Healthy Foods : వీటిని ఖాళీ కడుపుతో తింటే బరువు తగ్గుతారట..

[ad_1]

ఏదైనా సరే మన ఆరోగ్యం మనం తీసుకునే ఆహారంపైనే ఆధారపడి ఉంటుంది. అందుకే పోషకాహారం తీసుకోవడం చాలా ముఖ్యం. పోషకాహారం అనగానే అదేంటి అని చాలా మంది ఏవేవో ఆలోచిస్తారు. వాటి గురించి సరిగ్గా ఆలోచించరు. ముఖ్యంగా ఉదయాన్నే తినే ఆహారం విషయంలో జాగ్రత్తలు పాటించాలని నిపుణులు చెబుతున్నారు. మార్నింగ్ తీసుకునే ఫుడ్ మీ ఆరోగ్యానికి శ్రీరామరక్ష అంటున్నారు. అందుకే ఉదయాన్నే తీసుకోవాల్సిన ఓ 6 ఫుడ్ ఐటెమ్స్ గురించి చెబుతున్నారు. అవేంటో ఇప్పుడు చూద్దాం.

పెరుగు..

పెరుగు.. ఇది మంచి ఫుడ్. మనం రోజులో కచ్చితంగా తీసుకోవడం మంచిది. దీనిని ఉదయాన్నే తీసుకుంటే మరిన్ని లాభాలు ఉంటాయి. మంచి ప్రో బయోటిక్ ఫుడ్ అయిన పెరుగును ఉదయాన్నే తీసుకోవడం వల్ల మన డైజెస్టివ్ సిస్టమ్ బాగా పనిచేయడమే కాకుండా ఇమ్యూనిటీ పెరుగుతుంది. దీనిని అలానే తీసుకోవడం ఇష్టం లేకపోతే వీటికి కాస్తా ఫ్రూట్ టచ్ ఇచ్చారనుకోండి. టేస్ట్‌కి టేస్ట్.. హెల్త్‌కి హెల్త్. ఉదయాన్నే పెరుగు తీసుకోవడం ఫుల్ ఎనర్జీ కూడా ఉంటుందండి. మీరు వర్కౌట్ చేశాక ఈ పెరుగుని తింటే పోస్ట్ వర్కౌట్ ప్రోటీన్ కూడా మీకు అందుతుంది. అలసిన కండరాలకు బలాన్నిస్తుంది. మీరు దీనిని స్మూతీలా తీసుకోవచ్చు. ఎలా అయినా తీసుకోవచ్చు.

Also Read : Diabetes Risk : షుగర్ వ్యాధి రావడానికి ముఖ్య కారణాలివే..

అరటిపండు..

ఏ సీజన్‌లో అయినా దొరికే పండు ఏదైనా ఉందంటే అందులో అరటిపండు ముందుంటుంది. అందరికీ అందుబాటు ధరలో ఉండడమే కాకుండా ఆరోగ్యాన్ని కూడా ఇచ్చే ఈ పండుని చాలా మంది ఇష్టంగా తింటారు. ఫైబర్, విటమిన్లు, ఖనిజాలు, యాంటీ ఆక్సిడెంట్స్ ఎక్కువగా ఉండే ఈ పండు పవర్ ప్యాక్ ఫుడ్ అని చెప్పొచ్చు. దీనిని ఉదయాన్నే తినడం మంచిది. ఒకటి లేదా రెండు అరటిపండ్లు తింటే మీలో వచ్చే శక్తిని మీరే గుర్తించొచ్చు. మీ బ్లడ్ చక్కెర శాతం తక్కువగా ఉన్నప్పుడు దీనిని తిని చూడండి. ఇందులోని కార్బోహైడ్రేట్స్ మీకు ఆ సమస్యని దూరం చేస్తుంది.

ఓట్స్..

ఓట్స్.. బెస్ట్ బ్రేక్‌ఫాస్ట్ అని చెప్పొచ్చు. దీనిని తినడం వల్ల నెమ్మదిగా శక్తి విడుదల అవుతుంది. రక్తంలో చక్కెర స్థాయిలను బ్యాలెన్స్ చేయడంలో ఇది మీకు సాయపడుతుంది. ఓట్మీల్‌లోని కరిగే ఫైబర్ మిమ్మల్ని ఎక్కువ సమయం వరకూ కడుపు నిండుగా ఉంన్న అనుభూతిని ఇస్తుంది. ప్రాసెస్ చేసిన ఫుడ్స్ కంటే ఓట్స్ తినడం ఆరోగ్యానికి చాలా మంచిది. ఓట్స్ తినడం వల్ల జీర్ణం త్వరగా అవ్వడమే కాకుండా పోషకాలు త్వరగా గ్రహించడానికి అవుతుంది. ఇందులో నట్స్ యాడ్ చేయడం వల్ల హెల్దీ ఫ్యాట్స్ యాడ్ చేసిన వారవుతారు. దాల్చిన చెక్క పొడి కలపడం వల్ల రక్తంలో చక్కెర స్థాయిలు తగ్గుతుంది. దాల్చినచెక్క కలిపి తీసుకోవడం వల్ల కడుపు ఎక్కువ సమయం నిండుగా ఉంటుంది.

గుడ్లు..

ప్రోటీన్‌కి అసలైన మూలం గుడ్లు. ఇవి ఖాళీ కడుపుతో తినడం చాలా మంచిది. గుడ్లలో ఐరన్, విటమిన్ డి, పొటాషియం, జింక్ ఇలా ఎన్నో గొప్ప పోషకాలు ఉన్నాయి. ఇవన్నీ రోజులో మీకు కావాల్సిన శక్తిని అందిస్తాయి. గుడ్డులోని హై ప్రోటీన్ మీ ఈజీగా డైజెస్ట్ అవ్వడమే కాకుండా. ఎక్కువసేపు మీకు కడుపు నిండుగా ఉన్న ఫీలింగ్‌ని అందిస్తుంది. బరువు తగ్గించడంలో ఇవి కీ రోల్ పోషిస్తాయి.
Also Read : Soaked Dry fruits : వీటిని నానబెట్టి ఉదయాన్నే తింటే బరువు తగ్గి గుండెకి మంచిదట..

బాదం..

విటమిన్ ఇ పుష్కలంగా ఫుడ్స్‌లో బాదం ఒకటి. రోజుని కిక్ స్టార్ట్ చేసేందుకు బాదం ది బెస్ట్. ఈ నట్స్‌ని మీ సలాడ్‌లో చేర్చండి. ప్రోటీన్ షేక్‌లో చేర్చండి. కాఫీ బదులు మీరు బాదం మిల్క్ కూడా తీసుకోవచ్చు. బాదంలోని కొవ్వులు మీలో శక్తిని పెంచి ఆకలి కాకుండా చూస్తాయి. వీటిలోని ఫైబర్ కంటెంట్ ఎక్కువ సేపు మీకు కడుపు నిండిన ఫీలింగ్‌ని ఇస్తాయి. వర్కౌట్ చేశాక వీటిని తినడం వల్ల మీకు అదనపు శక్తి వస్తుంది.
Also Read : శృంగారంలో తృప్తి లేకపోవడానికి కారణాలు ఇవే..

గ్రీన్ లీఫ్ వెజిటేబుల్స్..

కూరగాయల్లో ఎన్నో హెల్త్ బెనిఫిట్స్ ఉంటాయి. ఇవి మీలో శక్తిని పెంచుతాయి. వీటిలోని మెగ్నీషియం వల్ల అప్పటికప్పుడు ఎనర్జీ వచ్చిన ఫీలింగ్ వస్తుంది. గ్రీన్ లీఫ్ వెజిటేబుల్స్‌లో విటమిన్ ఎ, విటమిన్ సి ఎక్కువగా ఉంటాయి. ఇవి మరింత శక్తిని పెంచే పోషకాలను అందిస్తాయి. మీరు వీటిని పచ్చిగా, ఉడికించి తినొచ్చు. ఖాళీ కడుపుతో బచ్చలికూర, కాలే, పాలకూరని తినొచ్చు.

ఇవి మరువొద్దు

అయితే, ఇక్కడ ఓ విషయం గమనించాలి. ఇవన్నీ కూడా రోజుకి కావాల్సిన శక్తిని అందిస్తాయి. కానీ, ఒక్కొక్కరి శరీర తత్వాన్ని బట్టి ఒక్కో ఫుడ్ ఐటెమ్ పడకపోవచ్చు. ఉదాహారణకి కొంతమందికి ఉదయాన్నే ఖాళీ కడుపుతో అరటిపండ్లు, గుడ్డు తింటే కడుపు నొప్పి, అజీర్ణం వంటి సమస్యలు వస్తాయి. కాబట్టి వీటిని గమనించి మీకు ఏవి సూట్ అవుతాయో వాటిని తినడం మంచిది.

గమనిక: ఆరోగ్య నిపుణులు, అధ్యయనాల ప్రకారం ఈ వివరాలను అందించాం. ఈ కథనం కేవలం మీ అవగాహన కోసమే. ఆరోగ్యానికి సంబంధించిన ఏ చిన్న సమస్య ఉన్నా వైద్యులను సంప్రదించడమే ఉత్తమ మార్గం. గమనించగలరు.

[ad_2]

Source link