పాశ్చాత్య దేశాల్లో..

సీవీడ్ అనేది సముద్రంలో కనిపించే నాచు. దీనిని చాలా సార్లు పచ్చిగా తింటారు. కానీ, మనదగ్గర అలా తినరు. కానీ, ఇది పొడి రూపంలో కూడా దొరుకుతుంది. దీనిని వంటల్లో చేర్చుకోవచ్చు.

రక్తహీనతతో బాధపడేవారు తినాల్సిన కూరగాయలు..

పోషకాలు..

సీవీడ్‌లో ఎక్కువగా పోషకాలు ఉంటాయి. అదే విధంగా క్యాలరీలు తక్కువగా ఉంటాయి.

50 గ్రాముల సీవీడ్‌లో కేవలం ఐదు కేలరీలు మాత్రమే ఉంటాయి. సీవీడ్‌లో ప్రోటీన్, కార్బోహైడ్రేట్స్, సోడియం, డైటరీ ఫైబర్, మెగ్నీషియం, పొటాషియం, కాల్షియం, ఫాస్పరస్, ఐరన్‌లు ఉన్నాయి.

అదే విధంగా, సీవీడ్ అనేది సముద్ర స్వభావాన్ని ఆకుపచ్చ, ఎరుపు రంగుల్లో లభిస్తుంది.
​Also Read : Fridge Water : ఫ్రిజ్ వాటర్ తాగుతున్నారా.. ఒక్క నిమిషం..​

రక్తహీనతకి మందులా..

సీవీడ్‌లో ఐరన్ చాలా ఎక్కువగా ఉంటుంది. కేవలం 100 గ్రాముల సీవీడ్ నుండి మనకు రోజువారీ ఐరన్ అవసరంలో 50 శాతం అందుబాటులో ఉంటుంది.

కాబట్టి, ఎర్రకర్తకణాలు తక్కువగా ఉన్నవారు, రక్తహీనతతో బాధపడేవారు దీనిని రెగ్యులర్‌గా తీసుకోవడం మంచిది. దీంతో రక్తంలో హిమోగ్లోబిన్ స్థాయిలు పెరుగుతాయి.

ముఖ్యంగా, మొక్కల ఆహారాల కంటే మాంసాహార ఫుడ్స్‌లో ఎక్కువగా ఐరన్ ఉంటుంది.

మెగ్నీషియం..

బాడీలో మెగ్నీషియం లోపం ఎముకలు బలహీనమవుతాయి. దీంతో చాలా సమస్యలొస్తాయి. వీటిని తగ్గించేందుకు సీవీడ్‌ని రెగ్యులర్‌గా ఫుడ్‌లో చేర్చుకోవాలి.
100 గ్రాముల సీవీడ్ మన రోజువారీ మెగ్నీషియం అవరాలలో 34 శాతం తీర్చగలదు.
శరీరంలో మెగ్నీషియం సరైన మొత్తంలో ఉన్నప్పుడు ఎముకలు ఆరోగ్యంగా ఉంటాయి. రక్తపోటును బ్యాలెన్స్‌గా చేస్తుంది. దీంతో నిద్రలేమి సమస్యలు దూరమవుతాయి.

అయోడిన్ లోపం..

మన శరీరానికి అవసరమైన సూక్ష్మ పోషకాల్లో అయోడిన్ ఒకటి. ముఖ్యంగా శరీరంలో థైరాయిడ్ సరైన మొత్తంలో అవసరానికి , మన శరీరానికి సరైన నిష్పత్తిలో అయోడిన్ అవసరం. ఈ సీవీడ్‌లో అయోడిన్ ఎక్కువగా ఉంటుంది. దీంతో అయోడిన్ లోపం, పిసిఓఎస్, హైపోథైరాయిడ్, హైపర్ థైరాయిడ్ ఉన్నవారు రెగ్యులర్‌గా దీనిని తీసుకోవడం మంచిది.
​Also Read : Heart Health : గుండె సమస్యలు రాకుండా ఉండాలంటే ఇలా చేయాల్సిందే..​

నరాల సమస్యలు..

నరాల సమస్యలు, బలహీన నాడీ వ్యవస్త, మూర్ఛ, మెదడు సంబంధిత సమస్యలతో బాధపడేవారు కచ్చితంగా దీనిని తీసుకోవాలి.
ఈ సీవీడ్‌లోని పోషకాలు నాడీ వ్యవస్థని బలంగా చేస్తాయి. రక్తప్రసరణ, బ్రెయిన్ కార్యకలాపాల వరకూ సరిగ్గా పనిచేయడానికి శరీరానికి తగినంత శక్తిని ఇస్తాయి.
ముఖ్యంగా మూర్ఛ వ్యాధితో బాధపడేవారు కనీసం వారానికి రెండు సార్లు ఆహారంలో సీవీడ్‌ని చేర్చుకోవాలి.

దీనిని స్మూతీస్, జ్యూస్ రూపంలో తీసుకోవచ్చు. లేదా తాగే నీటిలో ఇది వేసుకుని తాగొచ్చు.

బరువు తగ్గడం..

సముద్రపు నాచుని తీసుకోవడం వల్ల బరువు తగ్గుతారు. దీనిలో ప్రోటీన్స్ ఎక్కువగా ఉంటాయి. ఇందులో ఫైబర్ కూడా ఎక్కువగా ఉంటుంది. దీనిని తీసుకున్నప్పుడు కడుపు నిండుగా ఉంటుంది. కాబట్టి, ఎక్కువగా ఆకలి అవ్వదు. దీనిని తీసుకోవడం వల్ల అనవసరపు కొవ్వు కరుగుతుంది. దీంతో బరువు తగ్గుతారు.

​గమనిక: ఆరోగ్య నిపుణులు, అధ్యయనాల ప్రకారం ఈ వివరాలను అందించాం. ఈ కథనం కేవలం మీ అవగాహన కోసమే. ఆరోగ్యానికి సంబంధించిన ఏ చిన్న సమస్య ఉన్నా వైద్యులను సంప్రదించడమే ఉత్తమ మార్గం. గమనించగలరు.
​​​​Read More : Health News and Telugu News