అభిజ్ఞా పనితీరు మెరుగుపరుస్తుంది..
రోజ్మేరీ జ్ఞాపకశక్తి, ఏకాగ్రతను మెరుగుపరుస్తుందని అధ్యయనాలు గుర్తించాయి. ఇది వయస్సు-సంబంధిత అభిజ్ఞా క్షీణత ఉన్న విద్యార్థులకు, వ్యక్తులకు ప్రయోజనకరంగా ఉంటుంది. (image source – pixabay)
యాంటీఇన్ఫ్లమేటరీ గుణాలు..
రోజ్మేరీలో శక్తివంతమైన యాంటీఇన్ఫ్లమేటరీ గుణాలు ఉంటాయి. ఇవి శరీరంలో మంటను తగ్గిస్తాయి. గుండె సమస్యలు, క్యాన్సర్‌ వంటి దీర్ఘకాలిక అనారోగ్యాల ముప్పను తగ్గించడానికి రోజ్మేరీ తోడ్పడుతుంది. (image source – pixabay)
High Calcium Foods:పాలు తాగరా..? ఈ 5 కాల్షియం రిచ్‌ ఫుడ్స్‌ మీ కోసమే..!
జీర్ణక్రియకు మేలు చేస్తుంది..
రోజ్మేరీ సాంప్రదాయకంగా జీర్ణక్రియను మెరుగుపరచుకోవడానికి ఎక్కువగా వాడుతుంటారు. మీ డైట్‌లో రోజ్మేరీ చేర్చుకుంటే కడుపులో మంట, నొప్పి, గ్యాస్‌, కడుపు ఉబ్బరం వంటి సమస్యలు పరిష్కారం అవుతాయి. (image source – pixabay)
రోగనిరోధకశక్తి మెరుగుపడుతుంది..
రోజ్మేరీలో యాంటీఆక్సిడెంట్లు పుష్కలంగా ఉంటాయి. ఇవి రోగనిరోధక శక్తిని పెంచడంలో సహాయపడతాయి. ఇన్ఫెక్షన్లు, జలబు, ఫ్లూ వంటి అనారోగ్యాల నుంచి కాపాడుతుంది. (image source – pixabay)
శ్వాసకోశను ఆరోగ్యంగా ఉంచుతుంది..
రోజ్మేరీలోని ముఖ్యమైన నూనెలు ఎక్స్‌పెక్టరెంట్ లక్షణాలను కలిగి ఉంటాయి. ఇవి దగ్గు, జలుబు, శ్వాసకోశంలో శ్లేష్మాన్ని వదిలిచడానికి, రద్దీని తగ్గించడానికి తోడ్పడతాయి. (image source – pixabay)
యాంటీమైక్రోబయల్ ప్రభావాలు..
రోజ్మేరీలో యాంటీమైక్రోబయల్ లక్షణాలు ఉంటాయి. ఇది బ్యాక్టీరియాతో పోరాడటానికి, ఇన్ఫెక్షన్లు నిరోధించడానికి తోడ్పడుతుంది.
(image source – pixabay)
మూడ్ మెరుగుపరుస్తుంది..
రోజ్మేరీ అద్భుతమైన సువాసన.. మానసిక స్థితిని మెరుగుపరుస్తుంది, ఒత్తిడిని తగ్గిస్తుంది. రోజ్మెరీ టీ తీసుకున్నా, వంటలో చేర్చుకున్నా.. ఆందోళన, నిరాశ వంటి సమస్యలకు చెక్‌ పెడుతుంది. (image source – pixabay)
చర్మాన్ని ఆరోగ్యంగా ఉంచుతుంది..
రోజ్మేరీ ఆయిల్‌లో యాంటీమైక్రోబయల్, యాంటీఆక్సిడెంట్ గుణాలు ఉంటాయి. ఈ గుణాలు చర్మాన్ని ఆరోగ్యంగా ఉంచడానికి తోడ్పడతాయి. వృద్ధాప్య ఛాయలు త్వరగా రాకుండా అడ్డుకుంటాయి. (image source – pixabay)
క్యాన్సర్‌ ముప్పు తగ్గుతుంది..
రోజ్మేరీని మీ ఆహారంలో చేర్చుకుంటే.. కొన్ని రకాల క్యాన్సర్లు వచ్చే ముప్పు తగ్గుతుందని అధ్యయనాలు పేర్కొన్నాయి. ముఖ్యంగా.. పెద్దప్రేగు, రొమ్ము, ప్రోస్టేట్ క్యాన్సర్లలో క్యాన్సర్‌ కణాల పెరుగుదలను నిరోధించడానికి సహాయపడుతుంది. అయితే, ఈ ప్రభావాలను నిర్ధారించడానికి మరిన్ని పరిశోధనలు అవసరం.
గమనిక: ఆరోగ్య నిపుణులు, అధ్యయనాల ప్రకారం ఈ వివరాలను అందించాం. ఈ కథనం కేవలం మీ అవగాహన కోసమే. ఆరోగ్యానికి సంబంధించిన ఏ చిన్న సమస్య ఉన్నా వైద్యులను సంప్రదించడమే ఉత్తమ మార్గం. గమనించగలరు.