[ad_1]
ఇలా వ్యాపిస్తుంది..
- కళ్లకలకలు వాతావరణ పరిస్థితుల్లో మార్పుల కారణంగా వస్తాయి.
- ఇన్ఫెక్షన్‌ ఉన్న వ్యక్తి నుంచి ఆ వైరస్‌ ఇతర వ్యక్తులకు కంటి స్రావాలు, చేతుల ద్వారా చేరుతుంది. ఎక్కువ శాతం చేతులు కళ్లలో పెట్టుకోవడం ద్వారా సోకుతుంది.
- ఒక వ్యక్తి ముక్కులో లేదా సైనస్‌లో ఉండే వైరస్‌, బ్యాక్టీరియా ఇతరుల కళ్లలోకి చేరడం ద్వారా ఇన్ఫెక్షన్‌ వచ్చే ప్రమాదం ఉంది.
- కాంటాక్టు లెన్స్‌ వినియోగించే అలవాటు ఉన్నవారు వాటిని సక్రమంగా శుభ్రం చేసుకోవాలి. సరైన లెన్స్‌ వాడకపోవడం వల్లనూ కలక రావొచ్చు.
- బ్యాక్టీరియా, వైరస్‌ వల్ల వేగంగా ఒకరి నుంచి ఒకరికి వ్యాపిస్తాయి.
- రసాయనాలు, వాహనాల పొగ, సౌందర్య ఉత్పత్తుల వాడకం వల్ల కూడా వ్యాపిస్తాయి.
- అలర్జీ, దుమ్ము-ధూళి, పెంపుడు జంతువులు, పూల పుప్పొడి ద్వారా వచ్చే అవకాశం ఉంది
- సాధారణంగా నాలుగు నుంచి ఏడు రోజులపాటు ఇది ఉంటుంది.
Prostate Cancer Risk: ఈ 5 చిన్న అలవాట్లతో..ప్రోస్టేట్ క్యాన్సర్ రిస్క్‌ తగ్గుతుంది..!
ఎలా నివారించాలి..?
- ఈ వైరస్‌ వ్యాప్తి ఒకరి నుంచి మరొకరికి చాలా వేగంగా ఉంటుందని, చిన్న చిన్న జాగ్రత్తలతో దీని బారిన పడకుండా అప్రమత్తంగా ఉండొచ్చని నిపుణులు సూచిస్తున్నారు.
- నల్ల కళ్లద్దాలు ధరించాలి. దీంతో కళ్లకు ఎక్కువ వెలుతురు తగలదు. ఇతరులకు అంటుకోకుండా నిలువరిస్తుంది.
- చేతులను తరచూ సబ్బుతో శుభ్రం చేసుకోవాలి. కళ్ల కలకకు కారణమయ్యే వైరస్‌, బ్యాక్టీరియా ఆయా ఉపరితలాల మీద ఎక్కువసేపు జీవించి ఉంటుంది. వాటిని తాకిన చేతులతో కళ్లను రుద్దుకుంటే వెంటనే అంటుకుంటుంది.
- కళ్లకలక వచ్చినవారు తమ దుప్పటి, తువ్వాలు వంటివి విడిగా పెట్టుకోవాలి. ఇతరులు వాడుకునే వాటితో కలవనీయొద్దు. ఫోన్‌ వంటి పరికరాలు షేర్‌ చేసుకోవద్దు.
- సాధారణంగా వైరల్‌ కళ్లకలక ఒక కంటికే వస్తుంటుంది. దీన్ని తాకిన చేతిని మరో కంటికి తగలకుండా చూసుకుంటే రెండో కంటికి అంటుకోకుండా కాపాడుకోవచ్చు.
- కళ్లకలక ఉన్నవారు కళ్లను చూస్తే తమకూ అంటుకుంటుందని కొందరు అనుకుంటారు. ఇది నిజం కాదు. చేతులతో లేదా నీటితో వైరస్‌ కళ్లకు అంటుకుంటే తప్ప కళ్లకలక సోకదు.
గమనిక: ఆరోగ్య నిపుణులు, అధ్యయనాల ప్రకారం ఈ వివరాలను అందించాం. ఈ కథనం కేవలం మీ అవగాహన కోసమే. ఆరోగ్యానికి సంబంధించిన ఏ చిన్న సమస్య ఉన్నా వైద్యులను సంప్రదించడమే ఉత్తమ మార్గం. గమనించగలరు.
[ad_2]
Source link
Leave a Reply