కాఫీ..

కాఫీని చాలా మంది ఇష్టంగా తాగుతారు. అయితే, వారందరికీ ఇది ఇప్పుడు చెప్పేది బ్యాడ్ న్యూస్ అని చెప్పొచ్చు. కెఫిన్‌ని సరైన పద్ధతిలో తీసుకుంటే బరువుని తగ్గించొచ్చు. కానీ, ఎక్కువగా చక్కెర, పాలు, క్రీమ్‌తో తయారైన కాఫీని తీసుకోవడం వల్ల అది అంతగా హెల్దీ కాదు. ఇలాంటి డ్రింక్ కేలరీల సంఖ్యను పెంచుతుంది. నిజానికి నిపుణులు బ్లాక్ కాఫీ తాగడం మంచిదని, దీని వల్ల బరువు తగ్గడానికి హెల్ప్ అవుతుందని చెబుతున్నారు.

ప్రీ మిక్స్డ్ డ్రింక్స్..

బరువు తగ్గాలనుకునే వారు.. ప్రీ మిక్స్డ్ డ్రింక్స్‌కి ఎంత దూరం ఉంటే అంత మంచిది. మీకు ఇష్టమైన ప్రీమిక్స్డ్ టీలో చక్కెర ఎక్కువగా ఉంటుంది. కేలరీల ఎక్కువగా ఉంటాయి. తాజా టీ తాగడం వల్ల హెల్ప్ అవుతుంది. అదే ప్రీ మిక్స్డ్ టీతో ఎక్కువగా కేలరీలు పెరుగుతాయి. దీని బదులు, హెర్బల్ టీ తీసుకోవడం ఉత్తమం.

Hemoglobin : ఈ జ్యూస్ తాగితే రక్తం పెరుగుతుందట..

కార్బోనేటెడ్ డ్రింక్స్..

కూల్ డ్రింక్స్, సోడా ఆధారిత ఎనర్జీ డ్రింక్స్ సూపర్ టేస్టీగా మీ దాహాన్ని తీరుస్తాయి. అయితే, నిపుణులు, ఈ డ్రింక్స్ మొత్తం చక్కెరతో నిండి ఉంటాయని, ఫుల్ కేలరీలతో నిండి ఉన్నాయని చెబుతున్నారు. వీటిని తాగడం వల్ల తక్షణ శక్తి అందుతుందని అనుకుంటారు. కానీ, ఎంతమాత్రం కాదు, దీనిని తాగడం వల్ల డీ హైడ్రేట్ అవుతారు. వీటిని తాగడం వల్ల రక్తంలో చక్కెర శాతం, గుండె సమస్యలు, అధిక రక్తపోటు ప్రమాదాన్ని పెంచుతాయి.

కూల్ డ్రింక్స్‌తో పెరిగే బరువు

Also Read : Vitamin D Deficiency : చలికాలంలో విటమిన్ డిని ఎలా పొందాలంటే..

ఆల్కహాలిక్ డ్రింక్స్..

వైన్, బీర్, ఇతర ఆల్కహాలిక్ డ్రింక్స్‌ని భోజనంతో పాటు తీసుకోవడం వల్ల కేలరీలు పెరుగుతాయి. సెంటర్ ఫర్ డిసీజ్ కంట్రోల్ అండ్ ప్రివెన్షన్ నివేదిక ప్రకారం, అమెరికాలో రోజుకు సగటున 100 కేలరీలు తీసుకున్నట్లు తేలింది. నిజానికి డిన్నర్‌తో పాటు ఆల్కహాల్ తీసుకోవడం వల్ల క్యాలరీలు పెరుగుతాయి. మెటబాలిక్, కార్డియాక్ డిజార్డర్స్ వచ్చే ప్రమాదాన్ని పెంచుతాయి ఈ డ్రింక్స్.

పండ్ల రసాలు..

పండ్ల రసాలు ఆరోగ్యానికి చాలా మంచిదని అంటారు. మంచి రుచిగా ఉండే వీటిలో చక్కెర అధికంగా ఉంటుంది. దీంతో కేలరీల సంఖ్య అమాంతం పెరుగుతుంది. అంతేకాకుండా, చక్కెర కూడా బరువుని పెంచడంతో పాటు ఆరోగ్య సమస్యల్ని తీసుకొస్తాయి. కాబట్టి, ప్యాక్ చేసిన జ్యూస్‌కి బదులు తాజా జ్యూస్ అది కూడా చక్కెర తక్కువగా వేసి తీసుకోవడం మంచిది.

అదే విధంగా కొన్ని తప్పుల వల్ల కూడా బరువు పెరుగుతారు. సరైన ఆహారం తీసుకోకపోవడం, నీరు తాగకపోవడం, వర్కౌట్ చేయకపోవడం, నిద్రలేకపోవడం వంటి కారణాలు మిమ్మల్ని బరువు పెరిగేలా చేస్తాయి. ఏదైనా సరే సమయపాలన పాటించడం, ఉదయాన్నే లేవడం, కేలరీలు తక్కువగా తీసుకోవడం, కార్బోహైడ్రేట్స్ తగ్గించి ప్రోటీన్ ఫుడ్ తినడం అలవాటు చేసుకోవడం మంచిది. దీంతో పాటు ఎప్పటికప్పుడు హైడ్రేటెడ్‌గా ఉండాలి. ఇందుకోసం నీటిని తాగుతుండాలి. అదే విధంగా తినేటప్పుడు ఏదో పనిచేస్తూ, టీవి చూస్తూ తినడం చేయకూడదు. దీంతో మనకు తెలియకుండానే ఎక్కువగా తింటాం. ఈ విషయాన్ని కచ్చితంగా గుర్తుంచుకోవాలి.

తినడం కూడా ఒకేసారి కాకుండా కొద్దికొద్దిగా తినడం అలవాటు చేసుకోవాలి. అప్పుడే జీర్ణ వ్యవస్థ సరిగ్గా పనిచేస్తూ అలా కాకుండా ఎక్కువ సమయం ఇచ్చి ఒకేసారి ఎక్కువగా తినడం వల్ల జీర్ణ సమస్యలు రావడంతో పాటు బరువు పెరిగే అవకాశం ఉంటుంది. అలానే తినే కేలరీలను మనం వినియోగించే కేలరీలతో సరి చూసుకోవాలి. ఈ కారణంగా బరువుని కంట్రోల్ చయొచ్చొని నిపుణులు చెబుతున్నారు. ఇలాంటి చిన్న చిన్న మార్పులు చేయడం వల్ల త్వరగా మీ బరువుని మేనేజ్ చేయగలరు.

గమనిక: ఆరోగ్య నిపుణులు, అధ్యయనాల ప్రకారం ఈ వివరాలను అందించాం. ఈ కథనం కేవలం మీ అవగాహన కోసమే. ఆరోగ్యానికి సంబంధించిన ఏ చిన్న సమస్య ఉన్నా వైద్యులను సంప్రదించడమే ఉత్తమ మార్గం. గమనించగలరు.



Source link

Leave a Reply

Your email address will not be published. Required fields are marked *