Stroke : ఈ బ్లడ్ గ్రూప్‌ ఉన్నవారికి స్ట్రోక్ ఎక్కువగా వస్తుందట..

[ad_1]

కొన్ని జాగ్రత్తలు తీసుకోవడం, హెల్దీ లైఫ్‌స్టైల్ కారణంగా మీరు ఈ సమస్యను అధిగమించొచ్చు. దీని గురించి మరిన్ని వివరాలు ఇప్పుడు చూద్దాం.

హెల్దీ డైట్..

మంచి ఆహారం తీసుకోవడం అనేది మీరు స్ట్రోక్ నుంచి మిమ్మల్ని మీరు కాపాడుకునేలా చేస్తుంది. తాజా పండ్లు, కూరగాయల్ని తీసుకోవడం మంచిది. అదే విదంగా ఎక్కువగా కొవ్వు ఆహారానికి దూరంగా ఉంటూ ట్రాన్స్ ఫ్యాట్స్, ఫైబర్ ఎక్కువగా ఉన్న ఫుడ్స్ తీసుకుంటే కొలెస్ట్రాల్‌ని తగ్గించొచ్చు.

సరైన బరువు..

బరువు కారణంగా అనేక సమస్యలు వస్తాయి. అందుకే బరువుని ఎప్పుడు అదుపులో ఉంచుకోవాలి. దీనిని మీరు బీఎమ్‌ఐ ప్రకారం చూసుకోవచ్చు.

Also Read : Heart attack : చలికాలంలో గుండెనొప్పులు రాకుండా ఏం చేయాలంటే..

రెగ్యులర్ వర్కౌట్..

వర్కౌట్ కూడా మన బరువుని మేనేజ్ చేయడంలో హెల్ప్ చేస్తుంది. సరైన బరువు కారణంగా కొలెస్ట్రాల్, బ్లడ్ ప్రెజర్ సమస్యలు ఉండవు. సాధారణంగా వారంలో రెండున్నర గంటలైనా మీకు నచ్చిన వర్కౌట్ చేయడం ఉత్తమం.

అలవాట్లకి దూరంగా..

వీటితో పాటు మద్యపానం, ధూమపానానికి దూరంగా ఉండడం మంచిది. దీనివల్ల చాలా ఆరోగ్య సమస్యలు వస్తాయి. అదే విధంగా ఎలాంటి ఆరోగ్య సమస్యలు లేకుండా చూసుకుంటూ రెగ్యులర్‌గా డాక్టర్ చెకప్స్ తీసుకోవడం మంచిది.

అధ్యయనాలు ఏం చెబుతున్నాయి..

ఓ కొత్త అధ్యయనం ప్రకారం, స్ట్రోక్ వచ్చే ప్రమాదం ఉంటే మీ రక్తాన్ని ఓ సారి చెక్ చేయాలి. ఇస్కీమిక్ స్ట్రోక్ వచ్చినప్పుడు మెదడులోని కొంత భాగానికి రక్త సరఫరా తగ్గుతుంది. ఇది మెదడు కణజాలం ఆక్సిజన్, పోషకాలను పొందకుండా ఆపుతుంది. దీని వల్ల మెదడు కణాలు నిమిషాల్లో చనిపోతాయి. ఈ పరిశోధనలు యువకుల్లో స్ట్రోక్స్ గురించి తెలుసుకోవడానికి, వాటిని ఆపేందుకు కొత్త మార్గాలను వెతుకుతాయని న్యూరాలజీ అనే పేపర్‌లో ప్రచురించారు.

ఎర్ర రక్త కణాల ఉపరితలంపై యాంటీ బాడీస్, వారసత్వంగా వచ్చిన యాంటీ జెనిక్ పదార్థాలు వంటి రసాయనాల ఉనికి ఆధారంగా బ్లడ్ టైప్స్‌గా విడిపోతాయి. బ్లడ్ గ్రూప్స్ A,B, AB, O ఉన్నాయి. వ్యక్తి బ్లడ్ గ్రూప్ వారి పేరెంట్స్ జన్యువుల ద్వారా వస్తుంది.

నార్త్ అమెరికాకు చెందిన పరిశోధకులు, యూరప్, ఆసియా నుండి జెనెటిక్, ఇస్కీమిక్ స్ట్రోక్‌పై 48 అధ్యయనాలను పరీక్షించారు. వీరిలో పక్షవాతం ఉన్నవారు 16 వేల మంది కాగా, లేని వారు 5.7 లక్షల మంది ఉన్నారు. కొంతమందికి 60 ఏళ్ళ కంటే ముందుగానే స్ట్రోక్ రాగా.. దీనిని ఇస్కీమిక్ స్ట్రోక్ అంటారు. 9 వేల మందికి 60 ఏళ్ళ తర్వాత వచ్చింది.

Also Read : Pista : పిస్తాపప్పులు తింటే గుండెకి మంచిదా..

ఇతర బ్లడ్ గ్రూప్స్‌తో పోలిస్తే A బ్లడ్ గ్రూప్ ఉన్నవారికి 60 ఏళ్ళ లోపే స్ట్రోక్ వస్తుందని పరిశోధనలు చెబుతున్నాయి. ఎ గ్రూప్ ఎందుకు ఎక్కువ ప్రమాదంలో ఉందో తెలియాల్సి ఉంది. కానీ, రక్త నాళాలను లైన్ చేసే ప్లేట్‌లెట్స్, కణాలు, ఇతర ప్రసరించే ప్రోటీన్స్ వంటి రక్తం గడ్డకట్టే కారకాలతో దీనికి సంబంధం ఉంటుంది. ప్రత్యేకంగా బ్లడ్ గ్రూప్స్ A, O లతో ముడి పడి ఉన్న తేడాలు ఎర్లీ స్ట్రోక్‌ని సూచిస్తున్నాయి. ఈ తేడాలు ఉన్న వ్యక్తులకి రక్తం గడ్డకట్టే అవకాశం ఉండడంతో స్ట్రోక్‌కి దారి తీస్తుందని బాల్టిమోర్‌లోని యూనివర్శిటీ మేరీ ల్యాడ్ స్కూల్ ఆఫ్ మెడిసిన్‌కు చెందిన రచయిత బ్రాక్సటన్ డి.మిచెల్, పీహెచ్‌డి, ఎమ్‌పిహెచ్ చెబుతున్నారు.

O బ్లడ్ గ్రూప్‌కి ఇతర గ్రూప్స్‌ వారితో పోలిస్తే స్ట్రోక్ వచ్చే ప్రమాదం 12 శాతం తక్కువగా ఉందని చెబుతున్నారు. A బ్లడ్ గ్రూప్ వారికి 60 ఏళ్ళలోపే స్ట్రోక్ వచ్చే ప్రమాదం 16 శాతం ఎక్కువగా ఉంది.

నాన్ O బ్లడ్ గ్రూప్స్ స్ట్రోక్ ప్రమాదంతో ముడిపడి ఉన్నాయి. స్ట్రోక్‌తో సంబంధం ఉన్న జన్యు వైవిధ్యాలను గుర్తించేందుకు పరిశోధకులు క్రోమోజోమ్స్‌ని చూశారు. వారు స్ట్రోక్, A, AB, B, O బ్లడ్ టైప్‌ని నిర్ణయించే జన్యువుని కలిగి ఉన్న క్రోమోజోమ్ మధ్య సంబంధాన్ని కనుగొన్నారు. నియంత్రణలతో పోలిస్తే ఎర్లీ, లేట్ స్ట్రోక్స్ కూడా బి బ్లడ్ గ్రూప్‌లో ఎక్కువగా ఉంటాయి.

Also Read : Protein powder : ప్రోటీన్ పౌడర్‌తో బరువు తగ్గుతారా..

స్ట్రోక్ ఎలా వస్తుందనే దానిపై మరింత కచ్చితమైన విషయం అవగాహనను అభివృద్ధి చేయడంలో సాయపడటానికి పరిశోధన అవసరం. ఇది ఎర్లీ స్ట్రోక్ నివారణ ట్రీట్‌మెంట్‌కి హెల్ప్ అవుతుంది. దీంతో స్ట్రోక్ నుంచి ప్రజలు తమని తాము కాపాడుకోవచ్చు.

గమనిక: ఆరోగ్య నిపుణులు, అధ్యయనాల ప్రకారం ఈ వివరాలను అందించాం. ఈ కథనం కేవలం మీ అవగాహన కోసమే. ఆరోగ్యానికి సంబంధించిన ఏ చిన్న సమస్య ఉన్నా వైద్యులను సంప్రదించడమే ఉత్తమ మార్గం. గమనించగలరు.