, ఆల్కలీన్ వాతావరణాన్ని ఉత్పత్తి చేస్తాయి, ఎలక్ట్రోలైట్ సమతుల్యతను పునరుద్ధరించడంలో సహాయపడతాయి. ఈ మినరల్స్ కోల్పోయిన ద్రవాలు, వ్యవస్థలోని పోషకాలను తిరిగి నింపుతాయి. (image source – pixabay)
Ridged gourd stock photo
అల్సర్లను నయం చేస్తుంది..
అల్సర్లతో బాధపడేవారికి బీరకాయ ఔషధంలా పనిచేస్తుందని నిపుణులు చెబుతున్నారు. దీనిలో యాంటీ ఇన్ఫ్లమేటరీ, కూలింగ్ ఏజెంట్స్ ఉంటాయి. ఇది పెప్టిక్ అల్సర్ల నుంచి ఉపశమనం ఇవ్వడానికి సహాయపడుతుంది. కడుపులో, మూత్రవిసర్జన సమయంలో మంటను తగ్గించడానికీ బీరకాయ సహాయపడుతుంది.
Sapota Health Benefits: సపోటా తింటే.. అందం, ఆరోగ్యం మీ సొంతం..!
షుగర్ పేషెంట్స్కు మంచిది.
బీరకాయల్లోని పెప్టెడ్లు, ఆల్కలాయిడ్లు రక్తంలోనూ మూత్రంలోనూ ఉండే చక్కెర నిల్వల శాతాన్ని తగ్గించేందుకూ తోడ్పడతాయి. దీనిలోని మాంగనీస్ జీర్ణక్రియా ఎంజైముల ఉత్పత్తిని పెంచి.. రక్తంలో చక్కెర స్థాయిలను తగ్గిస్తుంది.
కంటికి మంచిది..
బీరకాయలోని విటమిన్ –ఎ కంటికండరాల బలహీనత కారణంగా తలెత్తే అంధత్వాన్ని నివారిస్తుందని జాతీయ అంధత్వ నివారణ సంస్థ పేర్కొంది. బీరకాయలోని మాక్యులార్ డీజెనరేషన్, పాక్షిక అంధత్వం, ఇతర కంటి వ్యాధులను నివారించడంలో కూడా సహాయపడతాయి.
PCOS: ఈ గింజలు రోజూ ఒక స్పూన్ తింటే.. పీసీఓఎస్ లక్షణాలు తగ్గుతాయ్..!
గమనిక: ఆరోగ్య నిపుణులు, అధ్యయనాల ప్రకారం ఈ వివరాలను అందించాం. ఈ కథనం కేవలం మీ అవగాహన కోసమే. ఆరోగ్యానికి సంబంధించిన ఏ చిన్న సమస్య ఉన్నా వైద్యులను సంప్రదించడమే ఉత్తమ మార్గం. గమనించగలరు.