PRAKSHALANA

Best Informative Web Channel

PRAKSHALANA

Tender Coconut’s Malai : కొబ్బరిబోండంలోని లేతకొబ్బరిని ఇలా తింటే గుండెకి మంచిది..


కొబ్బరిబోండాల సీజన్ వచ్చేసింది. ప్రతి ఒక్కరు కూడా నేడు పెరిగిన ఎండల నుంచి ఉపశమనం కోసం కొబ్బరిబోండాలు తాగుతున్నారు. దీని వల్ల ఎండ వేడి నుంచి ఉపశమనం పొందొచ్చు. అయితే, కొంతమంది కొబ్బరిబోండాం తాగక అలానే బోండాన్ని పడేస్తారు. అలా కాకుండా కొంతమంది కొబ్బరిని తింటారు. నిజానికి, ఈ కొబ్బరి తినడం చాలా మంచిది. దీనిని అస్సలు మిస్ చేయకుండా తినాలని చెబుతున్నారు నిపుణులు. దీనిని తినడం వల్ల కలిగే లాభాలు ఏంటో చూద్దాం.

కొబ్బరితో లాభాలు..

కొబ్బరిబోండాంలోని కొబ్బరిలో ఫైబర్ ఎక్కువగా ఉంటుంది. ఇది జీర్ణక్రియను పెంచుతుంది ఇమ్యూనిటీని పెంచుతుంది. కొబ్బరిలో లారిక్ యాసిడ్, యాంటీ ఆక్సిడెంట్స్ ఎక్కువగా ఉంటాయి. ఇవి స్కిన్‌కి చాలా మంచిది. ఇందులో కొవ్వు శాతం తక్కువగా ఉంటుంది. అందుకే, దీనిని తినడం వల్ల కొలెస్ట్రాల్ పెరుగుతుందన్న భయం ఉండదు. గుండె ఆరోగ్యం మెరుగ్గా ఉంటుంది.

​కొబ్బరితో వంటలు..

​కొబ్బరితో వంటలు..

తాజా కొబ్బరిని తినడం మంచిది. వీటిని మనం రెగ్యులర్‌గా అలానే తింటే బోర్ కొడుతుంది. అలా కాకుండా వీటితో కొన్ని వంటలు చేసుకోవచ్చు. దీని వల్ల టేస్టీ ఫుడ్ ఐటెమ్స్‌ని మనం ఎంజాయ్ చేసినట్లు ఉంటుంది. మరి ఆ వంటలు ఏంటి.. ఎలా చేయాలో చూద్దాం.

Also Read : Heart Health : వీటిని తింటే గుండె ఆరోగ్యంగా ఉంటుందట..

​ఖీర్..

​ఖీర్..

కొబ్బరితో ఖీర్.. అది కూడా లేత కొబ్బరి చాలా టేస్టీగా ఉంటుంది.ఇందుకోసం ముందుగా కావాల్సిన పదార్థాలు ఏంటో చూద్దాం.

కావాల్సిన పదార్థాలు..

1 కప్పు కొబ్బరి
1 కప్పు కొబ్బరి నీరు
1 టేబుల్ స్పూన్ తేనె
ఓ ఐదారు చుక్కల వెనీలా ఎసెన్స్

​తయారీ విధానం..

​తయారీ విధానం..

ముందుగా లేత కొబ్బరిని బయటికి తీసి బ్లెండర్‌లో వేసి కొబ్బరి నీరు, తేనె, వెనీలా ఎసెన్స్ వేయండి. దీనిని స్మూతీలా అయ్యేవరకూ మిక్సీ పట్టండి. ఇందులో కొద్దిగా నట్స్ కూడా మీరు యాడ్ చేసుకోవచ్చు.
Also Read : Rheumatoid Arthritis : కీళ్ళ నొప్పులు ఉన్నాయా.. ఈ సమస్య ఉందేమో..

​కొబ్బరి లడ్డూ..

​కొబ్బరి లడ్డూ..

కొబ్బరి లడ్డూ చాలా టేస్టీగా ఉండే ఈ లడ్డూలను ఈజీగా చేసుకోవచ్చు. ఇందుకోసం కావాల్సిన పదార్థాలను చూద్దాం.

కావాల్సిన పదార్థాలు..

1 కప్పు లేత కొబ్బరి
1 కప్పు పాలపొడి
ముప్పావు కప్పు పంచదార
పావు కప్పు నెయ్యి
పావు టీస్పూన్ యాలకుల పొడి
2 టేబుల్ స్పూన్ల జీడిపప్పు తరుగు

​తయారీ విదానం..

​తయారీ విదానం..

పాన్‌లో నెయ్యి వేసి మీడియం మంటపై వేడి చేయండి. ఇందులో సన్నగా తరిగిన లేత కొబ్బరి వేసి ఫ్రై చేయండి. ఇందులో యాలకుల పొడి, పాలపొడి వేయాలి.

మరో పాన్‌లో చక్కెర, అరకప్పు నీరు పోయండి. దీనిని పాకంలా చేయండి. ఇప్పుడు అందులో కొబ్బరి, పాలపొడి మిశ్రమాన్ని పాకంలో వేయండి. దీనిని బాగా కలపండి. సిమ్‌లో పెట్టి మిశ్రమం మొత్తం పాన్ నుంచి విడిపోయే వరకూ ఫ్రై చేయండి. ఇప్పుడు ఇందులో జీడిపప్పు వేసి మంట ఆర్పేయండి. చేతులకి నెయ్యి రాసి మిశ్రమం గోరువెచ్చగా అయ్యాక మిశ్రమాన్ని లడ్డూల్లా చేసుకోవాలి.

​కొబ్బరి ఐస్‌క్రీమ్..

​కొబ్బరి ఐస్‌క్రీమ్..

కావాల్సిన పదార్థాలు..

కప్పు కొబ్బరి మలై
1 కప్పు కొబ్బరి నీరు
1 కప్పు హెవీ క్రీమ్
అరకప్పు చక్కెర
1 టీ స్పూన్ వెనీలా ఎసెన్స్

​తయారీ విధానం..

​తయారీ విధానం..

ముందుగా కొబ్బరిని నీటితో కలిపి మిక్సీ వేసి బ్లెండ్ చేయండి. ఇప్పుడు అందులో హెవీ క్రీమ్, షుగర్, వెనీలా ఎసెన్స్ వేసి బాగా మిక్సీ పట్టండి. ఇప్పుడు తయారైన స్మూతీని స్టిక్ బ్లెండర్‌తో మరోసారి బ్లెండ్ చేసి ఓ టిన్‌లో వేసి ఫ్రిజ్‌లో 4 నుంచి 5 గంటల పాటు ఫ్రీజ్ చేయండి. తయారైన ఐస్‌క్రీమ్‌ని నట్స్, ఫ్రూట్స్‌తో గార్నిష్ చేయండి.



Source link

LEAVE A RESPONSE

Your email address will not be published. Required fields are marked *